شاباداننان شاشىلعان اقشا: «سامۇرىق-قازىنا» مەن «قتج» باسشىلارى ۇستالدى!
بۇگىن الەۋمەتتىك جەلىلەردە استاناداعى تۇرعىن ۇيلەردىڭ ءبىرىنىڭ اۋلاسىندا شابادان تولى دوللاردىڭ شاشىلىپ جاتقانى تۇسىرىلگەن ۆيدەو جاريا بولعان.
ال بۇگىن قر ۇقك «سامۇرىق-قازىنا» جانە «قازاقستان تەمىر جولى» باسشىلارى ۇستالعانىن مالىمدەدى.
«سامۇرىق-قازىنا» اق باسقارما توراعاسى نۇرلان جاقىپوۆ جانە «قازاقستان تەمىر جولى» ۇلتتىق كومپانياسى باسقارما توراعاسى ەلجاس وتىنشيەۆ جانە وزگە دە تۇلعالار جەمقورلىق كۇدىگىمەن ۇستالدى.
قر ۇقك حابارلاماسىندا:
«2026 جىلعى 11 قاراشادا قر ۇقك سىبايلاس جەمقورلىققا قارسى ءىس-قيمىل قىزمەتى «سامۇرىق-قازىنا» اق باسقارماسىنىڭ توراعاسى ن.جاقىپوۆ پەن «قتج» ۇك» اق باسقارماسىنىڭ توراعاسى ە.وتىنشيەۆتى جانە سىبايلاس جەمقورلىق قىلمىس جاسادى دەگەن كۇدىكپەن باسقا دا ادامداردى ۇستادى. ءىستىڭ بارلىق ءمان-جايلارىن انىقتاۋعا باعىتتالعان تەرگەۋ ارەكەتتەرى جۇرگىزىلۋدە. قىلمىستىق-پروتسەستىك كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋ بارىسى تۋرالى وزگە اقپارات جاريا ەتۋگە جاتپايدى. مەملەكەت باسشىسىنىڭ تاپسىرماسىن ورىنداۋ جانە «زاڭ جانە ءتارتىپ»قاعيداتىن ساقتاۋ اياسىندا سىبايلاس جەمقورلىققا قارسى كۇرەس جۇمىستارى جالعاسۋدا»، - دەپ جازىلعان.
ەلجاس وتىنشيەۆ – «قتج» باسشىلىعىنا 2026 جىلودىڭ شىلدە ايىندا كەلگەن. 2024 جىلعى اقپاننان باستاپ «قازاقستان تەمىر جولى» ۇك» اق ديرەكتورلار كەڭەسىنىڭ مۇشەسى بولىپ تابىلادى.
نۇرلان جاقىپوۆ – «سامۇرىق-قازىنا» تىزگىنىن 2023 جىلدىڭ ءساۋىر ايىندا ۇستاعان.
Abai.kz
