ناۋرىزباي اۋدانىنداعى كوميۋنيتي ورتالىعى – جاستارعا ارنالعان ماڭىزدى الاڭ
ناۋرىزباي اۋدانىندا جاستاردىڭ جان-جاقتى دامۋىنا، الەۋەتىن ارتتىرۋىنا جانە باستامالارىن جۇزەگە اسىرۋىنا باعىتتالعان كوميۋنيتي ورتالىعى جۇمىس ىستەيدى.
شۇعىلا شاعىناۋدانى، 340ب مەكەنجايىندا ورنالاسقان ورتالىق كۇن سايىن ساعات 10:00-دەن 23:00-گە دەيىن جاستارعا قىزمەت كورسەتەدى.
ورتالىقتا جاستاردىڭ ءبىلىمىن جەتىلدىرۋگە، كاسىبي جانە شىعارماشىلىق قابىلەتتەرىن دامىتۋعا باعىتتالعان كەزدەسۋلەر، تانىمدىق ءىس-شارالار، ترەنينگتەر مەن ءتۇرلى جوبالار ۇيىمداستىرىلادى. سونىمەن قاتار، جاستار اپتا سايىن كاسىبي پسيحولوگ پەن زاڭگەردىڭ تەگىن كەڭەسىن الۋ مۇمكىندىگىنە يە.
كوميۋنيتي ورتالىعى – جاستاردىڭ ءوز الەۋەتىن جۇزەگە اسىرۋىنا، جاڭا مۇمكىندىكتەرگە قول جەتكىزۋىنە، قوعامدىق باستامالارعا بەلسەندى قاتىسۋىنا جانە ءوزارا تاجىريبە الماسۋىنا جاعداي جاسايتىن ماڭىزدى قوعامدىق كەڭىستىك.
Abai.kz