استانا. 21 مامىر. قازتاگ - ايناگۇل بەكەەۆا. راحات اليەۆتىڭ داۋلى بولعان «وكىل قايىن اتا» اتتى كىتابىن تاراتقان، نە وقىعان قازاقستان ازاماتتارى قىلمىستىق جاۋاپكەرشىلىككە تارتىلادى، دەپ مالىمدەدى باس پروكۋراتۋرانىڭ رەسمي وكىلى ساپاربەك نۇرپەيسوۆ.
«بۇل كىتاپتى ساتىپ الۋ، نە كىتاپتىڭ مازمۇنىن تاراتۋعا قاتىسى بار ءبىزدىڭ ازاماتتار، ەگەر ءبىز مۇنداي فاكتىنى انىقتاساق، قىلمىسكەر راحات اليەۆكە كومەكتەسەن رەتىندە قىلمىستىق جاۋاپكەرشىلىككە تارتىلادى. سەبەبى ول بۇگىندەرى قازاقستاندىق سوتتان جاسىرىنىپ ءجۇر»، - دەپ ايتتى ول بەيسەنبى كۇنگى بريفينگتە.
س. نۇرپەيسوۆ اتاپ وتكەندەي، كىتاپتا مەملەكەتتىك قۇپياعا قاتىسى بار مالىمەتتەر جاريالانىپ، ماتىندە فاكتىلەردى بۇرمالاۋ مەن ازاماتتاردىڭ قۇقىعىنا نۇقسان كەلتىرەتىن، ياعني جەكە باستىڭ ءومىرى مەن قۇپياسىنا قول سۇقپاۋ تۋرالى قۇقىعىن بۇزاتىن جانە دۇرىس ەمەس اقپارات جىبەرىلگەن. 
«كىم دە كىم قۇپياعا جىبەرىلگەن بولماسا، ونىڭ كىتاپ مازمۇنىمەن تانىسۋعا قۇقىعى جوق»، - دەپ قوستى ول.
سونىمەن قاتار باس پروكۋراتۋرا وكىلى ءوزىنىڭ بۇل كىتاپتى وقىعانىن ءمالىم ەتتى: «يا، مەن بۇل كىتاپتى وقىپ شىقتىم، قىزمەت بابىنداعى مىندەتىمە ساي تانىستىم (ونىڭ مازمۇنىمەن-قازتاگ)». 

استانا. 21 مامىر. قازتاگ - ايناگۇل بەكەەۆا. راحات اليەۆتىڭ داۋلى بولعان «وكىل قايىن اتا» اتتى كىتابىن تاراتقان، نە وقىعان قازاقستان ازاماتتارى قىلمىستىق جاۋاپكەرشىلىككە تارتىلادى، دەپ مالىمدەدى باس پروكۋراتۋرانىڭ رەسمي وكىلى ساپاربەك نۇرپەيسوۆ.
«بۇل كىتاپتى ساتىپ الۋ، نە كىتاپتىڭ مازمۇنىن تاراتۋعا قاتىسى بار ءبىزدىڭ ازاماتتار، ەگەر ءبىز مۇنداي فاكتىنى انىقتاساق، قىلمىسكەر راحات اليەۆكە كومەكتەسەن رەتىندە قىلمىستىق جاۋاپكەرشىلىككە تارتىلادى. سەبەبى ول بۇگىندەرى قازاقستاندىق سوتتان جاسىرىنىپ ءجۇر»، - دەپ ايتتى ول بەيسەنبى كۇنگى بريفينگتە.
س. نۇرپەيسوۆ اتاپ وتكەندەي، كىتاپتا مەملەكەتتىك قۇپياعا قاتىسى بار مالىمەتتەر جاريالانىپ، ماتىندە فاكتىلەردى بۇرمالاۋ مەن ازاماتتاردىڭ قۇقىعىنا نۇقسان كەلتىرەتىن، ياعني جەكە باستىڭ ءومىرى مەن قۇپياسىنا قول سۇقپاۋ تۋرالى قۇقىعىن بۇزاتىن جانە دۇرىس ەمەس اقپارات جىبەرىلگەن. 
«كىم دە كىم قۇپياعا جىبەرىلگەن بولماسا، ونىڭ كىتاپ مازمۇنىمەن تانىسۋعا قۇقىعى جوق»، - دەپ قوستى ول.
سونىمەن قاتار باس پروكۋراتۋرا وكىلى ءوزىنىڭ بۇل كىتاپتى وقىعانىن ءمالىم ەتتى: «يا، مەن بۇل كىتاپتى وقىپ شىقتىم، قىزمەت بابىنداعى مىندەتىمە ساي تانىستىم (ونىڭ مازمۇنىمەن-قازتاگ)». 
سونىمەن قاتار س. نۇرپەيسوۆ ۇستىمىزدەگى جىلى 15 مامىردا قر باس پروكۋراتۋراسى قر قك 143 بابى، 2-ءشى تارماعى – («حات جازىسۋدىڭ، تەلەفون سۇحباتتارىن، پوشتالىق، تەلەگرافتىق جانە باسقا دا حابارلاردىڭ قۇپياسىن بۇزۋ») مەن 172 باپ 2-ءشى تارماعى «مەملەكەتتىك قۇپيانى زاڭسىز الىپ جاريالاۋ» - بويىنشا قىلمىستىق ءىس قوزعالعانىن قوسىپ ايتتى.
«ءبىز بۇل ءىستى ۇقك جىبەردىك تە، ولار 16 مامىردا بۇل ءىستى ءوز وندىرىسىنە الدى. سول كۇنى-اق ۇقك تەرگەۋشىسىمەن قابىلدانعان قاۋلىعا سايكەس، كىتاپ پەن ونىڭ بارلىق تيراجى جانە ءماتىنى قىلمىستىڭ ءمانى مەن زاتتاي ايعاعى دەپ تانىلدى»، - دەيدى پروكۋراتۋرا وكىلى.
قىلمىستىق-پروتسەسسۋالدىق كودەكس بابىنا سايكەس، «قىلمىس ءمانى زاتتاي ايعاق دەپ تانىلادى دا تاركىلەنۋگە جاتادى جانە قىلمىستىق ءىس ماتەريالدارىنا قوسىپ قويىلادى»، دەپ ءتۇسىندىردى ول. وسى سەبەپتى كىتاپتى پايدالانۋعا، الۋعا، تاراتۋعا جانە ءتىپتى ودان قانداي دا ءۇزىندى كەلتىرۋگە تيىم سالىنادى.