استانا. 21 مامىر. قازتاگ – ايناگۇل بەكەەۆا. قازاقستان مەن وزبەكستان كورشى مەملەكەتتىڭ اۋماعىندا قىلمىس جاساعان 27 قازاقستاندىقتى ەكستراديتسيالاۋ تۋرالى كەلىسسوز جۇرگىزىپ جاتىر، دەپ حابارلادى باس پروكۋراتۋرانىڭ رەسمي وكىلى ساپاربەك نۇرپەيىسوۆ.
«قازىرگى ۋاقىتتا وزبەك جاعىمەن ءتيىستى كەلىسسوزدەر جۇرگىزىلىپ جاتىر. ءبىزدىڭ ازاماتتاردى قازاقستاندىق ادىلەت ورگاندارىنا تاپسىرۋ ماسەلەسى قويىلىپ وتىر. ەگەر ۋاعدالاستىقتارعا قول جەتكىزىلسە، ءبىزدىڭ ازاماتتار ەلىمىزدە قىلمىستىق سوت ءوندىرىسىنىڭ تارتىبىمەن تەرگەلەتىن بولادى»، - دەدى ول بەيسەنبى كۇنى بريفينگ بارىسىندا.
ول اقتوبە وبلىستىق ءىىد بۇل قىلمىستى ۇيىمداستىرعاندارعا قاتىستى ەكونوميكالىق كونتراباندا دەرەگى بويىنشا قىلمىستىق ءىس قوزعاعانىن ەسكە سالدى.
ونىڭ ايتۋىنشا، قىلمىستى ۇيىمداستىرعان بارلىق ازاماتتار قاماۋعا الىندى.
«وزبەكستاندا ۇستالعان قازاقستاندىقتاردى جازالاۋ شاراسى ايتارلىقتاي جوعارى بولادى دەپ ويلايمىن، ويتكەنى ەكونوميكالىق كونتراباندا مەن ۇرلاۋ دەرەگى تىركەلىپ وتىر»، - دەپ تولىقتىردى پروكۋراتۋرا وكىلى.
بۇعان دەيىن، قازتاگ-قا قر سىرتقى ىستەر ءبىرىنشى ۆيتسە-ءمينيسترى نۇرتاي ابىقاەۆ حابارلاعانداي، وزبەكستاندا ۇستالعان قازاقستاندىقتار ءوز كىنالارىن مويىندادى. «مۇنداي ءىس بولعان سوڭ، ول جاقتا سوت وتكەنشە، ولاردى (وزبەكستاندا ۇستالعان قازاقستاندىقتاردى - قازتاگ) جىبەرمەيدى»، - دەدى ول.

استانا. 21 مامىر. قازتاگ – ايناگۇل بەكەەۆا. قازاقستان مەن وزبەكستان كورشى مەملەكەتتىڭ اۋماعىندا قىلمىس جاساعان 27 قازاقستاندىقتى ەكستراديتسيالاۋ تۋرالى كەلىسسوز جۇرگىزىپ جاتىر، دەپ حابارلادى باس پروكۋراتۋرانىڭ رەسمي وكىلى ساپاربەك نۇرپەيىسوۆ.
«قازىرگى ۋاقىتتا وزبەك جاعىمەن ءتيىستى كەلىسسوزدەر جۇرگىزىلىپ جاتىر. ءبىزدىڭ ازاماتتاردى قازاقستاندىق ادىلەت ورگاندارىنا تاپسىرۋ ماسەلەسى قويىلىپ وتىر. ەگەر ۋاعدالاستىقتارعا قول جەتكىزىلسە، ءبىزدىڭ ازاماتتار ەلىمىزدە قىلمىستىق سوت ءوندىرىسىنىڭ تارتىبىمەن تەرگەلەتىن بولادى»، - دەدى ول بەيسەنبى كۇنى بريفينگ بارىسىندا.
ول اقتوبە وبلىستىق ءىىد بۇل قىلمىستى ۇيىمداستىرعاندارعا قاتىستى ەكونوميكالىق كونتراباندا دەرەگى بويىنشا قىلمىستىق ءىس قوزعاعانىن ەسكە سالدى.
ونىڭ ايتۋىنشا، قىلمىستى ۇيىمداستىرعان بارلىق ازاماتتار قاماۋعا الىندى.
«وزبەكستاندا ۇستالعان قازاقستاندىقتاردى جازالاۋ شاراسى ايتارلىقتاي جوعارى بولادى دەپ ويلايمىن، ويتكەنى ەكونوميكالىق كونتراباندا مەن ۇرلاۋ دەرەگى تىركەلىپ وتىر»، - دەپ تولىقتىردى پروكۋراتۋرا وكىلى.
بۇعان دەيىن، قازتاگ-قا قر سىرتقى ىستەر ءبىرىنشى ۆيتسە-ءمينيسترى نۇرتاي ابىقاەۆ حابارلاعانداي، وزبەكستاندا ۇستالعان قازاقستاندىقتار ءوز كىنالارىن مويىندادى. «مۇنداي ءىس بولعان سوڭ، ول جاقتا سوت وتكەنشە، ولاردى (وزبەكستاندا ۇستالعان قازاقستاندىقتاردى - قازتاگ) جىبەرمەيدى»، - دەدى ول.
ەسكە سالا كەتەيىك، 26 اقپاندا ارال تەڭىزىنىڭ باتىس جاعالاۋىندا وزبەكستاندىق قۇقىق قورعاۋ ورگاندارى 27 قازاقستاندىق ازاماتتى ۇستاعان. «ولار مەملەكەتتىك شەكارانى بۇزدى جانە وزبەكستاندىق قۇقىق قورعاۋ ورگاندارىنىڭ پىكىرىنشە، وزبەكستان اۋماعىندا ساقتالىپ جاتقان گاز قۇبىرلارىن ۇرلاۋ ماقساتىمەن ەلگە كىرگەن. 8 شاقىرىمعا كىرگەن»، - دەپ تۇسىندىرگەن ەدى قازاقستاننىڭ تاشكەنتتەگى ەلشىلىگىنىڭ كونسۋلى بابىر داۋرەنبەك.