استانا. 2 جەلتوقسان. قازتاگ – قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ استانا وتكىزگەلى وتىرعان ەقىۇ سامميتىندە «كورفۋ پروتسەسىن» ارى قاراي ىلگەرىلەتۋ بويىنشا ەۋروپالىق قاۋىپسىزدىك ماسەلەلەرىن تالقىلاۋدى ۇسىندى. ول بۇل تۋرالى 1 جەلتوقساندا افينا قالاسىندا ەقىۇ سىرتقى ىستەر مينيسترلەرى كەڭەسىنىڭ (سىمك) 17-ءشى كەڭەيتىلگەن وتىرىسىندا ءمالىم ەتتى.

«پرەزيدەنت نۇرسۇلتان نازارباەۆ حەلسينكي قورىتىندى اكتىسىنە قول قويىلعانىنا 35 جىل،  ەكىنشى دۇنيەجۇزىلىك سوعىستىڭ اياقتالۋىنا 65 جىل تولۋىنا، پاريج حارتياسىنىڭ 20 جىلدىعىنا  وراي ەقىۇ ءسامميتىن وتكىزۋدى ۇسىندى. «كورفۋ پروتسەسىن» ارى قاراي ىلگەرىلەتۋ، قاۋىپسىزدىكتىڭ ورتاق ترانساتلانتيكالىق جانە ەۋروازيالىق ارحيتەكتۋراسىن قۇرۋ، اۋعانستاندى قالپىنا كەلتىرۋ جانە وسى ەلگە كومەكتەسۋ ءسامميتتىڭ تاقىرىپتارى بولۋى مۇمكىن»، - دەپ ءمالىم ەتتى ول ءسوز سويلەگەن كەزدە. قر ءسىم ءباسپاسوز قىزمەتى ق. ساۋداباەۆ جاساعان باياندامانىڭ ءماتىنىن قازتاگ اگەنتتىگىنە جولداپ وتىر.

ق. ساۋداباەۆ گرەكيانىڭ توراعالىعى كەزىندە قولعا الىنعان «كورفۋ پروتسەسى» ەقىۇ ايماعىنداعى جاپپاي جانە بولىنبەيتىن قاۋىپسىزدىكتى تۇسىنۋگە ماڭىزدى سەرپىن بەردى»، - دەدى. - «ءبارىمىز بىرلەسكەن ءىس-ارەكەتتەر قاجەت ەكەندىگىنە كەلىستىك، ال قازاقستان بولاشاق توراعا رەتىندە وسىناۋ يگىلىكتى باستامانى جالعاستىرۋعا جان-جاقتى ىقپال ەتپەك نيەتتە»، - دەپ ءمالىم ەتتى مەملەكەتتىك حاتشى -مينيستر.

استانا. 2 جەلتوقسان. قازتاگ – قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ استانا وتكىزگەلى وتىرعان ەقىۇ سامميتىندە «كورفۋ پروتسەسىن» ارى قاراي ىلگەرىلەتۋ بويىنشا ەۋروپالىق قاۋىپسىزدىك ماسەلەلەرىن تالقىلاۋدى ۇسىندى. ول بۇل تۋرالى 1 جەلتوقساندا افينا قالاسىندا ەقىۇ سىرتقى ىستەر مينيسترلەرى كەڭەسىنىڭ (سىمك) 17-ءشى كەڭەيتىلگەن وتىرىسىندا ءمالىم ەتتى.

«پرەزيدەنت نۇرسۇلتان نازارباەۆ حەلسينكي قورىتىندى اكتىسىنە قول قويىلعانىنا 35 جىل،  ەكىنشى دۇنيەجۇزىلىك سوعىستىڭ اياقتالۋىنا 65 جىل تولۋىنا، پاريج حارتياسىنىڭ 20 جىلدىعىنا  وراي ەقىۇ ءسامميتىن وتكىزۋدى ۇسىندى. «كورفۋ پروتسەسىن» ارى قاراي ىلگەرىلەتۋ، قاۋىپسىزدىكتىڭ ورتاق ترانساتلانتيكالىق جانە ەۋروازيالىق ارحيتەكتۋراسىن قۇرۋ، اۋعانستاندى قالپىنا كەلتىرۋ جانە وسى ەلگە كومەكتەسۋ ءسامميتتىڭ تاقىرىپتارى بولۋى مۇمكىن»، - دەپ ءمالىم ەتتى ول ءسوز سويلەگەن كەزدە. قر ءسىم ءباسپاسوز قىزمەتى ق. ساۋداباەۆ جاساعان باياندامانىڭ ءماتىنىن قازتاگ اگەنتتىگىنە جولداپ وتىر.

ق. ساۋداباەۆ گرەكيانىڭ توراعالىعى كەزىندە قولعا الىنعان «كورفۋ پروتسەسى» ەقىۇ ايماعىنداعى جاپپاي جانە بولىنبەيتىن قاۋىپسىزدىكتى تۇسىنۋگە ماڭىزدى سەرپىن بەردى»، - دەدى. - «ءبارىمىز بىرلەسكەن ءىس-ارەكەتتەر قاجەت ەكەندىگىنە كەلىستىك، ال قازاقستان بولاشاق توراعا رەتىندە وسىناۋ يگىلىكتى باستامانى جالعاستىرۋعا جان-جاقتى ىقپال ەتپەك نيەتتە»، - دەپ ءمالىم ەتتى مەملەكەتتىك حاتشى -مينيستر.

ول قازاقستان 2010 جىلى ەقىۇ-نىڭ توراعاسى رەتىندە «ەقىۇ-نىڭ نەگىزگى قاعيدالارى مەن قۇندىلىقتارىن قالتقىسىز ۇستانىپ، ۆەنادان باتىسقا جانە شىعىسقا قاراي ورنالاسقان ەلدەردىڭ اراسىنداعى سەنىم مەن ءوزارا تۇسىنىستىكتى نىعايتۋ ءۇشىن ۇيىم مۇشەلەرىنىڭ مۇددەلەرىن ەسكەرە وتىرىپ ارەكەت ەتىپ، ۇيىم قىزمەتىنىڭ بارلىق ءۇش سەبەتىن تەڭ تولتىرۋعا تىرىسادى» دەدى.

سونىمەن قاتار، ديپلومات «الدىن الا جانە بۇگىنگى كونسۋلتاتسيالارىمىز جانە دەلەگاتسيا باسشىلارى ايتقان سوزدەر كورسەتىپ وتىرعانداي، پرەزيدەنت ن.نازارباەۆتىڭ سامميت وتكىزۋ تۋرالى باستاماسىن ەقىۇ-عا مۇشە مەملەكەتتەردىڭ كوپشىلىگى قولداپ وتىر».

«بۇگىن، ىستامبۇل كەزدەسۋىنەن كەيىن 10 جىل وتكەن سوڭ، جوعارى دەڭگەيدە قازىرگى قاۋىپتەرگە باعا بەرىلىپ، ەقىۇ-نىڭ ۆانكۋۆەردەن ۆلاديۆوستوكقا دەيىنگى كەڭىستىكتى قاۋىپسىزدىك پەن ىنتىماقتاستىقتى قامتاماسىز ەتۋ بويىنشا الداعى پەرسپەكتيۆاسىنىڭ باسىمدىقتارىن بەلگىلەيتىن ۋاقىت دەگەن سەنىمدەمىز»، - دەپ ءمالىم ەتتى ديپلومات.

وسى ورايدا ول ەقىۇ سىمك بويىنشا ارىپتەستەرىنەن «ساياسي ەرىك پەن ستراتەگيالىق كورەگەندىك تانىتىپ، سىمك قابىلدايتىن شەشىمنىڭ ماتىنىنە 2010 جىلى ەقىۇ ءسامميتىن وتكىزۋ تۋرالى ماسەلەنى ەنگىزۋدى ءوتىندى».

«كورفۋ پروتسەسى» بيىلعى جىلدىڭ 28 ماۋسىمىندا ەقىۇ سىرتقى ىستەر مينيسترلەرىنىڭ ەكى كۇندىك بەيرەسمي وتىرىسى وتكەن گرەكيا ارالىنىڭ قۇرمەتىنە وسىلاي اتالعان. بۇل وتىرىستا بولاشاق ەۋروپالىق قاۋىپسىزدىك بويىنشا اشىق، تۇراقتى، كەڭ كولەمدى جانە جاپپاي قامتيتىن ديالوگ باستاۋ تۋرالى شەشىم قابىلدانعان بولاتىن.