استانا. 5 جەلتوقسان. قازتاگ– قازاقستان-قىتاي ىنتىماقتاستىق كوميتەتىنىڭ بەيجىڭدە 4-ءشى جەلتوقساندا وتكەن 5-ءشى وتىرىسىندا ءوزارا ىقپالداستىقتىڭ ءار سالاسىندا ايتارلىقتاي العا جىلجۋشىلىق بارلىعىن اتاپ ءوتىلدى، دەپ حابارلادى قر ءسىم ءباسپاسوز قىزمەتى.

كوميتەت پەن ونىڭ بولىمشەلەرىنىڭ وتكەن ەكى جىلدا اتقارعان جۇمىسىنا قورىتىندى جاساي وتىرىپ، تاراپتار «ورتاق كۇش-جىگەردىڭ ارقاسىندا ەكى جاقتى ىنتىماقتاستىقتىڭ ءار سالاسىندا ايتارلىقتاي پروگرەسكە قول جەتكىزدىك»، دەگەن ورتاق پىكىرگە كەلدى، - دەلىنگەن تاراتىلعان حاباردا.

قازاقستاندىق دەلەگاتسيانى كەلىسسوزدەردە ءبىرىنشى ۆيتسە-پرەمەر ومىرزاق شۇكەەۆ، قىتايلىق دەلەگاتسيانى – مەملەكەتتىك كەڭەس پرەمەرىنىڭ ورىنباسارى ۆان تسيشان باستادى.

وتىرىس بارىسىندا تاراپتار قارجى سالاسىنداعى، ينفراقۇرىلىمدىق قۇرىلىس، ەنەرگەتيكا، گەولوگيا مەن قويناۋدى پايدالانۋ، كولىك جانە كەدەندىك ءىس، قورعانىس پەن قاۋىپسىزدىك، شەكارالىق وزەندەردى پايدالانۋ مەن قورعاۋ سالاسىنداعى ىنتىماقتاستىق، سونداي-اق ساۋدا-ەكونوميكالىق، عىلىمي-تەحنيكالىق  جانە مادەني-گۋمانيتارلىق سالاداعى بايلانىستاردى كەڭەيتۋ ماسەلەلەرىن تالقىلادى دەلىنگەن حاباردا. 

استانا. 5 جەلتوقسان. قازتاگ– قازاقستان-قىتاي ىنتىماقتاستىق كوميتەتىنىڭ بەيجىڭدە 4-ءشى جەلتوقساندا وتكەن 5-ءشى وتىرىسىندا ءوزارا ىقپالداستىقتىڭ ءار سالاسىندا ايتارلىقتاي العا جىلجۋشىلىق بارلىعىن اتاپ ءوتىلدى، دەپ حابارلادى قر ءسىم ءباسپاسوز قىزمەتى.

كوميتەت پەن ونىڭ بولىمشەلەرىنىڭ وتكەن ەكى جىلدا اتقارعان جۇمىسىنا قورىتىندى جاساي وتىرىپ، تاراپتار «ورتاق كۇش-جىگەردىڭ ارقاسىندا ەكى جاقتى ىنتىماقتاستىقتىڭ ءار سالاسىندا ايتارلىقتاي پروگرەسكە قول جەتكىزدىك»، دەگەن ورتاق پىكىرگە كەلدى، - دەلىنگەن تاراتىلعان حاباردا.

قازاقستاندىق دەلەگاتسيانى كەلىسسوزدەردە ءبىرىنشى ۆيتسە-پرەمەر ومىرزاق شۇكەەۆ، قىتايلىق دەلەگاتسيانى – مەملەكەتتىك كەڭەس پرەمەرىنىڭ ورىنباسارى ۆان تسيشان باستادى.

وتىرىس بارىسىندا تاراپتار قارجى سالاسىنداعى، ينفراقۇرىلىمدىق قۇرىلىس، ەنەرگەتيكا، گەولوگيا مەن قويناۋدى پايدالانۋ، كولىك جانە كەدەندىك ءىس، قورعانىس پەن قاۋىپسىزدىك، شەكارالىق وزەندەردى پايدالانۋ مەن قورعاۋ سالاسىنداعى ىنتىماقتاستىق، سونداي-اق ساۋدا-ەكونوميكالىق، عىلىمي-تەحنيكالىق  جانە مادەني-گۋمانيتارلىق سالاداعى بايلانىستاردى كەڭەيتۋ ماسەلەلەرىن تالقىلادى دەلىنگەن حاباردا. 

«تاراپتار كوميتەتتىڭ 2007 جىلعى وتىرىسىنان كەيىنگى تابىستى بولعان قر پرەزيدەنتىنى ن. نازارباەۆ پەن قحر توراعاسى حۋ تسزينتاونىڭ 2008 جىلعى تامىزدا بەيجىڭدە بولعان كەزدەسۋى، پرەزيدەنت ن. نازارباەۆتىڭ 2009 جىلى ساۋىردە قىتايعا جاساعان مەملەكەتتىك ساپارى، قر پرەمەر-ءمينيسترى ك. ءماسىموۆتىڭ جانە قحر مەمكەڭەستىڭ پرەمەرى ۆەن تسزيابونىڭ 2008 جىلى جاساعان ءوزارا جەمىستى ساپارلارى قازاقستان-قىتايلىق ستراتەگيالىق ارىپتەستىك قارىم-قاتىناسىن العا جىلجىتۋدا ماڭىزدى وقيعا بولعانىن اتاپ ءوتتى»، دەپ حابارلايدى ءباسپاسوز قىزمەتى.

قازاقستان-قىتاي ىنتىماقتاستىق كوميتەتىنىڭ 5-ءشى وتىرىسى بويىنشا حاتتاماعا قول قويىلدى.

سول كۇنى حالىق جينالىسى ۇيىندە ءو. شۇكەەۆتىڭ قحر مەمكەڭەس پرەمەرى ۆان تسيشانمەن جانە جالپى قىتايلىق جينالىسىنىڭ تۇراقتى كوميتەتىنىڭ توراعاسى ۋ بانگومەن جەكە كەزدەسۋلەرى بولىپ ءوتتى. تاراپتار ءوزارا قىزىقتى پروبلەمالار بويىنشا تەرەڭ ، جان-جاقتى پىكىر الماستى.

قازاقستان-قىتاي ىنتىماقتاستىق كوميتەتىنىڭ 5-ءشى وتىرىسى اياسىندا «قازاقستان-قىتاي: ساۋدانى دامىتۋ ارقىلى ءوزارا گۇلدەنۋگە قول جەتكىزۋ» اتتى بيزنەس-فورۋم ۇيىمداستىرىلىپ، وعان ەكى ەلدىڭ 150-دەي كاسىپكەرلەرى قاتىستى.