استانا. 8 جەلتوقسان. قازتاگ- ەلىمىزدىڭ تاۋەلسىزدىك كۇنى قارساڭىندا قر پرەزيدەنتىنىڭ جارلىعىمەن ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى، بەلسەندى قوعامدىق قىزمەتى ءۇشىن ازاماتتاردىڭ ۇلكەن توبى مەملەكەتتىك ناگرادالارمەن ماراپاتتالدى، دەپ حابارلادى پرەزيدەنتتىڭ ءباسپاسوز قىزمەتى.

ولاردىڭ قاتارىندا مادەنيەت، عىلىم، ءبىلىم بەرۋ، دەنساۋلىق ساقتاۋ سالالارىنىڭ كورنەكتى قايراتكەرلەرى، ءوندىرىس سالاسىنىڭ، قۇقىق قورعاۋ ورگاندارىنىڭ وكىلدەرى، اسكەري قىزمەتشىلەر، سپورتشىلار، سوعىس جانە ەڭبەك ارداگەرلەرى بار.
ەرەكشەلىكتىڭ جوعارى دەڭگەيى – “قازاقستاننىڭ ەڭبەك ەرى” اتاعى قوستاناي وبلىسىنداعى “كاركەن” جاۋاپكەرشىلىگى شەكتەۋلى سەرىكتەستىگىنىڭ ديرەكتورى س.ب.بۇقانوۆقا، قازاقستان رەسپۋبليكاسى پارلامەنتى سەناتىنىڭ دەپۋتاتى ءا.كەكىلباەۆقا، شىعىس قازاقستان وبلىسىنداعى “وسكەمەن تيتان-ماگني كومبيناتى” اق پرەزيدەنتى ب.م.شاياحمەتوۆكە بەرىلدى.

“وتان” وردەنىمەن ناگرادتالعاندار اراسىندا قوستاناي وبلىسىنداعى ك.ماركس اتىنداعى جشس ديرەكتورى ي.م.ۆەچتەين، سولتۇستىك قازاقستان وبلىسىنداعى “مامبەتوۆ جانە ك” كوممانديتتىك سەرىكتەستىگى تراكتور-ەگىس بريگاداسىنىڭ بريگاديرى ا.ن.ءجۇنىسوۆ بار.   

استانا. 8 جەلتوقسان. قازتاگ- ەلىمىزدىڭ تاۋەلسىزدىك كۇنى قارساڭىندا قر پرەزيدەنتىنىڭ جارلىعىمەن ەلدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى، بەلسەندى قوعامدىق قىزمەتى ءۇشىن ازاماتتاردىڭ ۇلكەن توبى مەملەكەتتىك ناگرادالارمەن ماراپاتتالدى، دەپ حابارلادى پرەزيدەنتتىڭ ءباسپاسوز قىزمەتى.

ولاردىڭ قاتارىندا مادەنيەت، عىلىم، ءبىلىم بەرۋ، دەنساۋلىق ساقتاۋ سالالارىنىڭ كورنەكتى قايراتكەرلەرى، ءوندىرىس سالاسىنىڭ، قۇقىق قورعاۋ ورگاندارىنىڭ وكىلدەرى، اسكەري قىزمەتشىلەر، سپورتشىلار، سوعىس جانە ەڭبەك ارداگەرلەرى بار.
ەرەكشەلىكتىڭ جوعارى دەڭگەيى – “قازاقستاننىڭ ەڭبەك ەرى” اتاعى قوستاناي وبلىسىنداعى “كاركەن” جاۋاپكەرشىلىگى شەكتەۋلى سەرىكتەستىگىنىڭ ديرەكتورى س.ب.بۇقانوۆقا، قازاقستان رەسپۋبليكاسى پارلامەنتى سەناتىنىڭ دەپۋتاتى ءا.كەكىلباەۆقا، شىعىس قازاقستان وبلىسىنداعى “وسكەمەن تيتان-ماگني كومبيناتى” اق پرەزيدەنتى ب.م.شاياحمەتوۆكە بەرىلدى.

“وتان” وردەنىمەن ناگرادتالعاندار اراسىندا قوستاناي وبلىسىنداعى ك.ماركس اتىنداعى جشس ديرەكتورى ي.م.ۆەچتەين، سولتۇستىك قازاقستان وبلىسىنداعى “مامبەتوۆ جانە ك” كوممانديتتىك سەرىكتەستىگى تراكتور-ەگىس بريگاداسىنىڭ بريگاديرى ا.ن.ءجۇنىسوۆ بار.   

ءىى دارەجەلى “بارىس” وردەنىنە قازاقستان مۇسىلماندارى ءدىني باسقارماسىنىڭ توراعاسى ءا.ب.دەربىسالى، ءىىى دارەجەلى “بارىس” وردەنىنە شىعىس قازاقستان وبلىسىنداعى “قازتسينك” جشس-ءنىڭ ريددەر كەن-بايىتۋ كەشەنىنىڭ ديرەكتورى ۆ.ا.زاۆيالوۆ، ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى س.سارتاەۆ، قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى ز.ل.فەدوتوۆا جانە باسقالار يە بولدى.

“پاراسات” وردەنىمەن بەلگىلى عالىمدار، مادەنيەت، ءبىلىم بەرۋ قايراتكەرلەرىنىڭ سىڭىرگەن ەڭبەگى اتاپ ءوتىلدى، ولاردىڭ اراسىندا قازاق كوز اۋرۋلارى عىلىمي-زەرتتەۋ ينستيتۋتىنىڭ ديرەكتورى ت.ك.بوتابەكوۆا، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى ن.جاقىپباي، قازاق ۇلتتىق اگرارلىق ۋنيۆەرسيتەتىنىڭ پروفەسسورى ق.ءۇ.مەدەۋبەكوۆ، “ا.باراەۆ اتىنداعى استىق شارۋاشىلىعى عىلىمي-وندىرىستىك ورتالىعى” جشس-ءنىڭ باس عىلىمي قىزمەتكەرى م.ق.سۇلەيمەنوۆ، م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتريساسى ف.ءشارىپوۆا، جازۋشى ش.ەلەۋكەنوۆ، سۋرەتشى ءۇ.اجيەۆ، ءمۇسىنشى ي.ۆ.لاگۋتين بار. 

ءى دارەجەلى “دوستىق” وردەنىمەن سۋرەتشى گۇلفايرۋز يسمايىلوۆا، اقىن فاريزا وڭعارسىنوۆا ناگرادتالدى، ءىى دارەجەلى “دوستىق” وردەنىمەن ماراپاتتالعاندار قاتارىندا مەملەكەتتىك رەسپۋبليكالىق ۇيعىر مۋزىكالىق كومەديا تەاترىنىڭ ءارتىسى م.م.داراەۆ، قاراعاندى وبلىستىق پولياك ەتنومادەني “پولونيا” بىرلەستىگىنىڭ توراعاسى ا.ك.سۆاريچەۆسكي، م.لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ اكتەرى س.ا.ۋفيمتسەۆ، جازۋشى ا.ا.كيم بار. 

“قۇرمەت” وردەنىنە يە بولعاندار اراسىندا استانا قالاسىنىڭ №1 قالالىق ەمحاناسىنىڭ باس دارىگەرى ك.ن.اناسوۆا، “ەير استانا” اق اۋە كەمەسىنىڭ كومانديرى ت.س.ءامىروۆا، اباي اتىنداعى قازاق مەملەكەتتىك وپەرا جانە بالەت تەاترىنىڭ رەجيسسەرى ع.ەسىموۆ، “ايقىن” رەسپۋبليكالىق گازەتىنىڭ باس رەداكتورى ن.ءجۇسىپ، قاراعاندى وبلىسىنداعى بالقاش مىس بالقىتۋ زاۋىتىنىڭ بالقىتۋشىسى د.ا.كەرىمجانوۆ، قىزىلوردا وبلىسىنداعى №249 مەكتەپ-ليتسەيىنىڭ ديرەكتورى ك.ب.مەرگەنباي، اقمولا وبلىسىنداعى “نوۆوكۋبانسكوە” جشس-ءنىڭ باس اگرونومى ن.د.نوساچەۆا، اقتوبە وبلىسىنداعى وليمپيادالىق رەزەرۆتى دايارلاۋ ورتالىعىنىڭ ديرەكتورى ا.ب.شاحاروۆ جانە باسقالار بار.

اسكەري جانە قىزمەتتىك پارىزدارىن ۇلگىلى اتقارعاندارى، زاڭدىلىق پەن قۇقىق ءتارتىبىن قامتاماسىز ەتۋ، ەلدىڭ ۇلتتىق قاۋىپسىزدىگىن نىعايتۋ كەزىندە كورسەتكەن ەرلىگى مەن جانقيارلىعى ءۇشىن اسكەري قىزمەتشىلەر مەن قۇقىق قورعاۋ ورگاندارى قىزمەتكەرلەرىنىڭ ءبىر توبى ءى جانە ءىى دارەجەلى “داڭق”، ءىى جانە ءىىى دارەجەلى “ايبىن” وردەندەرىمەن، “ەرلىگى ءۇشىن” جانە “جاۋىنگەرلىك ەرلىگى ءۇشىن” مەدالدارىمەن ماراپاتتالدى.

“قازاقستاننىڭ ەڭبەك سىڭىرگەن قايراتكەرى” قۇرمەتتى اتاعى عىلىمنىڭ، مادەنيەتتىڭ، ءوندىرىس پەن الەۋمەتتىك سالانىڭ 69 كورنەكتى وكىلىنە بەرىلدى.

قازاقستان رەسپۋبليكاسىنىڭ قۇرمەت گراموتاسىمەن 228 ادام ناگرادتالدى. 

ماراپاتتالعانداردىڭ ءتىزىمى جەرگىلىكتى باسپاسوزدە جاريالاناتىن بولادى.