الماتى. 22 مامىر. قازتاگ – KEGOC كومپانياسى وزىنە زالال تيگىزەتىن نەگىزسىز ايىپ تاققانى ءۇشىن ەكولوگتارعا قارسى سوتقا ارىز جازباق. بۇل تۋرالى جۇما كۇنى قازتاگ تىلشىسىنە «KEGOC» اق باسقارۋشى ديرەكتورى سەرگەي كاتىشەۆ حابارلادى.
«ەكولوگيالىق ۇيىمداردىڭ ەسىنە سالا كەتكىمىز كەلەدى، ولاردىڭ ەكولوگيالىق زاڭناما بۇزىلىپ جاتقانى تۋرالى ويلانباي جاساعان مالىمدەمەلەرى ءبىزدىڭ كومپانيانىڭ ىسكەرلىك بەدەلىنە جانە ارىپتەستەرمەن قاتىناستارىمىزعا زالال تيگىزەدى، بۇل KEGOC كومپانياسىنا ەكونوميكالىق شىعىن كەلتىرۋى مۇمكىن»، - دەپ ءمالىم ەتتى ول.
الماتى وبلىسىنىڭ شارىن وزەنىندە مويناق گيدروەلەكترستانتسياسى سالىنىپ جاتقانى بەلگىلى. بۇل ورايدا اتالعان ەلەكتر ستانتسياسىنىڭ قۋاتىن بەرۋ سۇلباسىنىڭ قۇرىلىسى – بۇل ەلەكتر ستانتسياسىن جۇمىس ىستەپ تۇرعان ەلەكتر جەلىلەرىمەن بايلانىستىراتىن ەلەكتر جەلىلەرىنىڭ قۇرىلىسى KEGOC كومپانياسىنىڭ مىندەتىنە جاتادى. «جاسىل قۇتقارۋ» ەكولوگيالىق قوعامى جوبانى جۇزەگە اسىرۋ ەرەكشە قورعالاتىن تابيعي اۋماقتار تۋرالى زاڭدى بۇزۋعا الىپ كەلەدى دەپ وتىر. ولار جوعارى ۆولتتى جەلىلەردى «شارىن» جانە «التىن-ەمەل» ۇلتتىق تابيعي باقتارىنىڭ اۋماعىنان تىس ورنالاستىرۋدى تالاپ ەتۋدە.

الماتى. 22 مامىر. قازتاگ – KEGOC كومپانياسى وزىنە زالال تيگىزەتىن نەگىزسىز ايىپ تاققانى ءۇشىن ەكولوگتارعا قارسى سوتقا ارىز جازباق. بۇل تۋرالى جۇما كۇنى قازتاگ تىلشىسىنە «KEGOC» اق باسقارۋشى ديرەكتورى سەرگەي كاتىشەۆ حابارلادى.
«ەكولوگيالىق ۇيىمداردىڭ ەسىنە سالا كەتكىمىز كەلەدى، ولاردىڭ ەكولوگيالىق زاڭناما بۇزىلىپ جاتقانى تۋرالى ويلانباي جاساعان مالىمدەمەلەرى ءبىزدىڭ كومپانيانىڭ ىسكەرلىك بەدەلىنە جانە ارىپتەستەرمەن قاتىناستارىمىزعا زالال تيگىزەدى، بۇل KEGOC كومپانياسىنا ەكونوميكالىق شىعىن كەلتىرۋى مۇمكىن»، - دەپ ءمالىم ەتتى ول.
الماتى وبلىسىنىڭ شارىن وزەنىندە مويناق گيدروەلەكترستانتسياسى سالىنىپ جاتقانى بەلگىلى. بۇل ورايدا اتالعان ەلەكتر ستانتسياسىنىڭ قۋاتىن بەرۋ سۇلباسىنىڭ قۇرىلىسى – بۇل ەلەكتر ستانتسياسىن جۇمىس ىستەپ تۇرعان ەلەكتر جەلىلەرىمەن بايلانىستىراتىن ەلەكتر جەلىلەرىنىڭ قۇرىلىسى KEGOC كومپانياسىنىڭ مىندەتىنە جاتادى. «جاسىل قۇتقارۋ» ەكولوگيالىق قوعامى جوبانى جۇزەگە اسىرۋ ەرەكشە قورعالاتىن تابيعي اۋماقتار تۋرالى زاڭدى بۇزۋعا الىپ كەلەدى دەپ وتىر. ولار جوعارى ۆولتتى جەلىلەردى «شارىن» جانە «التىن-ەمەل» ۇلتتىق تابيعي باقتارىنىڭ اۋماعىنان تىس ورنالاستىرۋدى تالاپ ەتۋدە.
س. كاتىشەۆتىڭ ايتۋىنشا، قازىرگى ۋاقىتتا ەلەكتر جەتكىزۋ جەلىلەرى وتەتىن جول تاڭدالعان جوق. جوعارى ۆولتتى جەلىلەر ءوتۋى مۇمكىن ورىندى تاڭداۋ جانە كەلىسۋ بويىنشا مامانداندىرىلعان ۇيىممەن كەلىسىمشارت بار. بۇل پروتسەسس بارىسىندا اتالعان ۇيىم وسى جۇمىسقا قاتىسى بار مەملەكەتتىك ورگاندار مەن ۇيىمدارمەن كەڭەسىپ ارەكەت ەتىپ جاتىر.
«اتالعان ۇيىم ەلەكتر جەتكىزۋ جەلىلەرى وتەتىن ىقتيمال جولداردى تاڭداپ، ونى KEGOC-قا ۇسىنعان سوڭ، ءبىزدىڭ كومپانيا بۇل جولداردى قاراپ، ەكولوگيالىق، ەكونوميكالىق جانە باسقا دا قاۋىپتەردى باعالاپ، ءوز قىزمەتىن اشىق اتقاراتىن كومپانيا رەتىندە بۇل ماسەلەگە قاتىستى اقپاراتتى حالىققا جاريا ەتەدى. ءبىزدىڭ بولجاۋىمىزشا، بۇل ءبىر-ءبىر جارىم ايدان كەيىن بولادى»، - دەپ اتاپ كورسەتتى باسقارۋشى ديرەكتور.
«قازىر شۋلاپ، داۋ كوتەرۋگە ەش نەگىز جوق. سوندىقتان وسىنداي شۋ كوتەرىپ جاتقان ۇيىمداردىڭ كوزقاراسى تۇسىنبەۋشىلىك تۋدىرادى. سونداي-اق، KEGOC كومپانياسى ءوز قىزمەتى بارىسىندا رەسپۋبليكانىڭ زاڭ اكتىلەرىن جانە حالىقارالىق كونۆەنتسيالاردى بۇزۋعا نيەتتى ەمەس ەكەنىن اتاپ كورسەتكىم كەلەدى. ەلەكتر جەلىلەرىنىڭ جولىن تاڭداۋ قازاقستان زاڭناماسىنا سايكەس جۇزەگە اسىرىلادى»، - دەپ اتاپ كورسەتتى س. كاتىشەۆ.
كومپانيا بەيسەنبى كۇنى تاراتقان حابارلامادا ايتىلعانداي، شىندىققا سايكەس كەلمەيتىن مالىمەتتەردى حالىق الدىندا تاراتۋ، باق پايدالانۋ ارقىلى ءتۇرلى ۇيىمدار مەن لاۋازىمدى تۇلعالارعا حابارلاۋ ارەكەتتەرىن KEGOC كومپانيانىڭ ىسكەرلىك بەدەلىنە نۇقسان كەلتىرۋگە باعىتتالعان دەپ ەسەپتەيدى. بۇل جاعداي KEGOC كومپانياسىنا بۇل مالىمەتتەردى جوققا شىعارۋدى جانە ولاردى تاراتۋدان كەلگەن زالالدى وتەۋدى  سوت تارتىبىمەن تالاپ ەتۋگە مۇمكىندىك بەرەدى.
«سونداي-اق، جالعان مالىمەتتەردى قاساقانا تاراتۋ جالعاساتىن بولسا، «كەGوس» اق ايىپتى تۇلعالاردى زاڭنمەن بەلگىلەنگەن جاۋاپقا تارتۋدى تالاپ ەتۋ قۇقىعىن وزىندە قالدىرادى»، - دەلىنگەن حابارلامادا.