قاراعاندى. 21 جەلتوقسان. قازتاگ – تەمىرتاۋ سوتى قايتىس بولعان ادامدارعا تيەسىلى پاتەرلەردى ساتۋ-ساتىپ الۋ كەلىسىمشارتتارىنىڭ بىرقاتارىن زاڭسىز دەپ تانىدى. ىستەر قالا پروكۋراتۋراسىنىڭ پاتەر داۋلارى بويىنشا انىقتالعان جاعدايلارعا بايلانىستى سوت اكتىلەرىن تەكسەرۋ قورىتىندىسىن ۇسىنعاننان كەيىن قايتا قارالدى.

تەمىرتاۋ پروكۋرورىنىڭ كومەكشىسى دينارا ابدىكارىموۆانىڭ حابارلاۋىنشا، سوڭعى ۋاقىتتا تەمىرتاۋ قالالىق سوتىندا پاتەرلەردى ساتۋ-ساتىپ الۋ تۋرالى كەلىسىمشارتتاردى زاڭسىز دەپ تانۋ تۋرالى داۋلار بويىنشا قارالاتىن ازاماتتىق ىستەر كوبەيىپ كەتكەن. «2009 جىلدىڭ باسىنان بەرى وسىنداي 35 ازاماتتىق ءىس قارالعان. الايدا تەكسەرۋ كەزىندە سوتتىڭ كەيبىر وقيعالار بويىنشا زاڭ نورمالارىن بۇزعانى انىقتالدى»، -  دەدى ول.

مىسالى، تەمىرتاۋ قالالىق سوتىنىڭ 2008 جىلدىڭ 3 شىلدەسىندەگى شەشىمىمەن پاتەردى ساتۋ-ساتىپ الۋ تۋرالى كەلىسىمشارتتى زاڭدى دەپ تانۋ تۋرالى ءوتىنىش قاناعاتتاندىرىلعان. بۇعان ارىزدانۋشىنىڭ سوتقا بەرگەن قولحاتى سەبەپ بولعان. وعان سايكەس، ارىزدانۋشى 2005 جىلى قوجايىنىنا 600 مىڭ تەڭگە تولەپ، وسى پاتەردى ساتىپ العان. الايدا تەكسەرۋ كەزىندە انىقتالعانداي، پاتەردىڭ يەسى 1997 جىلى قايتىس بولعان.

«ياعني، ارىزدانۋشى راسىمدەۋ كەزىندە دۇنيەدەن ءوتىپ كەتكەن پاتەر يەسىمەن ساتۋ-ساتىپ الۋ تۋرالى كەلىسىمشارتتى راسىمدەۋى مۇمكىن ەمەس. مۇنداي جاعدايدا مۇلىك قۇقىعى مۇراگەرلىك نەمەسە زاڭ بويىنشا باسقا ادامدارعا اۋىسادى، - دەدى پروكۋرور.

قاراعاندى. 21 جەلتوقسان. قازتاگ – تەمىرتاۋ سوتى قايتىس بولعان ادامدارعا تيەسىلى پاتەرلەردى ساتۋ-ساتىپ الۋ كەلىسىمشارتتارىنىڭ بىرقاتارىن زاڭسىز دەپ تانىدى. ىستەر قالا پروكۋراتۋراسىنىڭ پاتەر داۋلارى بويىنشا انىقتالعان جاعدايلارعا بايلانىستى سوت اكتىلەرىن تەكسەرۋ قورىتىندىسىن ۇسىنعاننان كەيىن قايتا قارالدى.

تەمىرتاۋ پروكۋرورىنىڭ كومەكشىسى دينارا ابدىكارىموۆانىڭ حابارلاۋىنشا، سوڭعى ۋاقىتتا تەمىرتاۋ قالالىق سوتىندا پاتەرلەردى ساتۋ-ساتىپ الۋ تۋرالى كەلىسىمشارتتاردى زاڭسىز دەپ تانۋ تۋرالى داۋلار بويىنشا قارالاتىن ازاماتتىق ىستەر كوبەيىپ كەتكەن. «2009 جىلدىڭ باسىنان بەرى وسىنداي 35 ازاماتتىق ءىس قارالعان. الايدا تەكسەرۋ كەزىندە سوتتىڭ كەيبىر وقيعالار بويىنشا زاڭ نورمالارىن بۇزعانى انىقتالدى»، -  دەدى ول.

مىسالى، تەمىرتاۋ قالالىق سوتىنىڭ 2008 جىلدىڭ 3 شىلدەسىندەگى شەشىمىمەن پاتەردى ساتۋ-ساتىپ الۋ تۋرالى كەلىسىمشارتتى زاڭدى دەپ تانۋ تۋرالى ءوتىنىش قاناعاتتاندىرىلعان. بۇعان ارىزدانۋشىنىڭ سوتقا بەرگەن قولحاتى سەبەپ بولعان. وعان سايكەس، ارىزدانۋشى 2005 جىلى قوجايىنىنا 600 مىڭ تەڭگە تولەپ، وسى پاتەردى ساتىپ العان. الايدا تەكسەرۋ كەزىندە انىقتالعانداي، پاتەردىڭ يەسى 1997 جىلى قايتىس بولعان.

«ياعني، ارىزدانۋشى راسىمدەۋ كەزىندە دۇنيەدەن ءوتىپ كەتكەن پاتەر يەسىمەن ساتۋ-ساتىپ الۋ تۋرالى كەلىسىمشارتتى راسىمدەۋى مۇمكىن ەمەس. مۇنداي جاعدايدا مۇلىك قۇقىعى مۇراگەرلىك نەمەسە زاڭ بويىنشا باسقا ادامدارعا اۋىسادى، - دەدى پروكۋرور.

سوتتىڭ بۇل شەشىمىنىڭ كۇشى جويىلدى. مۇراگەرلەردىڭ قۇقىقتارى قالپىنا كەلتىرىلدى.

سوت باسقا جاعدايدا دا وسىنداي شەشىم شىعارعان. تەمىرتاۋ قالالىق سوتى ءۇي يەسىنىڭ قولحات بەرىپ، ءۇيىن سىيعا تارتقانى تۋرالى كەلىسىمدى دە زاڭدى دەپ تانىعان. ءۇيدى سىيعا تارتۋ راسىمدەلگەن ساتتە ونىڭ يەسىنىڭ ومىردەن وتكەنىنە سەگىز جىل بولعان. پروكۋروردىڭ قارسىلىق ەنگىزۋىمەن سوتتىڭ بۇل شەشىمىنىڭ دە كۇشى جويىلدى.

تەمىرتاۋ پروكۋراتۋراسى جۇرگىزگەن تەكسەرۋدىڭ قورىتىندىسى بويىنشا وسىنداي ىستەر بويىنشا پروكۋرورلىق ارەكەت ەتۋدىڭ التى اكتىسى ۇسىنىلىپ، قاناعاتتاندىرىلدى.