قاراعاندى. 21 جەلتوقسان. قازتاگ – قاراعاندىدا بىرەۋدىڭ وعىنان قازا تاپقان 22 جاستاعى پوليتسيا قىزمەتكەرى – قاراعاندى وبلىسى ءىىد ۇيىمداسقان قىلمىسپەن كۇرەس باسقارماسىنىڭ (ۇقكب) بۇرىنعى باستىعى نۇرلان قالىموۆتىڭ ۇلى. بۇل تۋرالى قازتاگ اگەنتتىگىنە وبلىستىق پروكۋراتۋراداعى اقپاراتقا قانىق دەرەككوز حابارلادى.

قولدا بار اقپاراتقا سايكەس، پوليتسيانىڭ ورتالىق ءبولىمىنىڭ وپەراتيۆتى قىزمەتكەرى جەكسەنبى كۇنى تاڭعى ساعات 4-تە ساتىبالدين كوشەسىندەگى اۆتوتۇراقتا ءوز كولىگىنىڭ ىشىندە اتىپ ولتىرىلگەن. پوليتسيا قىزمەتكەرىنە ۇرلانعان كولىك مىنگەن بەلگىسىز بىرەۋلەر اتقان، كەيىن ول كولىك تابىلدى.

«تەرگەۋ جۇرگىزىلىپ جاتىر، قىلمىستىڭ سەبەپتەرى ازىرگە بەلگىسىز. ول قىزمەتتەن تىس ۋاقىتتا جاسالعان، پوليتسيا قىزمەتكەرى ازاماتتىق كيىمدە بولعان»، - دەدى دەرەككوز.

قازا بولعان وپەراتيۆتى قىزمەتكەر – پوليتسيانىڭ ورتالىق ءبولىمىنىڭ جاس قىزمەتكەرى، قر ءىىم بەيسەنوۆ اتىنداعى قاراعاندى زاڭ ينستيتۋتىنىڭ تۇلەگى (بۇرىنعى قر ءىىم جوعارعى مەكتەبى), جوو-نى بىتىرىسىمەن قىزمەتىنە جاڭا عانا كىرىسكەن جاس جىگىت.

قاراعاندى. 21 جەلتوقسان. قازتاگ – قاراعاندىدا بىرەۋدىڭ وعىنان قازا تاپقان 22 جاستاعى پوليتسيا قىزمەتكەرى – قاراعاندى وبلىسى ءىىد ۇيىمداسقان قىلمىسپەن كۇرەس باسقارماسىنىڭ (ۇقكب) بۇرىنعى باستىعى نۇرلان قالىموۆتىڭ ۇلى. بۇل تۋرالى قازتاگ اگەنتتىگىنە وبلىستىق پروكۋراتۋراداعى اقپاراتقا قانىق دەرەككوز حابارلادى.

قولدا بار اقپاراتقا سايكەس، پوليتسيانىڭ ورتالىق ءبولىمىنىڭ وپەراتيۆتى قىزمەتكەرى جەكسەنبى كۇنى تاڭعى ساعات 4-تە ساتىبالدين كوشەسىندەگى اۆتوتۇراقتا ءوز كولىگىنىڭ ىشىندە اتىپ ولتىرىلگەن. پوليتسيا قىزمەتكەرىنە ۇرلانعان كولىك مىنگەن بەلگىسىز بىرەۋلەر اتقان، كەيىن ول كولىك تابىلدى.

«تەرگەۋ جۇرگىزىلىپ جاتىر، قىلمىستىڭ سەبەپتەرى ازىرگە بەلگىسىز. ول قىزمەتتەن تىس ۋاقىتتا جاسالعان، پوليتسيا قىزمەتكەرى ازاماتتىق كيىمدە بولعان»، - دەدى دەرەككوز.

قازا بولعان وپەراتيۆتى قىزمەتكەر – پوليتسيانىڭ ورتالىق ءبولىمىنىڭ جاس قىزمەتكەرى، قر ءىىم بەيسەنوۆ اتىنداعى قاراعاندى زاڭ ينستيتۋتىنىڭ تۇلەگى (بۇرىنعى قر ءىىم جوعارعى مەكتەبى), جوو-نى بىتىرىسىمەن قىزمەتىنە جاڭا عانا كىرىسكەن جاس جىگىت.

ونىڭ اكەسى – ۇيىمداسقان قىلمىسپەن كۇرەس باسقارماسىنىڭ بۇرىنعى باستىعى نۇرلان قالىموۆ قىزمەت بابىن اسىرا پايدالاندى دەپ ايىپتالعان بولاتىن. تەرگەۋ وعان «ارسەلورميتتال تەمىرتاۋ» مەتكومبيناتىنان مەتالل ۇرلاۋعا سىبايلاستىق جاسادى دەگەن ايىپ تاققان. پولكوۆنيك كىناسىن مويىنداعان جوق. ايىپ تاعىلعان سوڭ ىزدەۋدە بولدى. وتكەن جىلى كوكتەمدە پوليتسياعا ءوزى كەلىپ، قىلمىسقا قاتىسى جوقتىعىن دالەلدەمەك بولعان. الايدا سوت ونى ايىپتى دەپ تانىپ، 2,6  جىلعا باس بوستاندىعىنان ايىردى.