سونىمەن، ەكى جۇپتان سۋرىلىپ شىققان ەكى اقىن عالامتوردا كەزدەسىپ، تۇڭعىش رەت ءوتىپ جاتقان ينتەرنەت-ايتىستى قورتىندىلايدى.  abai.kz اقپاراتتىق پورتالىنىڭ بۇل جوباسىن "جاس الاش" گازەتىنىڭ دە قىزۋ قولداپ وتىرعانىن ەستەرىڭىزگە سالا كەتەكەنىمىز ءجون شىعار، قۇرمەتتى وقىرمان. وتكەندە حابارلاعانىمىزداي جۇلدەگەر اقىندارعا "جاس الاشتىڭ"  ارنايى سىيلىعى دا بار.

اقىندارعا ساتتىلىك تىلەيىك!

"اباي-اقپارات"

11:05 باۋىرجان:

اۋەلگى ءسوزىم بيسميللا
الەۋمەت بىزگە بەت بۇرسىن
اينالايىن ءدۇر وڭعار،
ايتىسۋعا ەپتى ۇلسىڭ
قىزىل ءتىلىڭدى قايراساڭ
قىلىشتان بەتەر وتكىرسىڭ
تەزەك باس،تەكسىز تورەگە
تەبىنىپ شىعار تەكتى ۇلسىڭ
باعاڭدى ءوستىپ كوتەردىم
سەن نە دەگەلى كەپ تۇرسىڭ؟
داۋىلپاز كاعىپ ال باستا
داۋىسىڭ بۇگىن كوك ءتىلسىن

11:20 وڭعار:

سونىمەن، ەكى جۇپتان سۋرىلىپ شىققان ەكى اقىن عالامتوردا كەزدەسىپ، تۇڭعىش رەت ءوتىپ جاتقان ينتەرنەت-ايتىستى قورتىندىلايدى.  abai.kz اقپاراتتىق پورتالىنىڭ بۇل جوباسىن "جاس الاش" گازەتىنىڭ دە قىزۋ قولداپ وتىرعانىن ەستەرىڭىزگە سالا كەتەكەنىمىز ءجون شىعار، قۇرمەتتى وقىرمان. وتكەندە حابارلاعانىمىزداي جۇلدەگەر اقىندارعا "جاس الاشتىڭ"  ارنايى سىيلىعى دا بار.

اقىندارعا ساتتىلىك تىلەيىك!

"اباي-اقپارات"

11:05 باۋىرجان:

اۋەلگى ءسوزىم بيسميللا
الەۋمەت بىزگە بەت بۇرسىن
اينالايىن ءدۇر وڭعار،
ايتىسۋعا ەپتى ۇلسىڭ
قىزىل ءتىلىڭدى قايراساڭ
قىلىشتان بەتەر وتكىرسىڭ
تەزەك باس،تەكسىز تورەگە
تەبىنىپ شىعار تەكتى ۇلسىڭ
باعاڭدى ءوستىپ كوتەردىم
سەن نە دەگەلى كەپ تۇرسىڭ؟
داۋىلپاز كاعىپ ال باستا
داۋىسىڭ بۇگىن كوك ءتىلسىن

11:20 وڭعار:

بايگەگە باسىن تىككەن الاش ءۇشىن،
بايباقتى سىرىم شالدىڭ بالاسىسىڭ.
بۇگىنگى اق جايىقتىق اقىنداردىڭ
ىشىنەن وزىپ شىققان داراسىسىڭ.
سونداعى قالام ۇستار اعايىنعا،
قورعانى، اسقار تاۋداي پاناسىسىڭ.
نە دەرىم الداعى ءسات ءمالىم بولار،
ازىرگە بەيمالىم عوي شاما كۇشىم.
قىزىل ءتىل بەكەر بۇگىن تەرلەمەسىن،
ءبىر كۇندىك دۇنيەنىڭ تالاسى ءۇشىن!

11:40 باۋىرجان:

قىزىل ءتىل دەيسىڭ بەكەر تەرلەمەسىن،
ماعان اقىل ايتقاندى ءجون كورەسىڭ.
ماقتاپ-ماقتاپ ماقتامەن باۋىزدايسىڭ،
ناپسىگە قايدان سوسىن جەل بەرەسىڭ.
قۇل بولىپ دۇنيەگە جۇرگەنىم جوق،
ولاي ەتسەم وپ-وڭاي وڭگەرەسىڭ.
ەل ءۇشىن ەكى اۋىز ءسوز ايتساق جارار،
سەنىمەن تالاسايىن تورگە نەسىن...
الاشتىڭ بار جاعدايى بۇگىن قايعى،
ۇلتسىزدار ۇلتتىڭ قامىن ۇعىنبايدى.
ءتىل ءوشىپ،ەل جويىلىپ كەتپەسىن دەپ،
مىنبەدەن شاحانوۆتار شىرىلدايدى.
ەلباسى ەل بىرلىگىن سىلتاۋ قىلىپ،
تاپپاقشى توپتا سويلەپ ءبىر ىڭعايدى.
اسپاناستى ەلىنە جەر بەرسەك دەپ،
ايتقانعا قۇلاعىمىز شۋىلدايدى.
داۋسىمىز كايدان جەتسيىن دوكەيلەرگە،
ءبارىبىر سان-سالتانات قۇرىلمايدى.
حانگا دا قاسقىرسىق دەپ اشىپ ايتقان،
ماحامبەت،اتتەنڭ قايتا تۋىلمايدى...

12:10 وڭعار:

باۋىرجان ەلدىڭ مۇڭىن جىرلايدى انىق،
حالىقتا وتىر ءبىزدى تىڭداي قالىپ.
ماحامبەت اتتەڭ قايتا تۋىلماس دەپ،
قايتەسىڭ، كوڭىلىڭە مۇڭ قايعى الىپ.
ماحامبەتتىڭ تۋىلعانى راس بولسا،
قالايشا تاعى حالىق تۋمايدى الىپ.
ماحامبەت جوق دەپ ەندى جۇرە بەرسەك،
بيلىكتە موينىن بىزگە بۇرمايدى انىق.
قىزىمىز كەتەر بالكىم كۇڭگە اينالىپ،
ۇلىمىز كەتەدى عوي قۇلعا اينالىپ!
بۇل باۋكەڭ ساياساتتى ءپاس بارلايدى،
ايتۋدان اقيقاتتى جاسقانبايدى.
جەرىڭدى قىسىقكوزدەر الىپ جاتسا،
قازاعىما جوق ودان اسقان قايعى.
قازاقتا مەملەكەتتىك بولماعان دەپ،
بىلمەيمىن بيلىك نەنى استارلايدى.
كەرەي مەن جانىبەكتىڭ ەسىمدەرى
قازاعى امان بولسا اسپاندايدى.
ۇلتىنىڭ جۇرەگىندە تۇرعان تۇلعا،
ەشقانداي كۇرەسىنگە تاستالمايدى.
تاريح باستالعانمەن ءبىر ادامنان،
ءتىرى ادامنان ەشقاشان باستالمايدى!

12:20 باۋىرجان:

ال،بىزدە باستاپ جاتىر ءبىر ادامنان،
اساتىن پاتشا جوق دەپ نۇراعاڭنان.
باسشىلار اياعىنا جىعىلادى،
تىزگىندى ساتىپ العان،سۇراپ العان.
احمەت اتام ايتكان،ويان قازاق،
قاشانعى قۇر كالاسىڭ سىباعاڭنان.
حالىكتىڭ تاۋسىلا ما ارمان=مۇڭى،
اكىننىڭ ايتىلماسىن جالعان جىرى.
قالۋدا تاساسىندا جاڭا جىلدىڭ،
الاشتىڭ تاۋەلسىزدىك العان كۇنى.
جەلتوقسان جايلى شىندىق ايتىلمايدى،
ول داعى باسشىلاردىڭ مارعاۋلىعى.

سەنبەيدي بۇل سوزىمە ەل نەسىنە،
مۇنايدان بۇيىرمادى مول نەسىبە.
بايلىققا تولى ولكە بولعانمەنەن،
زار بولدى اۋىلداعى ەل تەڭگەسىنە.
اشىنىپ اشىق ايتساڭ ەلدىڭ مۇڭىن،
قامايدى جىندىحانا بولمەسىنە.

12:40 باۋىرجان:

اتاۋى قالاڭىزدىڭ پاۆلودار،
بىلمەيمىن وندا قانداي ماعىنا بار.
قويساڭدار كەرەكۋ دەپ جاراسپاي ما؟
جان ەدىڭ وزگەلەردەن ءتالىم الار.
ورىسشا اتاۋ جانە تولىپ جاتىر،
كەڭەستەن قالعان كەشە سارىن ولار.
جوك پا ەدى نامىستارى قانداستاردىڭ،
قازاقتىڭ بويلارىندا قانى بولار.
مەنىمەن ايتىسقانشا وسىنى ىستە،
قول جيساڭ اعايىننىڭ ارى قالار...
سالەم ايت اۋىلىڭا،اعايىنعا،
رەنجىمەي مۇمكىن تەزگە سالىپ الار...

ەلىمە ءبىر كىسىدەي الانڭدايمىن،
قالايشا ءوز جۇرتىمدى جاماندايمىن.
قازاقتاي جانى جايساڭ،جومارت ەلدى،
جەر ءجۋزىن جەتى اينالسام تابا المايمىن.
وڭعارجان،كورىسكەنشە قوش امان بول،
اتتان ءتۇسىپ سىيلايتىن اعاڭدايمىن.
ءوزىمىز ءوزىمىزدى كوتەرمەسەك،
كوپ شىعار كوڭىلىڭە الار قايعىڭ.
اتى جوك سىنشىلارىم،ايىپ ەتپە،
مەن ەندى ايتىسىمدى تامامدايمىن.

13:10 وڭعار:

اۋ باۋكە، مەن سەنىمەن تەڭ ەمەسپىن،
دەپ ايتسام ءمانى كەتەر ەرەگەستىڭ.
پاۆلودار اتاۋىڭدى وزگەرتكىن دەپ،
باستاۋىن جاڭا كۇتتى ەل ەگەستىڭ
ءوزىڭ ايتتىڭ ءبىزدىڭ ءسوزدى كىم تىڭدايدى دەپ،
بۇل ءسوزىڭدى باۋىرجان ەلەمەس كىم،
بالعىنبەكتىڭ ايتقانىن مەندە ايتايىن،
بار كىنانىڭ يەسى مەن ەمەسپىن.
باۋىرجان ءسوز ايتام دەپ ءبىر جاقۇتتى
ويىندا تالاي-تالاي سىر جاتىپتى
نەگىزىن الاشوردا سالىپ كەتكەن
بۇل حالىق كۇتۋدە ءالى ءبىر باقىتتى.
احمەت «ويان قازاق» دەپ ايتتى دەپ
كورىندە كۇڭىرەنتەسىڭ مىرجاقىپتى

ەل كوڭىلىن وزىنە تاپقان بۇرار،
جان ەمەسسىڭ كوڭىلدە داق قالدىرار.
قايتەدى جەلتوقساننىڭ اقيقاتىن،
ول اشىلسا، جىلىستايدى ساپتان بۇلار.
قامايدى جىندىحانا بولمەسىنە،
ول راس قورىقپايدى حاقتان بۇلار.
قازاقتىڭ ءار سوزىندە ماعىنا بار،
ۇرپاعىن قاتەلىكتەن ساقتاندىرار.
جەل تۇرسا تاقىمسىز جان اتتان قۇلار،
ەل تۇرسا راحىمسىز حان تاقتان قۇلار!

ەل جايلى تاقىلداتىپ تاڭدايىڭدى
كورسەتتىك سوزبەن جۇرتقا قانداي ۇلگى،
بۇگىنگى «نۇر وتاننىڭ» ايتۋىنشا
سولار ەكەن جاقسارتاتىن جاعدايىمدى.
ايتپەسە ەلدىڭ جايى جاقسارمايدى-مىس،
سەن قانشا تاسقا ۇرعانمەن ماڭدايىڭدى.