الماتى. 12 قاڭتار. قازتاگ – «ۆرەميا» گازەتى تايلاندتا زاڭسىز قارۋ تاسىمالداعان دەگەن كۇدىكپەن تۇتقىندالعان قازاقستاندىق ءتورت ۇشقىش قر پرەزيدەنتى نۇرسۇلتان نازارباەۆقا اشىق حات جازىپ، جاعدايعا ارالاسىپ، وزدەرىنىڭ تاعدىرىنا اراشا ءتۇسۋىن ءوتىندى، دەپ جازادى.

«قۇرمەتتى پرەزيدەنت نۇرسۇلتان ءابىشۇلى نازارباەۆ مىرزا! سىزدەن ءوتىنىش سۇراپ وتىرعاندار كيەۆ - باكۋ - فۋدجەيرا - بانگكوك - پحەنيان - بانگكوك - كولومبو - فۋدجەيرا – كيەۆ باعىتىنداعى ءساتسىز AWG-731/732 رەيسىنىڭ يل-76 ۇشاعىنىڭ ەكيپاجى- قازاقستان ازاماتتارى: ۇشاق كومانديرى - ءىلياس يساكوۆ، ەكىنشى ۇشقىش - ۆيتالي شۋماكوۆ، شتۋرمان - ۆيكتور ابدۋللاەۆ، جەر قىزمەتىنىڭ ينجەنەرى - الەكساندر زرىبنەۆ پەن بەلورۋسيا ازاماتى - ميحايل پەتۋحوۆ... ءبىز سىزدەن قازاقستان رەسپۋبليكاسىنىڭ مۇددەلەرىن قورعاۋدىڭ كەپىلى رەتىندە ءسىزدىڭ وسى ىسكە اراشا ءتۇسىپ جانە ءبىزدى قورعاۋىڭىزدى سۇرايمىز»، - دەلىنگەن ۇندەۋدە.

ولار رەيستى Air West Georgia اۆياكومپانياسىنىڭ جانە ۇشاقتى جالعا العان ۋكراينالىق AirTech كومپانياسىنىڭ تاپسىرماسىمەن ورىنداعانىن ايتادى. «كەلىسىمشارت بويىنشا ءبىز جالپىازاماتتىق 35 توننا جۇكتى پحەنياننان كيەۆكە جەتكىزۋىمىز كەرەك بولاتىن. پحەنيانعا ۇشۋ ەشقانداي قيىندىقسىز، شتاتتىق تارتىپتە ءوتتى. 2009 جىلى 10-شى جەلتوقساندا پحەنيانعا ۇشىپ كەلىپ، ءبىز تىنىعۋعا قوناق ۇيگە كەتتىك تە، جەر قىزمەتىنىڭ ينجەنەرى زرىبنەۆ جۇكتەردىڭ تيەلۋىندەگى ۇشاق بالانسىن قاداعالاپ قالدى»، - دەيدى تۇتقىنداعىلار.  

الماتى. 12 قاڭتار. قازتاگ – «ۆرەميا» گازەتى تايلاندتا زاڭسىز قارۋ تاسىمالداعان دەگەن كۇدىكپەن تۇتقىندالعان قازاقستاندىق ءتورت ۇشقىش قر پرەزيدەنتى نۇرسۇلتان نازارباەۆقا اشىق حات جازىپ، جاعدايعا ارالاسىپ، وزدەرىنىڭ تاعدىرىنا اراشا ءتۇسۋىن ءوتىندى، دەپ جازادى.

«قۇرمەتتى پرەزيدەنت نۇرسۇلتان ءابىشۇلى نازارباەۆ مىرزا! سىزدەن ءوتىنىش سۇراپ وتىرعاندار كيەۆ - باكۋ - فۋدجەيرا - بانگكوك - پحەنيان - بانگكوك - كولومبو - فۋدجەيرا – كيەۆ باعىتىنداعى ءساتسىز AWG-731/732 رەيسىنىڭ يل-76 ۇشاعىنىڭ ەكيپاجى- قازاقستان ازاماتتارى: ۇشاق كومانديرى - ءىلياس يساكوۆ، ەكىنشى ۇشقىش - ۆيتالي شۋماكوۆ، شتۋرمان - ۆيكتور ابدۋللاەۆ، جەر قىزمەتىنىڭ ينجەنەرى - الەكساندر زرىبنەۆ پەن بەلورۋسيا ازاماتى - ميحايل پەتۋحوۆ... ءبىز سىزدەن قازاقستان رەسپۋبليكاسىنىڭ مۇددەلەرىن قورعاۋدىڭ كەپىلى رەتىندە ءسىزدىڭ وسى ىسكە اراشا ءتۇسىپ جانە ءبىزدى قورعاۋىڭىزدى سۇرايمىز»، - دەلىنگەن ۇندەۋدە.

ولار رەيستى Air West Georgia اۆياكومپانياسىنىڭ جانە ۇشاقتى جالعا العان ۋكراينالىق AirTech كومپانياسىنىڭ تاپسىرماسىمەن ورىنداعانىن ايتادى. «كەلىسىمشارت بويىنشا ءبىز جالپىازاماتتىق 35 توننا جۇكتى پحەنياننان كيەۆكە جەتكىزۋىمىز كەرەك بولاتىن. پحەنيانعا ۇشۋ ەشقانداي قيىندىقسىز، شتاتتىق تارتىپتە ءوتتى. 2009 جىلى 10-شى جەلتوقساندا پحەنيانعا ۇشىپ كەلىپ، ءبىز تىنىعۋعا قوناق ۇيگە كەتتىك تە، جەر قىزمەتىنىڭ ينجەنەرى زرىبنەۆ جۇكتەردىڭ تيەلۋىندەگى ۇشاق بالانسىن قاداعالاپ قالدى»، - دەيدى تۇتقىنداعىلار.  

ولاردىڭ ايتۋىنشا، 2009 جىلى 11-ءشى جەلتوقساندا تاڭ ەرتەڭ، ولار ۇشاققا كەلگەندە، «بارلىق جۇك اعاش جانە تەمىر جاشىكتەرمەن مورلەنگەن تۇرىندە ۇشاققا تيەلىپ قويىلعانىن» كورگەن.

«بىزگە، جاشىكتەر مورلەنگەن جانە پلومبىلار سالىنعان دەپ جۇكتەردى تەكسەرۋگە مۇرشا بەرمەدى. جۇكقۇجات بويىنشا جۇكتەر «مەحانيكالىق بولشەكتەر»، ال سىرت ءپىشىمى مۇناي وندىرەتىن جابدىقتارعا ۇقساس بولدى. بىراق جۇكتى تەكسەرۋ ءبىزدىڭ مىندەتىمىزگە جاتپايدى دا، سەبەبى بۇل مىندەت جۇك جىبەرۋشى جاقتىڭ كەدەن جانە شەكارا قىزمەتىنىڭ شارۋاسى. ءبىز بۇل جۇكتىڭ ازاماتتىق ماقساتتا ەكەنىنە تولىق سەنىممەن ۇشىپ شىقتىق»، - دەلىنگەن ەكيپاجدىڭ اشىق حاتىندا.

تۇتقىندالعان ۇشقىشتار، ەگەر ولارعا تاسىمالداعان جۇكتەرىنىڭ سيپاتى بەگىلى بولسا، «ەكيپاج رەيستى ورىنداۋدان باس تارتقان بولار ەدى» دەيدى.

«2009 جىلى 11-ءشى جەلتوقساندا ءبىز بانگكوك اۋەجايىنا قوندىق. ءبىز ايالداماعا توقتاپ ەسىكتى اشقان سوڭ، تايلاندتىڭ كەدەنشىلەرى مەن شەكاراشىلارى كەلدى. كەدەنشىلەر جۇكتى اسكەري ماقساتتا دەگەن كۇدىكپەن تۇتقىندادى. كەلەسى كۇنى، 2009 جىلى 12-ءشى جەلتوقساندا، كوپتەگەن اسكەريلەردىڭ جينالۋىمەن جۇكتەر ۇشاقتان ءتۇسىرىلىپ، ولاردى الىپ كەتتى»، - دەپ جالعاستىرادى ۇشقىشتىر.

ەكيپاج مۇشەلەرىنىڭ ايتۋىنشا، ولار جۇكتەردى اشقان كەزدە بولماعان.

«ءبىزدى ەكى كۇن پوليتسيا بولىمشەسىندە ۇستاپ، تەرگەۋگە الىپ، جۇكتەردىڭ سيپاتى قانداي ەكەنىن ءبىز بىلدىك پا دەپ سۇرادى. ءبىز جۇكتەر ازاماتتىق سيپاتتا جانە ءبىز تاسىمالداۋشى رەتىندە عانا قىزمەت اتقارىپ جۇرگەنىمىزدى ايتتىق. ودان سوڭ ءبىزدى سوتقا اپارىپ، سوت ءبىزدى 12 كۇنگە تۇتقىنداۋعا وردەر بەرىپ، سول كۇنى ءبىزدى ءار ءتۇرلى كامەرالارعا، ەلەۋلى قىلمىستارى ءۇشىن سوتتالىپ، قاماۋدا وتىرعاندارمەن بىرگە تۇرمەگە جاتقىزدى»، - دەلىنگەن مەملەكەت باسشىسىنا جازعان ۇندەۋىندە.

«بىزگە تايلاند زاڭى بويىنشا 10 جىل باس بوستاندىعىنان ايىرۋ مەن ءولىم جازاسىنا دەيىن قولدانۋ مۇمكىندىگى بەلگىلى بولدى. نە ءۇشىن؟! ءبىز بار بولعانى كەلىسىمشارت پەن جۇكقۇجاتتاردا كورسەتىلگەندەي، ازاماتتىق ماقساتتاعى جۇكتەردى تاسىمالداۋ رەيسىن اتقاردىق! بارلىق ايىپ جۇك جىبەرۋشى جاققا ارتىلۋى ءتيىس! ءبىز تەك تاسىمالداۋشىلارمىز جانە اۆياكومپانيا مەن ۇشاقتى جالعا الۋشىنىڭ تاپسىرماسىن ورىندادىق. ءبىزدى جالعان ايىپتارمەن قاماۋعا الۋ ءبىزدىڭ ەركىندىگىمىز بەن قۇقىقتارىمىزدىڭ بۇزىلۋى!»، - دەلىنگەن ۇندەۋدە.  

بۇرىن حابارلانعانداي، بانگكوكتا 12-ءشى جەلتوقساندا بورتىندا 40 تونناعا جۋىق قارۋ-جاراعى بار يل-76 جۇك ۇشاعى ۇستالعان. ۇشاق كحدر-دان كەلە جاتىپ، جانارماي قۇيۋ ءۇشىن بانگكوكتىڭ دون مىانگ اۋەجايىندا قونۋعا رۇقسات سۇراعان.

يل-76 ەكيپاجىنىڭ بەس مۇشەسى  - قازاقستان ازاماتتارى - 53 جاستاعى الەكساندر زرىبنەۆ، 58 جاستاعى ۆيكتور ابدۋللاەۆ، 54 جاستاعى ۆيتالي شۋمكوۆ، 53 جاستاعى يلياس يساكوۆ جانە بەلارۋس ەلىنىڭ 54 جاستاعى ازاماتى ميحايل پەتۋحوۆ قاماۋعا الىندى.

باق-تاردىڭ حابارلاۋىنشا، ۇشاق ەكيپاجى كحدر-دان اكەلە جاتقان بورت جۇگىندە نە بارلىعىن بىلمەگەن.