استانا. 25 مامىر. قازتاگ – ۇستالعان اۆتوكولىكتەردىڭ يمپورتىنا كەدەندىك باج سالىقتارىنىڭ جوعارىلاتىلعان مولشەرلەمەلەرى 2010 جىلى ەنگىزىلۋى مۇمكىن، دەپ حابارلادى قازتاگ اگەنتتىگىنە يندۋستريا جانە ساۋدا مينيسترلىگىنىڭ ءباسپاسوز قىزمەتى (يسم).
يسم وكىلدەرى اتاپ كورسەتكەندەي، بۇل ماسەلە قازاقستاننىڭ، رەسەيدىڭ جانە بەلارۋسسيانىڭ كەدەن وداعى شەڭبەرىندەگى بىرىڭعاي تاريف قۇرۋ جونىندەگى جۇمىس بارىسىندا قاراستىرىلىپ جاتىر.
«كەدەن وداعىن قۇرۋ شەڭبەرىندەگى ەلدەردىڭ ۋاعدالاستىقتارىنا سايكەس، بىرىڭعاي كەدەن ءتاريفىن ەنگىزۋ 2010 جىلدىڭ 1 قاڭتارىنا جوسپارلانىپ وتىر»، - دەپ اتاپ كورسەتىلگەن ءباسپاسوز قىزمەتى ۇسىنعان اقپاراتتا.
اۆتوكولىكتەردى اكەلۋگە كەدەن سالىقتارىنىڭ جاڭا مولشەرلەمەلەرى ۇكىمەت قاۋلىسىمەن ەنگىزىلەدى جانە ول رەسمي باق-تا جارىق كورگەن ساتتەن 30 كۇن وتكەن سوڭ كۇشىنە ەنەدى.
كەدەندىك مولشەرلەمەلەردى ارتتىرۋ جونىندەگى ۇسىنىستار يسم-ءنىڭ بۇرىنعى باسشىلىعى – ۆلاديمير شكولنيكتىڭ تۇسىندا (قازىر «قازاتومونەركاسىپ» ۇلتتىق اتوم كومپانياسىنىڭ پرەزيدەنتى) ازىرلەنگەن بولاتىن. ەكس-ءمينيستردىڭ پىكىرىنشە، ولاردى ەنگىزۋ وتاندىق اۆتوكولىك ونەركاسىبىن دامىتۋ ءۇشىن جاعداي جاساۋعا جانە ەلىمىزدەگى ەكولوگيالىق احۋالعا تەرىس اسەر ەتەتىن ۇستالعان اۆتوكولىكتەردىڭ سانىن ازايتۋعا مۇمكىندىك بەرەدى.

استانا. 25 مامىر. قازتاگ – ۇستالعان اۆتوكولىكتەردىڭ يمپورتىنا كەدەندىك باج سالىقتارىنىڭ جوعارىلاتىلعان مولشەرلەمەلەرى 2010 جىلى ەنگىزىلۋى مۇمكىن، دەپ حابارلادى قازتاگ اگەنتتىگىنە يندۋستريا جانە ساۋدا مينيسترلىگىنىڭ ءباسپاسوز قىزمەتى (يسم).
يسم وكىلدەرى اتاپ كورسەتكەندەي، بۇل ماسەلە قازاقستاننىڭ، رەسەيدىڭ جانە بەلارۋسسيانىڭ كەدەن وداعى شەڭبەرىندەگى بىرىڭعاي تاريف قۇرۋ جونىندەگى جۇمىس بارىسىندا قاراستىرىلىپ جاتىر.
«كەدەن وداعىن قۇرۋ شەڭبەرىندەگى ەلدەردىڭ ۋاعدالاستىقتارىنا سايكەس، بىرىڭعاي كەدەن ءتاريفىن ەنگىزۋ 2010 جىلدىڭ 1 قاڭتارىنا جوسپارلانىپ وتىر»، - دەپ اتاپ كورسەتىلگەن ءباسپاسوز قىزمەتى ۇسىنعان اقپاراتتا.
اۆتوكولىكتەردى اكەلۋگە كەدەن سالىقتارىنىڭ جاڭا مولشەرلەمەلەرى ۇكىمەت قاۋلىسىمەن ەنگىزىلەدى جانە ول رەسمي باق-تا جارىق كورگەن ساتتەن 30 كۇن وتكەن سوڭ كۇشىنە ەنەدى.
كەدەندىك مولشەرلەمەلەردى ارتتىرۋ جونىندەگى ۇسىنىستار يسم-ءنىڭ بۇرىنعى باسشىلىعى – ۆلاديمير شكولنيكتىڭ تۇسىندا (قازىر «قازاتومونەركاسىپ» ۇلتتىق اتوم كومپانياسىنىڭ پرەزيدەنتى) ازىرلەنگەن بولاتىن. ەكس-ءمينيستردىڭ پىكىرىنشە، ولاردى ەنگىزۋ وتاندىق اۆتوكولىك ونەركاسىبىن دامىتۋ ءۇشىن جاعداي جاساۋعا جانە ەلىمىزدەگى ەكولوگيالىق احۋالعا تەرىس اسەر ەتەتىن ۇستالعان اۆتوكولىكتەردىڭ سانىن ازايتۋعا مۇمكىندىك بەرەدى.
ءوزىنىڭ ينتەرنەت-بلوگىندا وقىرمانداردىڭ ساۋالدارىنا جاۋاپ بەرە وتىرىپ  ۆ.شكولنيك كەدەندىك سالىقتىڭ مولشەرلەمەلەرىن اۆتوكولىكتىڭ شىققان جىلى مەن قوزعالتقىشىنىڭ كولەمىنە بايلانىستى ءارتاراپتاندىرۋ ۇسىنىلىپ وتىرعانىن حابارلادى.
ونىڭ ايتۋىنشا، باج سالىعىنىڭ ەڭ كوپ مولشەرلەمەسىن پايدالانۋ مەرزىمى 7 جىلدان اسقان ۇستالعان اۆتوكولىكتەرگە، ەڭ تومەنگىسىن پايدالانۋ مەرزىمى ءۇش جىلدان كەم اۆتوكولىكتەرگە بەلگىلەۋ ۇسىنىلىپ وتىر.
«سونداي-اق، جەڭىل اۆتوكولىكتەردىڭ يمپورتىنا كەدەن سالىقتارىنىڭ مولشەرلەمەسىن كەلەسىدەي ءوسىرۋ جوسپارلانىپ وتىر: پايدالانۋ مەرزىمى 7 جىلدان اسقاندارعا 1 سم3 ءۇشىن 1,4 ەۋرودان 1 سم3 ءۇشىن 3,2 ەۋروعا دەيىن; پايدالانۋ مەرزىمى 3 جىلدان 7 جىلعا دەيىن 25% كولەمىندە، الايدا 1 سم3 ءۇشىن 0,45-1 ەۋرودان كەم ەمەس; جاڭا اۆتوكولىكتەرگە (3 جىلعا دەيىن) 25% كولەمىندە، بىراق 1 سم3 ءۇشىن 1-2,35 ەۋرودان كەم ەمەس (قوزعالتقىش كولەمىنە بايلانىستى), - دەپ اتاپ كورسەتتى ەكس-مينيستر.
ونىڭ اتاپ كورسەتۋىنشە، قازىرگى ۋاقىتتا ۇستالعان اۆتوكولىكتەردىڭ يمپورتىنا 10% كولەمىندە قۇراما كەدەندىك باج سالىعى سالىنادى، الايدا قوزعالتقىش كولەمىنىڭ 1 سم3 ءۇشىن 0,1 ەۋرودان كەم ەمەس، بۇعان نولدىك مولشەرلەمە بەلگىلەنگەن مەديتسينالىق ماقساتتاعى اۆتوكولىكتەر جاتپايدى. پايدالانۋ مەرزىمى 10 جىلدان اسقان اۆتوكولىكتەردىڭ يمپورتىنا 15% مولشەرلەمە بويىنشا سالىق سالىنادى.