اجەلەرىمىز بۇرىن وسىلايشا اندەتىپ ءالدي ايتاتىن. «اينالايىن بالادان، تاۋىپ الدىم دالادان. دالادا بالا جاتا ما؟ ءتۇسىپ قاپتى شانادان».
زامانىمىزدىڭ سۇمدىعى سول – قازىر بالانى «دالادان» ەمەس، قالادان، قالاداعى قوقىس سالاتىن قوراپتاردىڭ ىشىنەن تاۋىپ الاتىن بولدىق.

تاياۋدا 102 تەلەفونى بويىنشا اقتوبە قالاسىنىڭ ءبىر تۇرعىنى جامانقۇلوۆ كوشەسى بويىنداعى كۇل-قوقىس توگەتىن كونتەينەرلەردىڭ جانىندا دورباعا سالىنعان نارەستەنىڭ جاتقاندىعى تۋرالى حابارلاپتى.
كەلىپ تۇسكەن اقپارات بويىنشا پوليتسيا قىزمەتكەرلەرى وقيعا بولعان جەرگە شۇعىل جەتىپ، بەيكۇنا ءسابيدى قوقىستاردىڭ اراسىنان تاۋىپ الادى. وقيعاعا بايلانىستى ارنايى قۇرىلعان جەدەل- تەرگەۋ توبى تۋعانىنا بەس كۇن بولعان شارانانى اقتوبە قالاسىنداعى بالالار كلينيكاسىنا جەتكىزىپ، جەدەل-ىزدەستىرۋ شارالارىن جۇرگىزۋ بارىسىندا بىرنەشە كۇننەن كەيىن ءسابيدى دۇنيەگە اكەلگەن ايەلدى دە انىقتايدى. ول اقتوبە قالاسىندا پاتەر جالداپ تۇرىپ جاتقان قىزىلوردا وبلىسىنىڭ تۇرعىنى ەكەن.
پەرزەنتحانادان بوسانىپ شىققان جاس قىز قولىنداعى ءسابيىن دورباعا سالىپ قوقىس توگەتىن جاشىكتىڭ جانىنا تاستاپ كەتە بارادى. ۇيىنە كەلگەن سوڭ كوڭىلدەسىنە بالانى بالالار ۇيىنە تاپسىردىم دەپ جالعان سويلەپتى.
«ءبىز ءسابيدىڭ اناسى بالادان باس تارتپايىنشا ەسىم قويا المايمىز. بالانىڭ دەنساۋلىعى جامان ەمەس، دەگەنمەن ءسابيدىڭ اعزاسىن وڭالتۋ ءۇشىن قولدان كەلگەن كومەكتى ايامايمىز»،- دەيدى اقتوبە قالالالىق بالالار كلينيكاسىنىڭ باس دارىگەرىنىڭ ورىنباسارى نۇرجىگىت ماكەنوۆ.

اجەلەرىمىز بۇرىن وسىلايشا اندەتىپ ءالدي ايتاتىن. «اينالايىن بالادان، تاۋىپ الدىم دالادان. دالادا بالا جاتا ما؟ ءتۇسىپ قاپتى شانادان».
زامانىمىزدىڭ سۇمدىعى سول – قازىر بالانى «دالادان» ەمەس، قالادان، قالاداعى قوقىس سالاتىن قوراپتاردىڭ ىشىنەن تاۋىپ الاتىن بولدىق.

تاياۋدا 102 تەلەفونى بويىنشا اقتوبە قالاسىنىڭ ءبىر تۇرعىنى جامانقۇلوۆ كوشەسى بويىنداعى كۇل-قوقىس توگەتىن كونتەينەرلەردىڭ جانىندا دورباعا سالىنعان نارەستەنىڭ جاتقاندىعى تۋرالى حابارلاپتى.
كەلىپ تۇسكەن اقپارات بويىنشا پوليتسيا قىزمەتكەرلەرى وقيعا بولعان جەرگە شۇعىل جەتىپ، بەيكۇنا ءسابيدى قوقىستاردىڭ اراسىنان تاۋىپ الادى. وقيعاعا بايلانىستى ارنايى قۇرىلعان جەدەل- تەرگەۋ توبى تۋعانىنا بەس كۇن بولعان شارانانى اقتوبە قالاسىنداعى بالالار كلينيكاسىنا جەتكىزىپ، جەدەل-ىزدەستىرۋ شارالارىن جۇرگىزۋ بارىسىندا بىرنەشە كۇننەن كەيىن ءسابيدى دۇنيەگە اكەلگەن ايەلدى دە انىقتايدى. ول اقتوبە قالاسىندا پاتەر جالداپ تۇرىپ جاتقان قىزىلوردا وبلىسىنىڭ تۇرعىنى ەكەن.
پەرزەنتحانادان بوسانىپ شىققان جاس قىز قولىنداعى ءسابيىن دورباعا سالىپ قوقىس توگەتىن جاشىكتىڭ جانىنا تاستاپ كەتە بارادى. ۇيىنە كەلگەن سوڭ كوڭىلدەسىنە بالانى بالالار ۇيىنە تاپسىردىم دەپ جالعان سويلەپتى.
«ءبىز ءسابيدىڭ اناسى بالادان باس تارتپايىنشا ەسىم قويا المايمىز. بالانىڭ دەنساۋلىعى جامان ەمەس، دەگەنمەن ءسابيدىڭ اعزاسىن وڭالتۋ ءۇشىن قولدان كەلگەن كومەكتى ايامايمىز»،- دەيدى اقتوبە قالالالىق بالالار كلينيكاسىنىڭ باس دارىگەرىنىڭ ورىنباسارى نۇرجىگىت ماكەنوۆ.
قازىر ءوز ءسابيىن دالاعا تاستاعان بويجەتكەن كىناسىن مويىنداپ وتىر. بۇگىنگى كۇنى وسى دەرەككە سايكەس، قازاقستان رەسپۋبليكاسى قك 119 ب. بويىنشا قىلمىستىق ءىس قوزعاۋ تۋرالى ماسەلە شەشىلۋدە.
ايتپاقشى، حالقىنىڭ سانىنا «جەتپەي» جاتقان قازاقستاندا جان سانى تاعا ءبىر ادامعا ارتتى. ازىرگە ونىڭ ەسىمى بەلگىسىز. ايتكەنمەندە شاشىپ تاستاي بەرەتىن شاقالاعىمىز از بولعاندىقتان دا جوعارىداعى وقيعانى بايانداپ بەرگەندى ءجون كوردىم...

اقتوبە قالاسى