اقوردا وقپانىنان اعىلعان اقپارات ەقىۇ-عا توراعالىقتى ايرىقشا اۋراعا بولەدى دە تاستادى. «انە-مىنە باسىما باق قونارداي بوپ تۇرادى....» دەمەكشى، اقپاراتتىق ەيفوريادان سوڭ «ەندى ەلىمىزدە دەموكراتيالىق ستاندارتتاردىڭ ءسوزى ءجۇرىپ، جەمقورلىقتىڭ جەلكەسى قيىلاتىن شىعار» دەگەندەي ويلار دا قىلاڭ بەرىپ قالاتىن. بىراق، بيگ-بەنگە قاراپ ساعاتىن تۇزەيتىن مۇحتار ءابىلازوۆ بۇل جولى دا «سيۋرپريزسىز» قالدىرمادى. تيمۋر قۇلىباەۆتىڭ تۋىستىق-الەۋەتتىك بايلانىستارىن تانىستىرىپ جاتپاي-اق، ونىڭ "CNPC Exploration & Development Company Ltd" دەگەن قىتايلىق كومپانيامەن مىسىقكومبەلىككە بارعانى جايلى ارىز تۇسىرگەنى بەلگىلى. ارىزدانۋشى بۇنىڭ قوقان-لوققى ەمەس ەكەندىگىن قولىندا تۇرعان اشكەرەلەۋشى قۇجاتتارمەن قۋاتتاي تۇسەدى-مىس. ەندى مىنە، 1 اقپاندا الماتى قالاسىنداعى مەدەۋ اۋداندىق سوتى ەكس-بانكير مۇحتار ءابىلازوۆتىڭ تيمۋر قۇلىباەۆقا قاتىستى اشكەرەلەۋشى قۇجاتتارى بار ەكەندىگى تۋرالى اقپاراتتاردىڭ شىندىققا جاناسپايتىندىعى تۋرالى شەشىم شىعارىپتى. ايتپاقشى، بۇل ءىس تيمۋر قۇلىباەۆتىڭ ارىز-شاعىمى بويىنشا قوزعالعان ەكەن. ال «ءبىرتۇرلى» اقپاراتتى تاراتقان «گولوس رەسپۋبليكي»، «ۆزگلياد»، «كۋرسيۆ» سەكىلدى باسىلىمدار تيمۋر قۇلىباەۆتىڭ ار-نامىسىنا نۇقسان كەلتىرەتىن وسى اقپاراتتاردى جوققا شىعارۋلارى كەرەك.

اقوردا وقپانىنان اعىلعان اقپارات ەقىۇ-عا توراعالىقتى ايرىقشا اۋراعا بولەدى دە تاستادى. «انە-مىنە باسىما باق قونارداي بوپ تۇرادى....» دەمەكشى، اقپاراتتىق ەيفوريادان سوڭ «ەندى ەلىمىزدە دەموكراتيالىق ستاندارتتاردىڭ ءسوزى ءجۇرىپ، جەمقورلىقتىڭ جەلكەسى قيىلاتىن شىعار» دەگەندەي ويلار دا قىلاڭ بەرىپ قالاتىن. بىراق، بيگ-بەنگە قاراپ ساعاتىن تۇزەيتىن مۇحتار ءابىلازوۆ بۇل جولى دا «سيۋرپريزسىز» قالدىرمادى. تيمۋر قۇلىباەۆتىڭ تۋىستىق-الەۋەتتىك بايلانىستارىن تانىستىرىپ جاتپاي-اق، ونىڭ "CNPC Exploration & Development Company Ltd" دەگەن قىتايلىق كومپانيامەن مىسىقكومبەلىككە بارعانى جايلى ارىز تۇسىرگەنى بەلگىلى. ارىزدانۋشى بۇنىڭ قوقان-لوققى ەمەس ەكەندىگىن قولىندا تۇرعان اشكەرەلەۋشى قۇجاتتارمەن قۋاتتاي تۇسەدى-مىس. ەندى مىنە، 1 اقپاندا الماتى قالاسىنداعى مەدەۋ اۋداندىق سوتى ەكس-بانكير مۇحتار ءابىلازوۆتىڭ تيمۋر قۇلىباەۆقا قاتىستى اشكەرەلەۋشى قۇجاتتارى بار ەكەندىگى تۋرالى اقپاراتتاردىڭ شىندىققا جاناسپايتىندىعى تۋرالى شەشىم شىعارىپتى. ايتپاقشى، بۇل ءىس تيمۋر قۇلىباەۆتىڭ ارىز-شاعىمى بويىنشا قوزعالعان ەكەن. ال «ءبىرتۇرلى» اقپاراتتى تاراتقان «گولوس رەسپۋبليكي»، «ۆزگلياد»، «كۋرسيۆ» سەكىلدى باسىلىمدار تيمۋر قۇلىباەۆتىڭ ار-نامىسىنا نۇقسان كەلتىرەتىن وسى اقپاراتتاردى جوققا شىعارۋلارى كەرەك. سونىمەن بىرگە مەدەۋ اۋداندىق سوتى «تيمۋر قۇلىباەۆتىڭ ار-نامىسىنا نۇقسان كەلتىرەتىن باق ونىمدەرى مەن قاعازدا جانە ەلەكتروندى تاسىلمەن اقپاراتتى تاسۋشى بولىپ تابىلاتىن كەز-كەلگەن ءونىمدى تۇتقىنعا الۋ تۋرالى» انىقتاما شىعارعان. وسىلايشا، «جىل كومپروماتى» دەگەن اتاققا سۇرانىپ تۇرعان ءىستىڭ شالاسى تۇتانبايباي جاتىپ، ءتۇتىنى بىقسىدى. ءسىز بۇعان نە دەيسىز؟