تاشكەنت. 8 اقپان. قازتاگ – وزبەك اسكەريلەرى ەل تەرريتورياسىنا باسىپ كىرگەن تاجىكتەردىڭ 25 شەكاراشىسىن قۋىپ شىقتى، دەپ حابارلادى وزبەكستاننىڭ ۇلتتىق قاۋىپسىزدىك قىزمەتىنىڭ مەملەكەتتىك شەكارانى قورعاۋ كوميتەتىنىڭ (ۇقق مشقك) ءباسپاسوز قىزمەتى.

«6-شى اقپاندا تۇستە، وزبەكستاننىڭ جيزاق وبلىسىنداعى اۋماعىنا ەكى وفيتسەر باسقارۋىنداعى قارۋلانعان 25 تاجىك شەكاراشىلارى كىرىپ كەلدى»، - دەپ حابارلايدى ۇقق مشقك.

تاجىكتەردىڭ مۇنداي ارەكەتىنە وزبەكستان اۋماعىندا تاجىكستاننىڭ شەكارا اسكەرلەرىنىڭ قاتارداعى جاۋىنگەرىنىڭ ۇستالعاندىعى سەبەپ بولدى. 

«ۇستالعان جاۋىنگەر ءوزىنىڭ كومانديرلەرىنىڭ بۇيرىعىمەن وزبەكستان ازاماتتارىنىڭ مالىن ۇرلاپ كەلۋ تۋرالى تاپسىرمامەن كەلگەنىن مويىندادى. ونىڭ ايتۋىنشا، ولار كوپتەن ازىق-تۇلىكپەن قامتاماسىز ەتىلمەگەندىكتەن، وسىنداي قادامعا بارۋعا ءماجبۇر بولىپ وتىر»، - دەيدى ۇقق مشقك.

ءباسپاسوز قىزمەتى، رەسپۋبليكا اۋماعىنا باسىپ كىرگەن قارۋلى توپ تۇتقىندالعان شەكاراشىنى قايتارىپ بەرۋلەرىن تالاپ ەتكەنىن ايتادى. ولارعا بۇل ماسەلە بەكىتىلگەن ءتارتىپ بويىنشا شەشىلەتىنىن تۇسىندىرگەن سوڭ، تاجىك اسكەريلەرى رەسپۋبليكا اۋماعىن تاستاپ كەتتى.  

تاشكەنت. 8 اقپان. قازتاگ – وزبەك اسكەريلەرى ەل تەرريتورياسىنا باسىپ كىرگەن تاجىكتەردىڭ 25 شەكاراشىسىن قۋىپ شىقتى، دەپ حابارلادى وزبەكستاننىڭ ۇلتتىق قاۋىپسىزدىك قىزمەتىنىڭ مەملەكەتتىك شەكارانى قورعاۋ كوميتەتىنىڭ (ۇقق مشقك) ءباسپاسوز قىزمەتى.

«6-شى اقپاندا تۇستە، وزبەكستاننىڭ جيزاق وبلىسىنداعى اۋماعىنا ەكى وفيتسەر باسقارۋىنداعى قارۋلانعان 25 تاجىك شەكاراشىلارى كىرىپ كەلدى»، - دەپ حابارلايدى ۇقق مشقك.

تاجىكتەردىڭ مۇنداي ارەكەتىنە وزبەكستان اۋماعىندا تاجىكستاننىڭ شەكارا اسكەرلەرىنىڭ قاتارداعى جاۋىنگەرىنىڭ ۇستالعاندىعى سەبەپ بولدى. 

«ۇستالعان جاۋىنگەر ءوزىنىڭ كومانديرلەرىنىڭ بۇيرىعىمەن وزبەكستان ازاماتتارىنىڭ مالىن ۇرلاپ كەلۋ تۋرالى تاپسىرمامەن كەلگەنىن مويىندادى. ونىڭ ايتۋىنشا، ولار كوپتەن ازىق-تۇلىكپەن قامتاماسىز ەتىلمەگەندىكتەن، وسىنداي قادامعا بارۋعا ءماجبۇر بولىپ وتىر»، - دەيدى ۇقق مشقك.

ءباسپاسوز قىزمەتى، رەسپۋبليكا اۋماعىنا باسىپ كىرگەن قارۋلى توپ تۇتقىندالعان شەكاراشىنى قايتارىپ بەرۋلەرىن تالاپ ەتكەنىن ايتادى. ولارعا بۇل ماسەلە بەكىتىلگەن ءتارتىپ بويىنشا شەشىلەتىنىن تۇسىندىرگەن سوڭ، تاجىك اسكەريلەرى رەسپۋبليكا اۋماعىن تاستاپ كەتتى.  

«ءوز ارەكەتتەرىمەن تاجىكتەر جاعى جالپىعا ورتاق حالىقارالىق نورمالار مەن مەملەكەتتىك شەكارانىڭ مىزعىماستىعى تۋرالى ەكىجاقتى كەلىسىمشارتتى بۇزدى. اتالعان ارەكەت قارۋلى شابۋىل رەتىندە باعالانۋى دا مۇمكىن ەدى، بىراق، وزبەكستان شەكاراشىلارى، تاجىكتەر شەكاراشىلارىنىڭ ارانداتۋشىلىق ارەكەتتەرىنە قاراماي، ۇستامدىلىق تانىتىپ جانە قارۋ قولدانۋعا جول بەرمەۋ ارقىلى ادام شىعىنىنا اكەلىپ سوعۋى مۇمكىن قارۋلى قاقتىعىستى بولدىرمادى»، - دەپ اتاپ كورسەتتى مەملەكەتتىك شەكارانى قورعاۋ كوميتەتىنەن.