الماتى. 22 اقپان. قازتاگ ۆىبورگ قالالىق سوتى، وتكەن جۇما كۇنى فينليانديامەن شەكارانى كەسىپ ءوتۋ بارىسىندا شەكاراشىلار ۇستاپ العان «دەلو» ليزينگ كومپانياسى» ااق بىرلەسىپ يەمدەنۋشىسى دميتري پاكتى تۇتقىنداۋ تۋرالى رەسەي ءىىم جانىنداعى تەرگەۋ كوميتەتىنىڭ ءوتىنىشىن كەرى قايتاردى.

دۇيسەنبى كۇنى «كوممەرسانت» گازەتى حابارلاعانىنداي، «18 اقپاندا ۆىبورگ قالالىق سوتى كۇنى بويى ءىىم جانىنداعى تەرگەۋ كوميتەتى مەن، پاك مىرزانى قورعاۋ ءۇشىن ماسكەۋدەن جەدەل كەلىپ جەتكەن ءتورت ادۆوكاتتىڭ دالەلدەرىن تىڭداۋمەن بولدى». تەرگەۋ وكىلدەرى، ۇستالعان ادام كەپىلدە بولۋدىڭ شارتىن بۇزىپ، شەتەلگە قاشىپ كەتپەكشى بولعانى ءۇشىن د.پاكتى تۇتقىنداۋدى تالاپ ەتتى.

د.پاكتى بۇدان بۇرىن ماسكەۋدەگى تۆەر اۋداندىق سوتى 45 ملن رۋبل كەپىلمەن تۇتقىننان بوساتقان.

ءوز كەزەگىندە، بيزنەسمەننىڭ ادۆوكاتتارى ولاردىڭ كليەنتىنىڭ كەپىلدە بولۋ شارتىن بۇزباعانىن، ال وعان ىزدەۋ جاريالاپ، ۇستاۋ وقيعاسىن تەرگەۋدىڭ ۇيىمداستىرعان ارانداتۋى دەپ اتادى. ولاردىڭ نۇسقالارى بويىنشا، د.پاك تەرگەۋگە شاقىرىلعاندىعى جايىندا ەشنارسە بىلمەگەن. ال، فينلياندياعا ونىڭ ءىسىن جۇرگىزەتىن تەرگەۋشىنىڭ رۇقساتىمەن بارماقشى بولعان.

گازەتتىڭ اقپاراتى بويىنشا، سوت ەكى جاقتىڭ دا دالەلدەرىن تىڭداي كەلىپ، بيزنەسمەندى تۇتقىنداۋ تۋرالى ءوتىنىشتى كەرى قايتاردى. ول ۋاقىتشا ۇستاۋ اباقتىسىنان جەكسەنبى كۇنى بوساتىلدى. بۇدان سوڭ كاسىپكەر قايتادان ماسكەۋگە قايتىپ كەلدى.

الماتى. 22 اقپان. قازتاگ ۆىبورگ قالالىق سوتى، وتكەن جۇما كۇنى فينليانديامەن شەكارانى كەسىپ ءوتۋ بارىسىندا شەكاراشىلار ۇستاپ العان «دەلو» ليزينگ كومپانياسى» ااق بىرلەسىپ يەمدەنۋشىسى دميتري پاكتى تۇتقىنداۋ تۋرالى رەسەي ءىىم جانىنداعى تەرگەۋ كوميتەتىنىڭ ءوتىنىشىن كەرى قايتاردى.

دۇيسەنبى كۇنى «كوممەرسانت» گازەتى حابارلاعانىنداي، «18 اقپاندا ۆىبورگ قالالىق سوتى كۇنى بويى ءىىم جانىنداعى تەرگەۋ كوميتەتى مەن، پاك مىرزانى قورعاۋ ءۇشىن ماسكەۋدەن جەدەل كەلىپ جەتكەن ءتورت ادۆوكاتتىڭ دالەلدەرىن تىڭداۋمەن بولدى». تەرگەۋ وكىلدەرى، ۇستالعان ادام كەپىلدە بولۋدىڭ شارتىن بۇزىپ، شەتەلگە قاشىپ كەتپەكشى بولعانى ءۇشىن د.پاكتى تۇتقىنداۋدى تالاپ ەتتى.

د.پاكتى بۇدان بۇرىن ماسكەۋدەگى تۆەر اۋداندىق سوتى 45 ملن رۋبل كەپىلمەن تۇتقىننان بوساتقان.

ءوز كەزەگىندە، بيزنەسمەننىڭ ادۆوكاتتارى ولاردىڭ كليەنتىنىڭ كەپىلدە بولۋ شارتىن بۇزباعانىن، ال وعان ىزدەۋ جاريالاپ، ۇستاۋ وقيعاسىن تەرگەۋدىڭ ۇيىمداستىرعان ارانداتۋى دەپ اتادى. ولاردىڭ نۇسقالارى بويىنشا، د.پاك تەرگەۋگە شاقىرىلعاندىعى جايىندا ەشنارسە بىلمەگەن. ال، فينلياندياعا ونىڭ ءىسىن جۇرگىزەتىن تەرگەۋشىنىڭ رۇقساتىمەن بارماقشى بولعان.

گازەتتىڭ اقپاراتى بويىنشا، سوت ەكى جاقتىڭ دا دالەلدەرىن تىڭداي كەلىپ، بيزنەسمەندى تۇتقىنداۋ تۋرالى ءوتىنىشتى كەرى قايتاردى. ول ۋاقىتشا ۇستاۋ اباقتىسىنان جەكسەنبى كۇنى بوساتىلدى. بۇدان سوڭ كاسىپكەر قايتادان ماسكەۋگە قايتىپ كەلدى.

بۇدان بۇرىن حابارلانعانىنداي، «دەلو» ليزينگ كومپانياسى» ااق-نىڭ بىرلەسىپ يەمدەنۋشىسى دميتري پاك قازاقستاننىڭ بتا بانكىنىڭ $71 ملن جۋىق قارجىسىن جىمقىردى دەپ كۇدىكتەلىپ وتىر. تەرگەۋدىڭ دەرەكتەرى بويىنشا، 2009 جىلدىڭ اقپانىندا ول بتا بانك ديرەكتورلار كەڭەسىنىڭ بۇرىنعى توراعاسى مۇحتار ابليازوۆپەن بىرگە بانك قارجىسىن جىمقىرۋدىڭ سحەماسىن جاساپ، «دەلو» ليزينگتىك كومپانياسى وسى سحەمانىڭ ءتۇيىندى بولىگى بولعان.

تەرگەۋدىڭ نۇسقاسى بويىنشا، بتا بانك قىزمەتكەرلەرى م.ءابليازوۆتىڭ تاپسىرماسىمەن وسى وپەراتسيانى جۇزەگە اسىرۋى ءۇشىن تسەسسيانىڭ جالعان كەلىسىمدەرىن جاساعان. وسىعان سايكەس، بۇعان دەيىن د.پاكتىڭ كومپانياسىنا بتا بانك  بەرگەن $70,9 ملن نەسيەنى تالاپ ەتۋ قۇقىن بانك بريتانيانىڭ ۆيرگين ارالدارىندا جانە كيپردە تىركەلگەن وففشورلىق كومپانيالار تىزبەگى ارقىلى جىبەرگەن. بۇل تىزبەكتەگى سوڭعى نۇكتە كيپرلىك Kimoce Limited فيرماسى بولعان. «دەلو» كومپانياسى 2009 جىلدىڭ 18 ناۋرىزىنان باستاپ وسى فيرمانىڭ لاتۆياداعى «بالتيكۋمس» بانكىندەگى شوتىنا نەسيەنى جابۋ دەگەن جەلەۋمەن اقشا اۋدارا باستاعان. كيپرلىك وففشورلىق فيرمانىڭ شوتىنا بارلىعى $1,5 ملن استام اقشا اۋدارىلىپ ۇلگەرگەن.