ديپلوم الىپ، مامان اتانۋ كەز كەلگەن مەكتەپ ءبىتىرىپ وتىرعان جاستىڭ ارمانى. كۇندىز كۇلكى، تۇندە ۇيقى كورمەي كوز مايىن تاۋىسىپ، ءبىلىم ءنارىن بويىنا جينايتىن جاستىڭ 4-5 جىلعى ەڭبەگىنىڭ جەمىسى دە سول ديپلوم. ءبىر قاراعاندا ءبىر جاپىراق قاعاز ءتارىزدى كورىنگەن قۇجات ءۇشىن قانشاما وتباسى بار جيعان-تەرگەنىن باسقا بالالارىنىڭ اۋ­زى­نان جىرىپ، ستۋدەنت اتانعان بالا­سىنا بەرىپ، سول بالاسىنا ءۇمىت ارتىپ وتىراتىنىن كورىپ ءجۇرمىز. بىراق بىرەۋدىڭ ءتورت جىلعى ەڭبەگى كەيدە باسقا بىرەۋدىڭ ساتىپ العان قاعازىمەن تەڭەسىپ قالاتىنىن قالاي تۇسىنۋگە بولادى؟

ديپلوم الىپ، مامان اتانۋ كەز كەلگەن مەكتەپ ءبىتىرىپ وتىرعان جاستىڭ ارمانى. كۇندىز كۇلكى، تۇندە ۇيقى كورمەي كوز مايىن تاۋىسىپ، ءبىلىم ءنارىن بويىنا جينايتىن جاستىڭ 4-5 جىلعى ەڭبەگىنىڭ جەمىسى دە سول ديپلوم. ءبىر قاراعاندا ءبىر جاپىراق قاعاز ءتارىزدى كورىنگەن قۇجات ءۇشىن قانشاما وتباسى بار جيعان-تەرگەنىن باسقا بالالارىنىڭ اۋ­زى­نان جىرىپ، ستۋدەنت اتانعان بالا­سىنا بەرىپ، سول بالاسىنا ءۇمىت ارتىپ وتىراتىنىن كورىپ ءجۇرمىز. بىراق بىرەۋدىڭ ءتورت جىلعى ەڭبەگى كەيدە باسقا بىرەۋدىڭ ساتىپ العان قاعازىمەن تەڭەسىپ قالاتىنىن قالاي تۇسىنۋگە بولادى؟

بۇگىندە ديپلوم ساتاتىن سايتتاردان اياق الىپ جۇرە المايسىن. مى­سالى رەسەيدە ءتورت جىل بويى ەڭ­بەكتەنىپ تۇرىپ العان ديپلومىڭنىڭ قۇنى «جالعان» ديپلوم ساتۋشىلاردا -2500 تەنگە تۇرادى ەكەن. جانە مۇنداي ديپلوم جاساۋشىلار داعدارىس كەزىندە ءبىراز پايدا تاپقانعا ۇقسايدى. اسىرەسە،جاقىندا رەسەيدىڭ سايتتارىنان «ءسىز، ءوز ديپومىڭىزبەن جۇمىس تابا الماساڭىز، مەكەمەگە ورنالاسۋ ءۇشىن وقىپ، ۋاقىت جوعالتىپ قايتەسىز، بىزدەن ساتىپ الىڭىز» دەگەن جالىندى جارنامانى كوردىك. ال قازاقستاننىڭ سايتتارىندا جۇرگەن اقپاراتقا سۇيەنسەك، 450-دەن استام «جالعان» ديپلوم يەلەرىنىڭ مەملەكەتتىك مەكەمەلەردە قىزمەت ەتىپ جۇرگەن جەرلەرىنەن جولدارى كەسىلگەنى انىقتالعان. بۇل ارنايى زاڭمەن قۋدالاناتىن قادامعا كىمدەر باردى؟ ول اقپارات قانشالىقتى راس؟ ەگەر شىندىق بولسا «جالعان» ديپلومدى بىلىكسىز ءارى ءبىلىمسىز مامان قىزمەتكە قالاي تۇرعان؟ ءبىر قاراعاندا تاڭقالارلىق جاعداي. ەكىنشى جاعىنان وتە قاۋىپتى، سەبەبى جالعان ديپلومدى دارىگەر نەمەسە مۇعالىم ماماندىعى بويىنشا ساتىپ الاتىن بولسا، نە بولادى؟ ءارى قاراي ويلاۋدىڭ ءوزى قورقىنىشتى. ءبىلىمدى اركىم ءوزى ءۇشىن الادى، بىراق ءبىلىمدىنىڭ ەلگە بەرەرى «بىلەكتى ءارى ايلالىعا» قاراعاندا الدەقايدا ارتىق ەكەنى ايدان انىق.

«ءتىل» جۋرنالى #2 (19) اقپان | 2010

http://www.massagan.com/news.php?mod=news&id=4326&catid=4