پاۆلودار وبلىسىنا ءبىر كۇندىك ىسساپارمەن كەلگەن ۇكىمەت باسشىسى كارىم ءماسىموۆ ەكىباستۇز، اقسۋ جانە پاۆلودار قالالارىنداعى بىرقاتار ءوندىرىس ورىندارىن ارالاپ، جاڭادان بوي كوتەرگەن شاعىن كاسىپورىنداردىڭ اشىلۋ سالتاناتىنا قاتىستى. سونداي-اق مەكتەپ ءبىتىرىپ جاتقان تۇلەكتەردىڭ سوڭعى قوڭىراۋىنا دا ۋاقىت بولگەن كارىم قاجىمقانۇلى ايماقتاعى ەڭ بەتكەۇستار ءبىلىم ورداسى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە دە باس سۇقتى. پرەمەر-ءمينيستردى قاقپادان قارسى العان پمۋ رەكتورى ەرلان ارىن وقۋ ورداسىنىڭ سوڭعى جەتىستىكتەرىن جەتكىزە كەلە داعدارىس كەزىندە اتقارىپ جاتقان جۇمىستارىمەن تانىستىردى.
– ۋنيۆەرسيتەت الەمدى تىعىرىققا تىرەپ تۇرعان قارجى داعدارىسىنان سۇرىنبەي شىعۋ جولدارىنىڭ ءبىرى رەتىندە اكىمشىلىك-باسقارۋ قىزمەتكەرلەرىنىڭ جالاقىسىنا ۇستەمەاقى تولەۋدى توقتاتتى. باسى ارتىق ءىسساپارلار شەكتەلىپ، حالىقارالىق سويلەسۋلەر ازايتىلدى، – دەپ باياندادى پمۋ رەكتورى ەرلان ارىن.
الايدا ۋنيۆەرسيتەت باسشىسىنىڭ كەشە پرەمەر-مينيسترگە بەرگەن مالىمدەمەسى ءدال سول ساتتە وبلىستىق پروكۋراتۋرا تاراتقان اقپاراتقا قاراما-قايشى كەلدى. پاۆلودار وبلىستىق پروكۋراتۋراسى ءباسپاسوز قىزمەتىنىڭ حابارلاۋىنشا، قۇزىرلى ورگان س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە جوسپارلىق تەكسەرۋ جۇمىستارىن جۇرگىزگەن.

پاۆلودار وبلىسىنا ءبىر كۇندىك ىسساپارمەن كەلگەن ۇكىمەت باسشىسى كارىم ءماسىموۆ ەكىباستۇز، اقسۋ جانە پاۆلودار قالالارىنداعى بىرقاتار ءوندىرىس ورىندارىن ارالاپ، جاڭادان بوي كوتەرگەن شاعىن كاسىپورىنداردىڭ اشىلۋ سالتاناتىنا قاتىستى. سونداي-اق مەكتەپ ءبىتىرىپ جاتقان تۇلەكتەردىڭ سوڭعى قوڭىراۋىنا دا ۋاقىت بولگەن كارىم قاجىمقانۇلى ايماقتاعى ەڭ بەتكەۇستار ءبىلىم ورداسى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە دە باس سۇقتى. پرەمەر-ءمينيستردى قاقپادان قارسى العان پمۋ رەكتورى ەرلان ارىن وقۋ ورداسىنىڭ سوڭعى جەتىستىكتەرىن جەتكىزە كەلە داعدارىس كەزىندە اتقارىپ جاتقان جۇمىستارىمەن تانىستىردى.
– ۋنيۆەرسيتەت الەمدى تىعىرىققا تىرەپ تۇرعان قارجى داعدارىسىنان سۇرىنبەي شىعۋ جولدارىنىڭ ءبىرى رەتىندە اكىمشىلىك-باسقارۋ قىزمەتكەرلەرىنىڭ جالاقىسىنا ۇستەمەاقى تولەۋدى توقتاتتى. باسى ارتىق ءىسساپارلار شەكتەلىپ، حالىقارالىق سويلەسۋلەر ازايتىلدى، – دەپ باياندادى پمۋ رەكتورى ەرلان ارىن.
الايدا ۋنيۆەرسيتەت باسشىسىنىڭ كەشە پرەمەر-مينيسترگە بەرگەن مالىمدەمەسى ءدال سول ساتتە وبلىستىق پروكۋراتۋرا تاراتقان اقپاراتقا قاراما-قايشى كەلدى. پاۆلودار وبلىستىق پروكۋراتۋراسى ءباسپاسوز قىزمەتىنىڭ حابارلاۋىنشا، قۇزىرلى ورگان س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە جوسپارلىق تەكسەرۋ جۇمىستارىن جۇرگىزگەن.
تەكسەرۋ بارىسىندا ۋنيۆەرسيتەتتىڭ عىلىمي-ىزدەنۋ قىزمەتىن جۇرگىزۋ كەزىندە ستۋدەنتتەردى ادەبيەتپەن جانە زەرتحانالىق جابدىقپەن قامتاماسىز ەتۋ جونىندەگى نورماتيۆتەردىڭ بۇزىلعاندىعى انىقتالدى. سونىمەن قاتار قارجىنى ءتيىمسىز جۇمساۋ، ۋنيۆەرسيتەتتىڭ كەيبىر قىزمەتكەرلەرىنە ۇستەمەاقى مەن سىياقىنى نەگىزسىز تولەۋ فاكتىلەرى انىقتالدى.
«وبلىس پروكۋراتۋراسىنىڭ تەكسەرۋى ناتيجەسىندە ۋنيۆەرسيتەت رەكتورى اتىنا زاڭبۇزۋشىلىقتى جويۋ جونىندە ۇسىنىس ەنگىزىلدى، وندا ۋنيۆەرسيتەتتىڭ شىعىستارىن تومەندەتۋ جانە وڭتايلاندىرۋ ۇسىنىلدى، بۇل ستۋدەنتتەردىڭ وقۋ باعاسىن تومەندەتۋگە مۇمكىندىك بەرەدى» دەپ حابارلايدى پروكۋراتۋرانىڭ ءباسپاسوز قىزمەتى.
سوندا ۋنيۆەرسيتەت باسشىلىعى وبلىستىق پروكۋراتۋرانىڭ بۇل ەسكەرتپەسىنەن بەيحابار بولعانى ما، الدە پرەمەرگە جالعان اقپار بەرىپ الداپ سوققانى ما؟ ال سوڭعى كەزدەرى ۇكىمەتتە مەملەكەتتىك تىلدە سويلەپ، ءتىپتى قاجەت جەرىندە وزگە ءتىلدى دە جاتسىنباي، ارابتاردى دا اۋزىنا قاراتقان كارىم ءماسىموۆ كەرەكۋ جەرىندە قىسقا دا بولسا قازاقشا سويلەدى. باس مينيستر وسى ءۇش اۋىز سوزبەن-اق ءبىر كۇندىك ءىسساپارىنىڭ ماقسات-مۇددەسىن ايتىپ بەردى.
كارىم ءماسىموۆ، پرەمەر-مينيستر:
– وتكەن اپتادا ءبىزدىڭ ەلباسى «نۇر وتان» پارتياسىنىڭ سەزىندە ۇكىمەتكە بىرنەشە ناقتى تاپسىرما بەرگەن. جاڭا يندۋستريا، جاڭا تەحنولوگيا باعدارلامالارىن دايىنداۋ كەرەك. سول سەبەپتى مەن بۇگىن ارىپتەستەرىممەن وسىندا كەلدىم.

ەسەنبەك ساناتۇلى، پاۆلودار
“الاش ايناسى” گازەتى 26 مامىر 2009 جىل