نۇكىس، وزبەكستان. 27 مامىر. قازتاگ - وزبەك بيلىگى شەكارانى زاڭسىز كەسىپ، ۇرلىق جاسادى دەپ ايىپتاپ وتىرعان 27 قازاقستاندىققا قاتىستى كەزەكتى سوت وتىرىسى 28 مامىردا وتەدى. ولاردىڭ تۋىستارى سوت امالىنا قر وكىلدەرى قاتىسپايتىنىنا قاتىستى الاڭداپ وتىر، دەپ حابارلايدى قازتاگ ءتىلشىسى.

بۇرىن حابارلانعانداي، دۇيسەنبى كۇنى 25 مامىردا وزبەكتىڭ نۇكىس قالاسىندا قازاقستاندىقتاردىڭ ۇستىنەن سوت امالى باستالدى. «بىراق قازاقستاننىڭ وزبەكستانداعى كونسۋلى بابىر داۋرەنبەكوۆقا حابار جىبەرىلگەنىنە قاراماستان، سوت امالىنا ايىپتالۋشىلار مەن ولاردىڭ تۋىستارىنان باسقا، قازاقستاننىڭ رەسمي وكىلدەرىنەن ەشكىم قاىسقان جوق»، - دەپ اتاپ كورسەتتى سوتتالۋشىلاردىڭ تۋىستارى.

23 مامىردا اقتوبەدەن جولعا شىققان ايىپتالۋشى جۇرگىزۋشىلەردىڭ اپالارى، ايەلدەرى مەن اعالارى، بارلىعى 15 ادام قازىر نۇكىستە.

ولاردىڭ ايتۋىنشا، قازاقستاندىقتار ءوز كىنالارىن مويىنداماي وتىر.

نۇكىس قالاسىنىڭ 9-تو-عا قامالعان قازاقستاندىق جۇرگىزۋشىلەردىڭ ءبىرىنىڭ اپاسى جانار ساعىنباەۆا ادۆوكات اسقاروۆ اساننىڭ اقپاراتىنا سىلتەمە جاساپ حابارلاعانداي، الدىن الا تەرگەۋ بارىسىندا ءبىر دە ءبىر قازاقستاندىق وزدەرىنە تاعىلعان ايىپتارمەن كەلىسكەن جوق جانە كىناسىن مويىنداعان جوق.

بۇعان دەيىن قازاقستان سىرتقى ىستەر ءمينيسترىنىڭ ءبىرىنشى ورىنباسارى نۇرتاي ابىقاەۆ قازاقستاندىقتاردىڭ بارلىعى وزبەك شەكاراسىن زاڭسىز كەسىپ وتكەنىن جانە ۇرلىق جاساعانىن مويىندادى دەپ مالىمدەگەن بولاتىن.

نۇكىس، وزبەكستان. 27 مامىر. قازتاگ - وزبەك بيلىگى شەكارانى زاڭسىز كەسىپ، ۇرلىق جاسادى دەپ ايىپتاپ وتىرعان 27 قازاقستاندىققا قاتىستى كەزەكتى سوت وتىرىسى 28 مامىردا وتەدى. ولاردىڭ تۋىستارى سوت امالىنا قر وكىلدەرى قاتىسپايتىنىنا قاتىستى الاڭداپ وتىر، دەپ حابارلايدى قازتاگ ءتىلشىسى.

بۇرىن حابارلانعانداي، دۇيسەنبى كۇنى 25 مامىردا وزبەكتىڭ نۇكىس قالاسىندا قازاقستاندىقتاردىڭ ۇستىنەن سوت امالى باستالدى. «بىراق قازاقستاننىڭ وزبەكستانداعى كونسۋلى بابىر داۋرەنبەكوۆقا حابار جىبەرىلگەنىنە قاراماستان، سوت امالىنا ايىپتالۋشىلار مەن ولاردىڭ تۋىستارىنان باسقا، قازاقستاننىڭ رەسمي وكىلدەرىنەن ەشكىم قاىسقان جوق»، - دەپ اتاپ كورسەتتى سوتتالۋشىلاردىڭ تۋىستارى.

23 مامىردا اقتوبەدەن جولعا شىققان ايىپتالۋشى جۇرگىزۋشىلەردىڭ اپالارى، ايەلدەرى مەن اعالارى، بارلىعى 15 ادام قازىر نۇكىستە.

ولاردىڭ ايتۋىنشا، قازاقستاندىقتار ءوز كىنالارىن مويىنداماي وتىر.

نۇكىس قالاسىنىڭ 9-تو-عا قامالعان قازاقستاندىق جۇرگىزۋشىلەردىڭ ءبىرىنىڭ اپاسى جانار ساعىنباەۆا ادۆوكات اسقاروۆ اساننىڭ اقپاراتىنا سىلتەمە جاساپ حابارلاعانداي، الدىن الا تەرگەۋ بارىسىندا ءبىر دە ءبىر قازاقستاندىق وزدەرىنە تاعىلعان ايىپتارمەن كەلىسكەن جوق جانە كىناسىن مويىنداعان جوق.

بۇعان دەيىن قازاقستان سىرتقى ىستەر ءمينيسترىنىڭ ءبىرىنشى ورىنباسارى نۇرتاي ابىقاەۆ قازاقستاندىقتاردىڭ بارلىعى وزبەك شەكاراسىن زاڭسىز كەسىپ وتكەنىن جانە ۇرلىق جاساعانىن مويىندادى دەپ مالىمدەگەن بولاتىن.

بۇرىن حابارلانعانداي، 26 اقپاندا وزبەكستاننىڭ قۇقىق قورعاۋ ورگاندارى 25 جۇرگىزۋشى جۇرىگىزىپ كەلە جاتقان اۆتوكەرۋەندى توقتاتقان. ولار شالقار اۋدانىنىڭ بوزوي مەكەنىنەن «قۇلاندى» شەكارا زاستاۆاسىن اينالىپ ءوتىپ، قازاقستان مەن وزبەكستاننىڭ مەملەكەتتىك شەكاراسىن كەسىپ وتكەن. توپ وزبەكستاندىق مەتالل سىنىقتارىن ۇرلاۋدى جوسپارلاعان. الايدا قولعا ءتۇسىپ، قاراقالپاقستان رەسپۋبليكاسىنىڭ نۇكىس قالاسىنا جەتكىزىلدى. بارلىق ازاماتتار - اقتوبە وبلىسىنىڭ تۇرعىندارى.

ولارعا قاتىستى مەملەكەتتىك شەكارانى زاڭسىز كەسىپ وتكەنى ءۇشىن بىردەن قىلمىستىق ءىس قوزعالدى.

كەيىن اقتوبەدە جۇرگىزۋشىلەردى وزبەكستان اۋماعىنان قۇبىر ۇرلاۋ ءۇشىن جالداعان ەكى تاپسىرىس بەرۋشى ۇستالدى. بۇل دەرەك بويىنشا قر قك «ەكونوميكالىق كونتراباندا» 209 ب. 3ت. بويىنشا قىلمىستىق ءىس قوزعالدى. قازىرگى ۋاقىتتا تەرگەۋ وقشاۋلاعىشىنا 1963 جانە 1966 جىلدارى تۋعان ەكى ازامات قامالدى، ولار بىرنەشە جىل بويى مەتالل سىنىقتارىن جيناۋمەن، قارا مەتالدى تومەن باعامىن ساتىپ الىپ، ساتۋمەن اينالىسقان.