استانا. 27 مامىر. قازتاگ – قازىرگى ۋاقىتتا قر باس پروكۋراتۋراسى، قارجى پوليتسياسى، قارجى مينيسترلىگى مەن ۇقك قىزمەتكەرلەرىنەن قۇرالعان ۆەدومستۆوارالىق توپ «قازاتومونەركاسىپ» ۇاك» اق-نىڭ قارجىلىق-شارۋاشىلىق قىزمەتىنە تەكسەرۋ جۇرگىزىپ جاتىر، دەلىنگەن ۇقك-ءنىڭ ءباسپاسوز مالىمدەمەسىندە.

«تەكسەرۋدىڭ الدىن الا قورىتىندىسى كورسەتىپ بەرگەندەي، مۇحتار جاكىشەۆ جانە ۇلتتىق كومپانيانىڭ باسقا باسشىلارى قىزمەت بابىن پايدالانا وتىرىپ، مەملەكەتتىڭ سەنىپ تاپسىرىلعان قازاقستاننىڭ ءىرى ۋران كەن ورىندارىنداعى ۇلەستەر تۇرىندەگى مۇلىگىن وففشورلىق ايماقتاردا تىركەلگەن فيرمالاردىڭ پايداسىنا بەرۋ ارقىلى ۇلكەن ەكونوميكالىق زالال كەلتىردى»، - دەپ اتاپ كورسەتىلگەن حابارلامادا.

حابارلامادا اتاپ كورسەتىلگەندەي، م. جاكىشەۆتىڭ تاپسىرماسىمەن 2005 جىلى «كەڭ دالا KZ» اق جەكە مەنشىك كومپانياسى قۇرىلدى، كەيىن وسى كومپانياعا قىزىلوردا وبلىسىنداعى «مىڭقۇدىق» ۋران كەن ورنىنداعى «تسەنترالنىي» ۋچاسكەسىنىڭ قويناۋىن پايدالانۋ قۇقىعى اقىسىز تۇردە بەرىلگەن. وسى ۋاقىتتا «قازاتومونەركاسىپ» ۇاك» اق وزگە وففشورلىق كومپانياعا قىزىلوردا وبلىسىنداعى «قىزىلقۇم» جشس-ندەگى 30% ۇلەستى نەبارى 15 ملن 600 مىڭ تەڭگەگە ساتقان. باسقا دا كەن ورىندارىنىڭ بايلىعىن پايدالانۋعا قۇقىقتاردى زاڭسىز بەرۋدىڭ دەرەكتەرى انىقتالعان.

استانا. 27 مامىر. قازتاگ – قازىرگى ۋاقىتتا قر باس پروكۋراتۋراسى، قارجى پوليتسياسى، قارجى مينيسترلىگى مەن ۇقك قىزمەتكەرلەرىنەن قۇرالعان ۆەدومستۆوارالىق توپ «قازاتومونەركاسىپ» ۇاك» اق-نىڭ قارجىلىق-شارۋاشىلىق قىزمەتىنە تەكسەرۋ جۇرگىزىپ جاتىر، دەلىنگەن ۇقك-ءنىڭ ءباسپاسوز مالىمدەمەسىندە.

«تەكسەرۋدىڭ الدىن الا قورىتىندىسى كورسەتىپ بەرگەندەي، مۇحتار جاكىشەۆ جانە ۇلتتىق كومپانيانىڭ باسقا باسشىلارى قىزمەت بابىن پايدالانا وتىرىپ، مەملەكەتتىڭ سەنىپ تاپسىرىلعان قازاقستاننىڭ ءىرى ۋران كەن ورىندارىنداعى ۇلەستەر تۇرىندەگى مۇلىگىن وففشورلىق ايماقتاردا تىركەلگەن فيرمالاردىڭ پايداسىنا بەرۋ ارقىلى ۇلكەن ەكونوميكالىق زالال كەلتىردى»، - دەپ اتاپ كورسەتىلگەن حابارلامادا.

حابارلامادا اتاپ كورسەتىلگەندەي، م. جاكىشەۆتىڭ تاپسىرماسىمەن 2005 جىلى «كەڭ دالا KZ» اق جەكە مەنشىك كومپانياسى قۇرىلدى، كەيىن وسى كومپانياعا قىزىلوردا وبلىسىنداعى «مىڭقۇدىق» ۋران كەن ورنىنداعى «تسەنترالنىي» ۋچاسكەسىنىڭ قويناۋىن پايدالانۋ قۇقىعى اقىسىز تۇردە بەرىلگەن. وسى ۋاقىتتا «قازاتومونەركاسىپ» ۇاك» اق وزگە وففشورلىق كومپانياعا قىزىلوردا وبلىسىنداعى «قىزىلقۇم» جشس-ندەگى 30% ۇلەستى نەبارى 15 ملن 600 مىڭ تەڭگەگە ساتقان. باسقا دا كەن ورىندارىنىڭ بايلىعىن پايدالانۋعا قۇقىقتاردى زاڭسىز بەرۋدىڭ دەرەكتەرى انىقتالعان.

انىقتالعان دەرەكتەر بويىنشا ۇلتتىق قاۋىپسىزدىك ورگاندارى قىلمىستىق ءىس قوزعادى. تەرگەۋ توبى قىلمىستىڭ قاتىسۋشىلارى مەن ونى جاساۋدىڭ نەگىزگى جوسپارىن، سونداي-اق، قارجىنى جىمقىرۋ ماقساتىندا ارنايى اشىلعان جالعان فيرمالار مەن كومپانيالاردى انىقتاعان.

«بۇل ءىس بويىنشا «قازاتومونەركاسىپ» ۇاك-ءنىڭ» ءتۇرلى دەڭگەيدەگى جەتى باسشىسى نەگىزدى تۇردە كۇدىكتەلىپ وتىر، ولارعا قاتىستى ءتيىستى پروتسەسسۋالدىق شەشىم قابىلدانادى. م.جاكىشەۆكە قاتىستى سوت «قاماۋعا الۋ» بۇلتارتپاۋ شاراسىن تاڭدادى»، - دەپ اتاپ كورسەتەدى ۇقك ءباسپاسوز قىزمەتى.

قىلمىستىق ءىستىڭ تەرگەلۋ بارىسىن قر باس پروكۋراتۋراسى باقىلاپ وتىر.