جۇما, 29 ناۋرىز 2024
جاڭالىقتار 3363 0 پىكىر 29 ناۋرىز, 2010 ساعات 05:10

الەم تانىعان اسەم مەرەكە كەلەكەگە اينالدى

اۋدانىمىزدا ۇلىستىڭ ۇلى كۇنىندە ۇيات تىرلىككە جول بەرىلدى. كۇنىنەن بۇرىن تويلانعان مەرەكەگە حالىقتىڭ وكپەسى قارا قازانداي بولعانى بىلاي تۇرسىن، بەس مىڭ جىلدىق تاريحىندا بۇكىلحالىقتىق دەڭگەيگە كوتەرىلگەن جاڭارۋ كۇنى ساياسيلانىپ كەتە باردى.

ءبىر وقپەن ءۇش قوياندى اتىپ الۋدىڭ ادەتكە اينالۋىن جەرگىلىكتى بيلىكتىڭ ارالاسۋىمەن بولىپ جاتقانىن «ىممەن» جەتكىزگەن اۋدان حالقىنىڭ مادەنيەتىن قالىپتاستىرۋشىلار ەكى يىعىن «امال قانشا؟» دەپ قيقاڭ ەتكىزۋدەن ارىگە اسا المادى. ورىن-ورنىمەن ءار كۇنگە جوسپارلانعان شارالاردىڭ باسىن بىرىكتىرىپ جىبەرگەنىنە «باسىن شايقاعان» ولاردىڭ «بۇيرىق تالقىلانبايدى، ورىندالادى» دەگەن قاعيداعا كونبەسكە امالى قالماعانىن انىق ۇعىندىق.

 

ماسەلەن، ناۋرىزدىڭ جيىرما ەكىسى كۇنى كەشكىسىن ماقاتتاعى ورتالىق الاڭدا ءۇش ساعاتتىق كونتسەرت حالىق نازارىنا ۇسىنىلدى.

ۇلىستىڭ ۇلى كۇنى مەن ناۋرىزدىڭ جيىرما بىرىنە جوسپارلانعان «قوزى كورپەش پەن بايان سۇلۋ» كۇنىنە ارنالعان ەڭ ۇزدىك ماحاببات اندەرى كەشى شاراسىنا ناشاقورلىققا قارسى كۇرەس شاراسى اكەپ جاپسىرىلدى.

شارانى ۇيىمداستىرۋشى ماقاتتاعى مادەنيەت ءۇيىنىڭ ديرەكتورى مىندەتىن اتقارۋشى ب.سارتباەۆتان سۇراعانىمىزدا جوعارىدان وسىنداي تاپسىرما كەلگەنىن ايتتى. بۇل پىكىردى «نۇر وتان» حدپ اۋداندىق فيليالى توراعاسىنىڭ ءبىرىنشى ورىنباسارى ا.ابدولقىزى دا قايتالادى.

 

اۋدانىمىزدا ۇلىستىڭ ۇلى كۇنىندە ۇيات تىرلىككە جول بەرىلدى. كۇنىنەن بۇرىن تويلانعان مەرەكەگە حالىقتىڭ وكپەسى قارا قازانداي بولعانى بىلاي تۇرسىن، بەس مىڭ جىلدىق تاريحىندا بۇكىلحالىقتىق دەڭگەيگە كوتەرىلگەن جاڭارۋ كۇنى ساياسيلانىپ كەتە باردى.

ءبىر وقپەن ءۇش قوياندى اتىپ الۋدىڭ ادەتكە اينالۋىن جەرگىلىكتى بيلىكتىڭ ارالاسۋىمەن بولىپ جاتقانىن «ىممەن» جەتكىزگەن اۋدان حالقىنىڭ مادەنيەتىن قالىپتاستىرۋشىلار ەكى يىعىن «امال قانشا؟» دەپ قيقاڭ ەتكىزۋدەن ارىگە اسا المادى. ورىن-ورنىمەن ءار كۇنگە جوسپارلانعان شارالاردىڭ باسىن بىرىكتىرىپ جىبەرگەنىنە «باسىن شايقاعان» ولاردىڭ «بۇيرىق تالقىلانبايدى، ورىندالادى» دەگەن قاعيداعا كونبەسكە امالى قالماعانىن انىق ۇعىندىق.

 

ماسەلەن، ناۋرىزدىڭ جيىرما ەكىسى كۇنى كەشكىسىن ماقاتتاعى ورتالىق الاڭدا ءۇش ساعاتتىق كونتسەرت حالىق نازارىنا ۇسىنىلدى.

ۇلىستىڭ ۇلى كۇنى مەن ناۋرىزدىڭ جيىرما بىرىنە جوسپارلانعان «قوزى كورپەش پەن بايان سۇلۋ» كۇنىنە ارنالعان ەڭ ۇزدىك ماحاببات اندەرى كەشى شاراسىنا ناشاقورلىققا قارسى كۇرەس شاراسى اكەپ جاپسىرىلدى.

شارانى ۇيىمداستىرۋشى ماقاتتاعى مادەنيەت ءۇيىنىڭ ديرەكتورى مىندەتىن اتقارۋشى ب.سارتباەۆتان سۇراعانىمىزدا جوعارىدان وسىنداي تاپسىرما كەلگەنىن ايتتى. بۇل پىكىردى «نۇر وتان» حدپ اۋداندىق فيليالى توراعاسىنىڭ ءبىرىنشى ورىنباسارى ا.ابدولقىزى دا قايتالادى.

 

شۋاعىن شاشقان كوكتەمنىڭ نۇرلى شاپاعاتىنا جارىماعان حالىق ءوستىپ مەرەكەنى قارسىلادى. سوندا دەيمىز-اۋ، ماحابباتتىڭ بيىك شىڭى، تۋعان حالقىمىزدىڭ ماقتانىشىنا اينالعان بايان سۇلۋدىڭ دىلىمىزگە جات بولسا دا جاستارىمىزدىڭ بويىنا ءسىڭىپ كەتكەن ۆالەنتينادان كەم بولعانى ما؟ شىنىمەن، جىلدىڭ ءبىر كۇنى بايانعا بۇيىرمادى ما؟ ۇلتتىق بەدەرىمىز مەن بەدەلىمىزدى جوعالتۋ وسىندايدان باستالمايدى ما، دەگەن سانسىز ساۋال سانانى تورلايدى. اتتەڭ، جارىتىمدى جاۋاپ تاعى جوق.

 

«ءمۇيىز سۇرايمىن دەپ جۇرگەندە ساقالدان ايىرىلدىمنىڭ» كەرى كەلگەنىن تاعى قوسىپ قويالىق. ويتكەنى، حالىق جينالاتىن ورتالىق الاڭداعى كيىز ءۇي ىسپەتتى ساحنانىڭ قابىرعاسى سوگىلىپ مەرەكە الدىندا ورنىنان الىنىپ تاستالدى.

ونەرپازداردىڭ امالسىزدان كەنت اكىمشىلىگىنىڭ تابالدىرىعىن ساحناعا اينالدىرۋىنا تۋرا كەلدى. كۇمىس كومەي ءانشى مەن مىڭ بۇرالعان بيشىلەردەن قۇرالعان اۋدان ونەرپازدارىنىڭ تار جەردە اياعىن ەكى ادىم ءارى-بەرى باسا الماي، تۇرعان جەرىندە قادالا قيمىلداۋىنا اكەپ سوققان ىڭعايسىزدىققا قاراماستان كونتسەرت ءوتتى.

بۇل-ءبىزدىڭ مادەنيەتكە مۇرىن ۇشىنان قارايتىندىعىمىزدىڭ بەلگىسى ەمەي نەمەنە؟

«بۋىنسىز جەرگە پىشاق ۇرۋدىڭ» سالدارىنان سوراقىلىقتارعا جول بەرىلگەنىنە كىم جاۋاپ بەرەدى؟ تاعى دا سانسىز ساۋال.

 

سودان نە كەرەك كونتسەرت باستالدى. سالتاناتتى شارانى «ۇلىس وڭ بولسىن!» دەگەن ءبىر اۋىز سوزبەن كەنت اكىمى ق.تولەۋوۆ اشىپ بەردى.

ونىڭ ءسوزىن ساباقتاعان «جاس وتان» جاستار قاناتىنىڭ اتقارۋشى حاتشىسى ت.ديۋسوۆ نەگىزگى ميسسياسىن ورىنداپ، جاستاردى ناشاقورلىقتان قاشىق ءجۇرىپ، سالاۋاتتى ءومىر سۇرۋگە شاقىردى.

ماڭگىلىك ماحاببات پەن ناۋرىز تۋرالى اندەر شىرقالىپ، بي بيلەگەن ونەرپازداردىڭ سازدى سالەمى ءوتتى دە كەتتى.

«ەڭبەك تۋرالى» كودەكستىڭ اياققا جانشىلىپ، «ەلدىڭ ەرىندەگىسى» جىرىلعانى، ياعني حالىقپەن ساناسپاعان بيلىكتىڭ «بۇرا تارتۋى» ناۋرىز مەيرامىنىڭ ناق تويلانار شاعىندا وسىنداي ەرەكشەلىگىمەن تاريحتا قالاتىن بولدى.

وسى ورايدا ەلباسىمىزدىڭ ناۋرىز مەرەكەسىنە ارنالعان سالتاناتتى كەشتە سويلەگەن ءسوزى ەسكە ورالادى. ول ءوز سوزىندە حالىقارالىق مەرەكە رەتىندە قابىلدانعان مەيرامنان ءبىزدىڭ جاڭا جىلىمىز باستالۋى تيىستىگىن ايتا كەلە، اسىرەسە، جاستارىمىزدى قازاقتىڭ شىققان تەگىن، حالىقتىڭ سالت-ءداستۇرىن داڭقتى بابالاردىڭ ونەگەلى ءومىرىن مىندەتتى تۇردە بىلۋگە باۋلۋعا تيىستىگىمىز تۋرالى ايتتى.

 

«ءبىر وقپەن ءۇش قوياندى اتىپ» جۇرگەندە بۇل، ءسىرا، مۇمكىن بە؟ ەڭبەك كۇنىندە جۇمىستان شىعا الماي زار قاقساعان تالايدىڭ ۇلىق مەرەكەدەن قۇر قالعانى، ءبىر مەرەكەنىڭ تاساسىندا ءبىر مەرەكەنىڭ قالىپ قويۋى ءبىزدى مۇنداي مۇراتقا جەتكىزە الا ما؟ ارينە، جوق.

قىسقاسى، الەم تانىعان اسەم مەرەكە ماقات كەنتىندە سانىنەن ايىرىلىپ، كەلەكەگە اينالدى.

ا.تاپان.,

اتىراۋ وبلىسى، ماقات كەنتى

 

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616