الماتىدا قىمىز فەستيۆالى وتەدى
الماتى. 28 مامىر. قازتاگ – دانابەك بيمەنوۆ. 30 مامىردا الماتىدا رەسپۋبليكا الاڭىندا «قىمىزمۇرىندىق» فەستيۆالى وتەدى. بۇل تۋرالى «سارجايلاۋ» قىمىز ورتالىعىنىڭ پرەزيدەنتى احمەتبەك نۇرسيلa بەيسەنبى كۇنى الماتىداعى ءباسپاسوز ءماسليحاتىندا حابارلادى.
ونىڭ ايتۋىنشا، بۇل اكتسيانى «نۇر وتان» پارتياسى، قازاقستان حالقىنىڭ اسسامبلەياسى، مادەني ساياسات جانە ونەرتانۋ ينستيتۋتى قولداپ وتىر.
فەستيۆال شەڭبەرىندە اقىندار ايتىسى، ۇلتتىق سپورت تۇرلەرىنەن جارىستار، قىمىز، شۇبات، قۇرت، ىرىمشىك جانە قازاقتىڭ ۇلتتىق اسحاناسىنىڭ باسقا دا تاعامدارىن ۇيىمداستىرۋشىلار مالىمدەگەندەي «مەرەكەلىك باعامەن» ساتۋ ۇيىمداستىرىلادى.
فەستيۆالدىڭ ۇيىمداستىرۋشىلارى بۇل شارادان سالاۋاتتى ءومىر سالتىن، ءداستۇرلى قازاق مادەنيەتىن، قازاقتىڭ ۇلتتىق اسپازدىعىنىڭ داستۇرلەرىن ناسيحاتتاۋدى كورىپ وتىر.
«ءبىز قىمىزدىڭ كەڭ كولەمدەگى ءوندىرىسىن قايتا جانداندىرۋعا نيەتتىمىز جانە وسىنى ناسيحاتتايمىز»، - دەيدى «سارجايلاۋ» قىمىز ورتالىعىنىڭ پرەزيدەنتى احمەتبەك ءنۇرسيلا.
الماتى. 28 مامىر. قازتاگ – دانابەك بيمەنوۆ. 30 مامىردا الماتىدا رەسپۋبليكا الاڭىندا «قىمىزمۇرىندىق» فەستيۆالى وتەدى. بۇل تۋرالى «سارجايلاۋ» قىمىز ورتالىعىنىڭ پرەزيدەنتى احمەتبەك نۇرسيلa بەيسەنبى كۇنى الماتىداعى ءباسپاسوز ءماسليحاتىندا حابارلادى.
ونىڭ ايتۋىنشا، بۇل اكتسيانى «نۇر وتان» پارتياسى، قازاقستان حالقىنىڭ اسسامبلەياسى، مادەني ساياسات جانە ونەرتانۋ ينستيتۋتى قولداپ وتىر.
فەستيۆال شەڭبەرىندە اقىندار ايتىسى، ۇلتتىق سپورت تۇرلەرىنەن جارىستار، قىمىز، شۇبات، قۇرت، ىرىمشىك جانە قازاقتىڭ ۇلتتىق اسحاناسىنىڭ باسقا دا تاعامدارىن ۇيىمداستىرۋشىلار مالىمدەگەندەي «مەرەكەلىك باعامەن» ساتۋ ۇيىمداستىرىلادى.
فەستيۆالدىڭ ۇيىمداستىرۋشىلارى بۇل شارادان سالاۋاتتى ءومىر سالتىن، ءداستۇرلى قازاق مادەنيەتىن، قازاقتىڭ ۇلتتىق اسپازدىعىنىڭ داستۇرلەرىن ناسيحاتتاۋدى كورىپ وتىر.
«ءبىز قىمىزدىڭ كەڭ كولەمدەگى ءوندىرىسىن قايتا جانداندىرۋعا نيەتتىمىز جانە وسىنى ناسيحاتتايمىز»، - دەيدى «سارجايلاۋ» قىمىز ورتالىعىنىڭ پرەزيدەنتى احمەتبەك ءنۇرسيلا.
بۇرىن حابارلانعانداي، اعىلشىن عالىمدارىنىڭ مالىمەتىنشە، «وسىدان التى مىڭ جىل بۇرىن قازاقستاننىڭ سولتۇستىك دالالارىندا مەكەن ەتكەن ادامدار ءبىرىنشى بولىپ جىلقىنى قولعا ۇيرەتكەن، بۇل بۇعان دەيىن بولجانعاننان مىڭ جىل بۇرىن بولعان». عالىمدار بوتاي ەجەلگى مادەنيەتىنىڭ اۋماعىندا ارحەولوگيالىق قازبا جۇمىستارىن جۇرگىزۋ كەزىندە جىلقىنىڭ سۇيەكتەرى مەن ءتىس قالدىقتارىن تاپقان، ال جىلقىنىڭ تىستەرىندە جۇگەن نەمەسە سول سياقتى زاتتان قالعان ءىز بولعان، ال قۇمىرا قالدىقتارىن زەرتتەۋ بارىسىندا ودان جىلقى ءسۇتىنىڭ قالدىقتارى انىقتالعان.
بريتاندىق ەكسەتەر قالاسى ۋنيۆەرسيتەتىنىڭ عالىمى الان اۋترەمنىڭ پىكىرىنشە، «بۇل ەۋروپا تۇرعىندارى جىلقىنى قولعا ۇيرەتكەننەن 2 مىڭ جىل بۇرىن ورال تاۋلارىنىڭ شىعىسىندا جىلقىنى تاڭداپ، كوبەيتىپ، ءۇي شارۋاشىلىعىندا پايدالانعانىن كورسەتەدى».
«قىمىزمۇرىندىق – قازاقتىڭ ەجەلگى ۇلتتىق ءداستۇرى – بۇكىل اۋىلدىڭ اقساقالدارى مەن قۇرمەتتى قوناقتارىن شاقىرىپ، قىمىز ماۋسىمىنىڭ باستالعانىنا وراي مەرەكە ۇيىمداستىرىلاتىن»، – دەدى ەتنوگراف قاجىتاي ءىلياسوۆ ءباسپاسوز ءماسليحاتى بارىسىندا.
قىمىز – جىلقى سۇتىنەن ءسۇت قىشقىلى جانە ءسپيرتتى اشىتقى ناتيجەسىندە الىناتىن قىشقىل ءسۇتتى سۋسىن.
ۇلتتىق تاعام اكادەمياسىنىڭ پرەزيدەنتى، اكادەميك تورەگەلدى شارمانوۆتىڭ ايتۋىنشا، قىمىزدىڭ پايداسى مەن ونىڭ ەمدىك قاسيەتتەرى تۋرالى ەجەلدەن بەلگىلى بولعان. «بۇگىنگى كۇنى قىمىز ءوزىنىڭ ەمدىك قاسيەتتەرىنىڭ ارقاسىندا بۇكىل الەمگە تانىمال. سوڭعى جىلدارى اقش پەن جاپونيانىڭ بيوحيميكتەرى قىمىزدى تەرەڭ زەرتتەۋمەن اينالىسۋدا»، - دەپ اتاپ كورسەتتى ول.
