بۇگىن، سەيسەنبىدە رەسەي پرەزيدەنتى پۋتين قىتايعا ارنايى شاقىرۋمەن بارادى. شانحايدا بولاتىن  ەكى جاقتى كەلىسسوزدەردە سوڭعى ون جىلدىقتارداعى ەڭ اۋقىمدى كەلىسىم جاسالماق.  بۇل تۋرالى BBC اگەنتتىگى حابارلادى. اتالعان وتىرىس بارىسىندا بىرنەشە باعىتتاردا ەكى جاقتى ارىپتەستىك تالقىلاناتىن بولادى. ونىڭ ىشىندە گاز تاسىمالداۋ ماسەلەسى وزەكتى بولىپ وتىر.

ۆلاديمير پۋتين قىتايعا ەلدىڭ باسشىسى شي جين پيننىڭ ارنايى شاقىرۋىمەن كەلمەك. ايتا كەتەتىن بولساق بۇل قىرىمداعى جاعدايدان كەيىن رەسەي باسشىسىنىڭ ءبىرىنشى رەتكى شەتەلگە ارنايى شاقىرىلۋى.

رەسەي پرەزيدەنتى كومەكشىسى يۋريا ۋشاكوۆتىڭ جوزىنشە جوسپارلانعان ەكى جاقتى كەلىسىمدەردە «كەلىسىمدەردىڭ فانتاستيكالىق پاكەتى» قارالاتىن بولادى. 40-تان استام كەلىسىم شارت جاسالۋى، 30-دان اسا ماڭىزدى قۇجاتقا قول قويىلۋى كۇتىلۋدە.

كەلىسىم اياسىندا رەسەي قىتايعا جىلىنا 38 ميلليارد تەكشە مەتر گاز جونەلتپەك. ەستەرىڭىزدە بولسا رەسەي ۋكرايناعا گاز جىبەرۋ ماسەلەسىندە قاتاڭدىق تانىتىپ وتىر.  بۇل ءوز كەزەگىندە ۋكرايناداعى قارجى داعدارىسىنا سەبەپ بولدى. رەسەيدىڭ قىتايعا گاز جونەلتۋى باتىس ەلدەرىن الاڭداتۋدا.

 اباي-اقپارات