وڭتۇستىك كورەيا پرەزيدەنتى پاك كىن حە «سەۆول» پارومىنىڭ اپاتقا ۇشىراعانى ءۇشىن جاۋاپكەرشىلىكتى ءوز موينىنا الدى. وعان قوسا، اتالعان وقيعاعا قاتىستى ۇلتتىق جاعالاۋ كۇزەتىنىڭ تاراتىلاتىنىن مالىمدەدى، دەپ حابارلايدى قازاقپارات France-Presse اگەنتتىگىنە سىلتەمە جاساپ.

پرەزيدەنت جاعالاۋ كۇزەتىنىڭ قىزمەتكەرلەرى اتالعان قايعىلى جاعدايعا دەرەۋ ارەكەت ەتۋ بويىنشا شارانى ءساتسىز جۇرگىزگەنىن العا تارتىپ، بۇدان دا كوپ ادامدى امان الىپ قالۋعا بولار ەدى دەگەن وي ايتقان. ەستەرىڭىزگە سالا كەتسەك، 16 ساۋىردە اپاتقا ۇشىراعان وڭتۇستىك كورەيالىق «سەۆول» پارومىمەن بىرگە 286 ادام سۋعا سۋعا كەتكەن ەدى.

ول ءوز موينىنا جاۋاپكەرشىلىك الاتىنىن بىلاي دەپ جەتكىزدى: «قايعىدان قۇسا بولعان حالقىمنىڭ الدىندا وڭتۇستىك كورەيا تۇرعىندارىنىڭ ءومىرى مەن قاۋىپسىزدىگىنە جاۋاپتى پرەزيدەنت رەتىندە كەشىرىم سۇرايمىن! نە بولسا دا، بۇل اپاتقا مەن جاۋاپتىمىن!»

اباي-اقپارات