«ايقىن» گازەتىنىڭ ۇستىمىزدەگى جىلعى 12-ناۋرىز كۇنگى (№43 (1467) سانىندا ءبىز «تورتەمگە ءتورت بولمەلى ءۇي كەرەك» دەگەن تاقىرىپپەن ماقالا جازىپ، وندا موڭعوليانىڭ بايانولگي ايماعىنان قازاقستانعا كوشىپ كەلىپ، الماتىداعى سپورت جانە تۋريزم اكادەمياسىن ەركىن كۇرەس ءبولىمى بويىنشا ءبىتىرىپ، وسىندا قىزمەت جاساپ جۇرگەن ەسەنتاي مەن وسى وقۋ ورنىنىڭ تۋريزم بولىمىندە 5-كۋرستا ءبىلىم الىپ جۇرگەن نازىمگۇلدىڭ وتباسىندا تورتەم - ءتورت قىزىلشاقا قىز ومىرگە كەلگەندىگى تۋرالى جالپاق جۇرتتان ءسۇيىنشى سۇراعان بولاتىنبىز.

ال كەشە الماتىداعى پەدياتريا جانە بالالار حيرۋرگياسى عىلىمي ورتالىعىنىڭ ديرەكتورى، كورنەكتى عالىم-دارىگەر ەرمەك ايازبەكوۆتىڭ ءوزى اق تىلەك ايتىپ، نۇرايشا، جانايشا، بەكايشا جانە گۇلايشا ەسىمدى نارەستەلەردى ۇيلەرىنە شىعارىپ سالدى.

«ايقىن» گازەتىنىڭ ۇستىمىزدەگى جىلعى 12-ناۋرىز كۇنگى (№43 (1467) سانىندا ءبىز «تورتەمگە ءتورت بولمەلى ءۇي كەرەك» دەگەن تاقىرىپپەن ماقالا جازىپ، وندا موڭعوليانىڭ بايانولگي ايماعىنان قازاقستانعا كوشىپ كەلىپ، الماتىداعى سپورت جانە تۋريزم اكادەمياسىن ەركىن كۇرەس ءبولىمى بويىنشا ءبىتىرىپ، وسىندا قىزمەت جاساپ جۇرگەن ەسەنتاي مەن وسى وقۋ ورنىنىڭ تۋريزم بولىمىندە 5-كۋرستا ءبىلىم الىپ جۇرگەن نازىمگۇلدىڭ وتباسىندا تورتەم - ءتورت قىزىلشاقا قىز ومىرگە كەلگەندىگى تۋرالى جالپاق جۇرتتان ءسۇيىنشى سۇراعان بولاتىنبىز.

ال كەشە الماتىداعى پەدياتريا جانە بالالار حيرۋرگياسى عىلىمي ورتالىعىنىڭ ديرەكتورى، كورنەكتى عالىم-دارىگەر ەرمەك ايازبەكوۆتىڭ ءوزى اق تىلەك ايتىپ، نۇرايشا، جانايشا، بەكايشا جانە گۇلايشا ەسىمدى نارەستەلەردى ۇيلەرىنە شىعارىپ سالدى.

ۇيلەرىنە دەيمىز-اۋ، شىن مانىندە، تورتەمنىڭ اكەسى ەسەنتاي باۋىر ەتى بالالارى امان-ەسەن وزدەرىنە وزدەرى كەلىپ، عىلىمي ەمدەۋ ورتالىعىنان شىققان سوڭ قايدا اپارارىن بىلمەي كۇنى-ءتۇنى دال بولدى. Ђيتكەنى ايەلى نازىمگۇل ەكەۋى قازاق سپورت جانە تۋريزم اكادەمياسىنىڭ جاتاقحاناسىنداعى بار-جوعى 12 شارشى مەترلىك اياداي بولمەدە تۇرادى. ال عىلىمي ەمدەۋ ورتالىعىنداعى دارىگەرلەر بولسا، ءتورت ءسابيدىڭ ادام بوپ كەتۋى ءۇشىن ەڭ الدىمەن، تازا اۋا، كەڭ تىنىس، قولايلى جاعداي قاجەت ەكەندىگىن، ەگەر بولمەنىڭ اۋاسى تارىلسا، شىناشاقتاي سابيلەردىڭ دەنساۋلىعىنا كەرى اسەر ەتەتىندىگىن ءجيى قايتالاپ، ولاردىڭ قۇلاعىنا قۇيىپ كەلگەن-ءدى. امال نەشىك؟.. ەسەنتايدىڭ اتا-اناسى بولسا، الماتى وبلىسىنىڭ ەسكەلدى اۋدانىندا، ال اتا-ەنەسى قالادان 70 شاقىرىم اۋىلدا تۇرادى. «ىشىمە سىيعان بالا ۇيىمە دە سىيادى» دەيتىن قازاق بالاسى ەمەسپىز بە، قاپار اقساقال كوپتەن كۇتكەن نەمەرەلەرىن، ال ول كىسىنىڭ قۇداسى قۋانعان كوپتەن كۇتكەن جيەندەرىن ءوز ۇيلەرىنە سول كۇنى-اق الىپ كەتۋگە ساقاداي ساي كەلىپتى. بىراق پەدياتريا جانە بالالار حيرۋرگياسى عىلىمي ورتالىعىنىڭ ەمدەۋشى دارىگەرلەرى سابيلەردى وزدەرىنىڭ ۇنەمى باقىلاپ، قامقورلىققا الىپ تۇرۋلارى ءۇشىن ولاردى الماتىدان ەشقايدا شىعارماۋ تۋرالى اقىل-كەڭەس بەرىپتى. سودان شاقشاداي باسى شاراداي بولعان ەسەنتاي كەشە كەلىنشەگى نازىمگۇل مەن ءتورت قىزىلشاقا ءسابيىن باسقا ەمەس، ءوزى جۇمىس جاساپ جۇرگەن اكادەميانىڭ الاقانداي بولمەسىنە اپارۋعا ءماجبۇر بولدى.
- مەن ءۇشىن ەندىگى باستى ماسەلە، كىشكەنتاي بالاپاندارىم - نۇرايشا مەن جانايشانىڭ، بەكايشا مەن گۇلايشانىڭ جانە اياۋلى جارىم نازىمگۇلدىڭ اماندىعى، تەزىرەك ادام قاتارىنا قوسىلۋى. ال ەندى قينالىپ تۇرعانىم - پاتەر ماسەلەسى. سەبەبى ءبىز وسىنداعى الاتاۋ اۋدانىندا ءبىر تانىستىڭ ۇيىندە تىركەۋدەمىز. ال تۇراتىن جەرىمىز «اكادەميا جاتاقحاناسىنىڭ اياداي بولمەسى. ارينە، باسقا تۇسكەن سوڭ، كونبەسكە امال جوق. سپورت اكادامياسى مەن №13 جاسوسپىرىمدەر سپورت مەكتەبىنىڭ ۇجىمىنا، الماتى قالالىق سپورت باسقارماسىنا ۇلكەن راحمەت! ولار مۇمكىندىگىنشە جورگەك پۇلدارىن جيناپ بەرىپ، قۋانىشىما ورتاقتاسۋدا. ال الماتى قالاسىنىڭ اكىمى احمەتجان ەسىموۆ اعامىز ازىرگە تەك قۇتتىقتاۋ حاتپەن عانا شەكتەلىپ وتىر. Ђز باسىم، «مەن ءۇشىن ومىرىمدەگى ۇمىتىلماس ءارى قۋانىشتى كۇن ءتورت ءسابيىمدى ەمدەۋ ورتالىعىنان الىپ شىققانىمدا، الماتى قالالىق اكىمشىلىگىندەگى اعالارىم جاڭا ءۇيدىڭ كىلتىن ۇستاتىپ، قۋانىشىمدى بولىسەر» دەپ ويلاعانمىن. بىراق ولاي بولماي شىقتى. ەڭ وكىنىشتىسى، وسى بولىپ تۇر! باسقا باسقا، «اتاجۇرتىم، اتامەكەنىمدە مەن ەمەس، سابيلەرىم باسپاناسىزدىقتىڭ كۇيىن كەشەدى» دەپ ويلاعان جوقپىن. شىنىن ايتسام، «مۇندا باسى اۋىرىپ، بالتىرى سىزداماعاننىڭ قۇدايمەن ءىسى جوق» دەگەندەي، اكىم-قارالاردىڭ قاراپايىم حالىقتىڭ حال-جاعدايىمەن شارۋاسى جوق ەكەن. دەگەنمەن، حالقىمىز «ەشتەن كەش جاقسى» دەيدى. مۇمكىن قالا اكىمى احمەتجان ەسىموۆ دالاعا تاستاماس، قالانىڭ ءبىر اۋدانىنان اللاتاعالادان سۇراپ العان كىشكەنتاي سابيلەرىمە ءبىر باسپانا بەرەر دەپ ۇمىتتەنەمىن. سول قۋانىش تەزىرەك بولسا ەكەن. Ђيتكەنى تورتەمىمدى اۋىرتىپ الامىن با دەپ قورقامىن. مەنىڭ ءۇنىمدى احمەتجان اعاعا جەتكىزىڭىزدەرشى! - دەپ ەسەنتاي بىزدەن الماتىلىق اكىم-قارالارعا ءوزىنىڭ جانايقايىن جەتكىزۋدى ءوتىندى.
قالاي دەسەك تە، ۇلىن ۇياعا، قىزىن قياعا قوندىرىپ، الدەقاشان اتا اتانعان احمەتجان سماعۇلۇلى نۇرايشا، جانايشا، بەكايشا جانە گۇلايشا ەسىمدى نەمەرەلەرىن جىلاتىپ، تار بولمەنىڭ تار اۋاسىن جۇتقىزا قويماس دەپ ويلايمىز. قالا اكىمى تورتەمدى تەربەتە السا، جارادى!..

جومارت مولداحمەتۇلى

«ايقىن» گازەتى، 24.04.10.