رەسەيدىڭ "روسكوسموس" اگەنتتىگىنىڭ حابارلاۋىنشا، 16 مامىرعا قاراعان ءتۇنى بايقوڭىردان ۇشىرىلعان رەسەيلىك "پروتون-م" زىمىران تاسىعىشىندا "شتاتتان تىس جاعداي" بولدى. "ەكسپرەسس-ام4ر" عارىشتىق بايلانىس سپۋتنيگىن تىركەگەن زىمىران تاسىعىشى بايقوڭىردان استانا ۋاقىتىمەن تۇنگى ساعات 03:42-دە ۇشىرىلعان. زىمىران تاسىعىشتان شىققان اقاۋدان سپۋتنيك وربيتاعا شىعارىلماعان. «پروتون-م» زىمىرانىن ۇشىرۋ كەزىندە ءۇشىنشى ساتىنىڭ باسقارۋ قوزعالتقىشىنىڭ شتاتتان تىس جۇمىسىنىڭ سەبەبىنە بايلانىستى ونى ۇشىرۋدىڭ 545 سەكۋندىندا اپات ورىن العان. قوزعالتقىشتىڭ اپاتتىق ءسونۋى ەكىنشى جانە ءۇشىنشى ساتىلار بولىمدەرىنىڭ اراسىندا بولعانى انىقتالدى. عارىشتىق زىمىران سالاسىنداعى دەرەككوزدىڭ اقپاراتىنا قاراعاندا، «پروتون-م» التايدا نەمەسە تىنىق مۇحيتىنىڭ ايدىنىنا قۇلاۋى مۇمكىن ەدى. "روسكوسموس" قازىر مەملەكەتتىك كوميسسيا وكىلدەرى توتەنشە جاعدايدىڭ سەبەپتەرىن انىقتاۋمەن اينالىسىپ جاتىر.

 بايقوڭىر عارىش ايلاعىنان «پروتون» زىمىران تاسىعىشتارىن ودان ءارى ۇشىرۋدى توقتاتا تۇرادى. 15 شىلدەگە بەلگىلەنگەن «ەكسپرەس-ام6» بايلانىس سەرىگىمەن «پروتون-م» زىمىران تاسىعىشىنىڭ ۇشىرىلۋى اۋىستىرىلادى. «ەكسپرەسس-ام4ر» بۇگىنگى تاڭدا رەسەيدەگى ەڭ قۋاتتى جانە جوعارى تەحنولوگيالى بايلانىس سەرىگى بولىپ تابىلادى.«ەكسپرەسس-ام4ر» تەلەكوممۋنيكاتسيالىق عارىش اپپاراتىمەن عارىشتىق ماقساتتاعى «پروتون-م» جۇماعا قاراعان ءتۇنى بايقوڭىر عارىش ايلاعىنان ۇشىرىلعان بولاتىن. بۇل 2014 جىلدىڭ باسىنان بەرى جۇزەگە اسىرىلعان رەسەيدىڭ ونىنشى عارىشتىق ۇشىرىلۋى.

اباي-اقپارات