تۇرىك اقپارات كوزدەرىنىڭ مالىمدەۋىنشە، سوماداعى قازا بولعانداردىڭ سانى كەشە جەرگىلىكتى ۋاقىت 22.00-گە دەيىن 274  بولدى. قايعىلى وقيعاعا بايلانىستى تۇركيا بيلىگى ءۇش كۇن «قارالى كۇن» دەپ جاريالادى. اپات سەيسەنبى كۇنى كەشكە قاراي ەگەي تەڭىزى ايماعىنداعى سومادا بولدى. ەلەكتر جەلىلەرىنەن شىققان ورتتەن 787 ادام جۇمىس ىستەپ جاتقان شاحتادا جارىلىس بولعان. اپات كەزىندە 280-گە جۋىق ادام وزدەرى جەر بەتىنە شىققان. قازىرگە دەيىن 450 ادامنىڭ قۇتقارىلعاندىعى جاريالانۋدا. بۇل تۇركيا تاريحىنداعى ەڭ ءىرى وندىرىستىك اپات بولىپ وتىر. بۇدان بۇرىن 1992 جىلى 3 ناۋرىزدا 263 جۇمىسشىنىڭ ولىمىنە سەبەپ بولعان اپات تىركەلگەن ەدى. 1941 جىلدان بەرى اتالعان ەلدە وندىرىستىك اپات سالدارىنان 3000-داي كىسى ءولىم قۇشقان.

تۇركيا بيلىگىنە ءار ەلدەن كوڭىل ايتۋ حاتتارى كەلىپ ءتۇسىپ جاتىر. بيلىك قازا بولعاندار مەن جارالىلاردىڭ تۋعان-تۋىستارىنا بارىنشا كومەك كورسەتۋدە. قۇتقارۋشىلار اپات سالدارىمەن  جەدەل كۇرەسۋدە. ەلدىڭ ءار وڭىرىندە كومەك بەرۋ اكتسيالارى ءوتىپ جاتىر.

اباي-اقپارات