رەسەي ءوزىنىڭ 31974 توننا ۋلايتىن سوعىس جاراقتارىن جويعان. زالالسىزداندىرىلعان زاتتار رەسەيدىڭ 80% زاپاستاعى حيميالىق قارۋى بولىپ سانالادى. وسىنشالىقتى حيميالىق قارۋ رەسەيگە سسسر كەزىنەن قالعان. بۇل تۋرالى يتار-تاسس حابارلادى. رەسەيدىڭ قاۋىپسىزدىك ساقتاۋ جانە حيميالىق قارۋدى جويۋ فەدەرالدى باسقارماسىنىڭ باستىعى ۆالەري كاپاشين: «بۇل ءبىزدىڭ مەملەكەتىمىزدىڭ حالىقارالىق قاۋىپسىزدىك كونۆەنتسيا تالاپتارىن ورىنداۋى، حيميالىق قارۋ XX عاسىردىڭ ەڭ ۇلكەن سوعىسىنىڭ 69 جىلدىعىندا جويىلدى»، - دەپ اتاپ كورسەتكەن.

ونىڭ سوزىنشە تاياۋ ۋاقىتتا رەسەيدىڭ باسقا دا حيميالىق قارۋ ساقتالعان بازالارى جويىلاتىن بولادى.  رەسەيدە بۇعان دەيىن دە حيميالىق قارۋدى زالالسىزداندىرۋ ارەكەتتەرى وتكەن. ايتا كەتەتىن بولساق 2003 جىلى ساراتوۆ وبلىسىنداعى گورنىي پوسەلكاسىندا 400 توننا (1%) يپريت جويىلعان. 2007  جىلى بىرنەشە وبلىستا جيىنى 8 توننا (20%) ۋلاۋشى قارۋلاردىڭ كوزى جويىلعان. 2009 جىلى قاراشا ايىندا دا 45% - عا جۋىق حيميالىق وق دارىلەر ءبىر جاقتى ەتىلگەن. ەندى "كيزنەر", "مارادىكوۆسكي", "لەونيدوۆكا" (پەنزەنسكايا وبل.), "پوچەپ" (بريانسكايا وبلاست) جانە  "ششۋچە" سياقتى بازالاردا  كوزى جويىلۋى ءتيىس حيميالىق قارۋلار قالىپ وتىر.

اباي-اقپارات