7 مامىر وتان قورعاۋشىلار كۇنى قارساىڭىندا وسكەمەن قالاسىندا كورنەكتى قازاق قولباسشىسى قابانباي باتىرعا ەسكەرتكىش ورناتىلدى  دەپ حابارلايدى Baq.kz.  داڭقتى باتىردىڭ ەسكەرتكىشىنىڭ اشىلۋىنا قر مادەنيەت مينيسترلىگىنىڭ وكىلدەرىمەن قاتار نەسىپبەك ايتۇلى، سەكەن تۇرىسبەكوۆ، ۇلىقبەك ەسداۋلەت ءتارىزدى قوعام قايراتكەرلەرى قاتىسقان. بيىكتىگى 6 مەتر بولاتىن قولادان قۇيىلعان ەسكەرتكىشكە 105 ملن تەڭگە كولەمىندە قاراجات جۇمسالعان. قاراكەرەي قابانباي، دارابوز (XVII ع. سوڭى – XVIII ع. ورتا شەنى) - قازاق تاريحىندا ايتۋلى ورنى بار باتىر. ازان شاقىرىپ قويعان اتى – ەراسىل(جازۋشى مۇحاتار ماعاۋين قابانبايدىڭ اتى ءىزباسار دەگەن دەرەك كەلتىرەدى.).

XVIII عاسىردا جوڭعار باسقىنشىلارىنا قارسى كۇرەستىڭ بەل ورتاسىندا جۇرگەن قولباسشىلاردىڭ ءبىرى. حالىق اراسىندا ونى قاراكەرەي قابانباي دەپ اتاعان.
1717 جىلى اياگوز شايقاسىندا ەرەكشە كوزگە ءتۇسىپ، قابانباي باتىر اتانادى. 1723 جىلى تۇركىستان قورعانىسىنا، 1726 جىلى بۇلانتى شايقاسىنا، 1730 جىلى اڭىرقاراي-الاكول شايقاسىنا، كەيىن شىڭعىستاۋ، ەرتىس بويىنداعى شايقاستارعا قاتىسىپ، ابىلاي حاننىڭ باس باتىرلارىنىڭ بىرىنە اينالادى.
1741 جىلى شىڭعىستاۋداعى شاعان شايقاسىندا اقبوز اتپەن توپ جارىپ، جاۋعا شاپقانى ءۇشىن دارابوز اتانادى.
1751 جىلى ارقادان وڭتۇستىك قازاقستانعا – حانبابا (باراق سۇلتاننىڭ ۇلكەن ۇلى) جورىعى جاسالادى. ۇلى ءجۇز جاساعىن وزىنە قوسىپ العان 2 تۇمەن قازاق اسكەرى، سىر بويى، شىمكەنت، سايرام، تاشكەنت قالالارىن جوڭعارلاردان تازارتىپ، تاشكەنتتە تولە ءبيدىڭ بيلىككە كەلۋىنە كومەكتەستى. شىرشىق وڭىرىندە جوڭعارياعا ايدالىپ بارا جاتقان بىرنەشە مىڭ قاراقالپاقتى قۇتقارىپ قالادى.
باتىردىڭ جارى گاۋھار دا ايتۋلى باتىر بولعان.

اباي-اقپارات