قازاقپاراتتىڭ حابارلاۋىنا ساي  -  بۇگىن الماتىدا جەڭىس كۇنىنە وراي بۇقارالىق ۆەلوسيپەد جارىسى ءوتتى.  جارىسقا قانشا ادامنىڭ قاتىسىپ جاتقان ۆەلوسيپەدشىلەردىڭ ۇزىن-ىرعاسى 500 مەترگە جەتكەن. «ۋنيۆەرسيادا-2017»  مەملەكەتتىك قورىنىڭ ماركەتينگ بويىنشا باس مامانى  ديدار  ساعاديەۆ جارىس تۋرالى: «بۇگىن ءبىزدىڭ كەزەكتى ۆەلوجارىسىمىز ءوتىپ جاتىر. ول جەڭىس كۇنىنە ارنالعان. بۇل جارىسقا نەگىزىنەن قالاداعى ءۇش  جوعارى وقۋ ورىندارىنىڭ، ناقتىراق  ايتار بولساق: قازاق  ۇلتتىق تەحنيكالىق ۋنيۆەرسيتەتى، ءال-فارابي اتىنداعى قازاق ۇلتتىق ۋنيۆەرسيتەتى جانە قۇرمانعازى اتىنداعى مەملەكەتتىك كونسەرۆاتوريانىڭ ستۋدەنتتەرى قاتىسۋدا. سونىمەن قاتار بۇگىن الماتى قالاسىنىڭ اكىمى احمەتجان ەسىموۆ تە جارىس جولىندا» - دەپ مالىمدەگەن. ۆەلوسيپەدشىلەر جارىسى ءال-فارابي داڭعىلى مەن تاتتىمبەت كوشەسىنىڭ قيىلىسىندا باستالدى. مارە سىزىعى - قر تۇڭعىش پرەزيدەنتى اتىنداعى ساياباق. ايتا كەتەتىن بولساق قالا اكىمى ەسىموۆتىڭ كورتەجىنەن ءتۇسىپ، ۆەلوسيپەد  مىنگەنى العاش رەت ەمەس.

اباي-اقپارات