الماتى وبلىسىنا قاراستى اقسۋ اۋدانىندا «تۋىڭدى تۋعان جەرىڭە تىك» اتتى اكتسيا باستالدى.     

اكتسيانىڭ نەگىزگى ماقساتى – اۋداننىڭ ەكونوميكاسىن، حالىقتىڭ الەۋمەتتىك جاعدايى مەن مادەنيەتىن كوتەرۋ باعىتىندا اۋدانعا  ينۆەستيتسيالار تارتۋ كولەمىن بارىنشا جەدەلدەتۋ جانە مولايتۋ، وسى جۇمىسقا  اۋدان  اۋماعىنداعى  بەلدى  كاسىپكەرلەر مەن اۋداننان شىققان ەلگە تانىمال  ىسكەر ازاماتتاردى، ءىرى بيزنەس قۇرىلىمدارى باسشىلارىن كەڭىنەن تارتۋ، ازاماتتاردىڭ بويىندا قازاقستاندىق وتانسۇيگىشتىكتى، ەلجاندىلىقتى، وزدەرى تۋىپ-وسكەن اتاجۇرتى الدىنداعى ازاماتتىق بورىشتارىن وتەۋ سەزىمىن قالىپتاستىرۋ بولىپ تابىلادى.

اكتسيانى» وتكىزۋگە بايلانىستى اتقارىلۋى ءتيىس دايىندىق جانە ۇيىمداستىرۋشىلىق شارالارى  بەلگىلەندى. قازىرگى ۋاقىتتا وسى باعىتتاعى جۇمىستار باستالىپ، اتقارىلۋدا.

 «اكتسيانىڭ»  باستى باعىتتارى:

1.           اۋىل شارۋاشىلىعى سالاسىندا  ينتەنسيۆتىك جانە وزىق  تەحنولوگيالاردى كەڭىنەن  ەنگىزۋ  ارقىلى  ەگىن  جانە مال شارۋاشىلىعىن، تاعى باسقا دا تىڭ سالالاردى  (قۇس، بالىق،....)  بارىنشا  دامىتۋ،  وڭدەۋ ورىندارىن اشۋ;

2.         اۋدان اۋماعىندا ونەركاسىپ پەن ءوندىرىستىڭ جاڭا ورىندارىن اشۋ. شاعىن جانە ورتا كاسىپكەرلىكتىڭ جاڭا باعىتتارى مەن تۇرلەرىن كەڭىنەن ەنگىزۋ، سول ارقىلى ونىڭ اۋدان ەكونوميكاسىنداعى ۇلەستىك كولەمىن ارتتىرۋ;

3.         اۋداندا «جاسىل ەكونوميكانى» - ەكولوگيالىق تازا، قۇنى ارزان ەنەرگيا كوزدەرىن (سۋ، جەل، كۇن ەنەرگياسىن وندىرەتىن  جانە پايدالاناتىن  قۇرىلىستار سالۋ، قوندىرعىلار ورناتۋ،....)  كەڭىنەن ەنگىزۋ ;

4.         اۋدان حالقىن باسپانامەن قامتاماسىز ەتۋ ماقساتىندا تۇرعىن ۇيلەر  (ارەندالىق، نەسيەلىك، ساتۋ جولدارىمەن جۇزەگە اسىرىلاتىن)  قۇرىلىستار جۇرگىزۋ;

5.         اۋداننىڭ ەلدى مەكەندەرىن قاجەتتى ينفراقۇرىلىمدارمەن،   كوممۋنالدىق-شارۋاشىلىق   جانە تۇرمىستىق قىزمەت كورسەتۋ نىساندارىمەن تولىق قامتاماسىز ەتۋ، ولاردىڭ سىرتقى كەلبەتىن جاقسارتۋ باعىتىنداعى  كوركەيتۋ،  اباتتاندىرۋ جۇمىستارىن  قارقىندى  جۇرگىزۋ;

6.         اۋداننىڭ  ءبىلىم، دەنساۋلىق ساقتاۋ، مادەنيەت-ونەر، سپورت جانە باسقا دا الەۋمەتتىك سالالارى نىساندارىنىڭ ماتەريالدىق-تەحنيكالىق بازالارىن ۋاقىتتىڭ وسكەلەڭ تالاپتارىنا ساي نىعايتۋ، جۇمىس جۇرگىزۋدىڭ وزىق، جاڭا ينوۆاتسيالىق ادىستەرى  مەن  شىعارماشىلىق  باعىتتارىن  بارىنشا  ەنگىزۋ بولىپ تابىلادى.

ىزگىلىكتى  ىسكە ساتتىلىك تىلەيىك!

ادىلبەك دالباعاەۆ، اقسۋ اۋدانىنىڭ اكىمى                   

سەرىكبەك سەرپەرباەۆ، اۋداندىق ءماسليحات حاتشىسى

P.S. اقسۋ-قاپالدان مويىنى وزىپ شىققان ازاماتتار، عالىمدار، بيزنەس وكىلدەرى، مەملەكەت جانە قوعام قايراتكەرلەرى مىنا ۇندەۋدەن قالىس قالمايدى دەگەن ويدامىز. بايتاق قازاق دالاسىنىڭ بار اۋىل-ايماعى ءوسىپ-وركەندەپ، شات-شادىمەن تۇرمىس كەشۋىنە ءبارىمىز بەك مۇددەلىمىز. سول ءۇشىن دە ءار ازامات يگىلىكتەردىڭ باستاۋىن ءوزىنىڭ تۋعان-وسكەن جەرىنە جاساسا، ونىڭ ەش ايىبى جوق شىعار. ءىلياس داڭقىن اسىرعان اعىندى اقسۋدىڭ ازاماتتارى، اكتسيادان قالىس قالماڭىزدار!

Abai.kz