تاعى قانشا ءدۇبارا بۋىن تاربيەلەۋىمىز كەرەك؟!
ايدوس جۇقانۇلى:
«اباي جولىندا» اكە مەن بالانىڭ ەكەۋارا اڭگىمەسى بار ەدى عوي.
قۇنانباي ايتادى: سەن جايداق سۋ سەكىلدىسىڭ، كىم كورىنگەن كەلىپ لايلاپ كەتەدى. يت تە، قۇس تا شومىلادى.
اباي ايتادى: قۇدىقتىڭ شىڭىراۋ تۇبىندەگى ەشكىمنىڭ قولى جەتپەيتىن سۋى بولعانشا، جۇرت كەلىپ، ءشولىن قاندىراتىن جايداق سۋ بولعانىم ارتىق.
/ 5-كلاستا وقىعاندىقتان ۇمىتىڭقىراپ قالىپپىن، ناقتى ءدال وسىلاي جازىلماسا دا، ديالوگ شامامەن سولاي ەدى/.
تاريح عىلىمىنىڭ دوكتورى، پروفەسسور "اعالارىمىز" شەنەۋنىكتەرگە "ميرزوياننىڭ اتىن وشىرىڭدەر" دەي المادى.
قۇدىق تۇبىندە بورسىپ جاتقان قايران عىلىم...
"بۋىن اۋىسۋ كەرەك، ۋاقىتى كەلەدى" دەپ قويادى وزدەرى.
20 جاستا ۇيلەنگەن جىگىتتىڭ ۇشتەگى ۇلى بار. تاعى قانشا ءدۇبارا بۋىن تاربيەلەۋىمىز كەرەك؟!
"ۇلتىنا، جۇرتىنا قىزمەت ەتۋ – بىلىمنەن ەمەس، مىنەزدەن" دەپتى ءاليحان بوكەيحان. وزدەرىڭىزدە ءبىلىم بولعانىمەن مىنەز جوق. ال مىنەزدى ءھام جىگەرلى جىگىتتەردىڭ مەسەلىن قايتارعىلارىڭىز كەلەدى. كەيبىر ليبەرال جاستار راديكالعا اينالسا، نە بەتىمىزدى ايتامىز؟
ء"بىز جاستارعا سەنەمىز" دەمەڭىزدەرشى. سىزدەرگە دە سەنگەن عوي ارىستارىمىز.
قالالىق ىشكى ساياسات دەپارتامەنتىنىڭ الدىندا ءبىزدى جىعىپ بەرگىلەرىڭىز كەلگەن سىزدەر، اكىم كەلسە، "مىرزاجاننىڭ جاتقان جەرى جايلى بولسىن" دەۋدەن تايىنباسسىزدار. ال پرەزيدەنتتىڭ الدىندا مۇلدەم كەكەشتەنىپ قالارسىزدار.
گاپ مىنادا عوي جىگىتتەر. ءسىز بەن ءبىز ءۇشىن قۇربان بولعان ارىستارىمىزدىڭ ۇرپاعى ەمەس، ولاردىڭ سىرتىنان ارىز جازعان ساتقىندار مەن اتقان جەندەتتەردىڭ ۇرپاعى كوبەيىپ كەتكەن ەلىمىزدە. تۇقىمى قۇرىعىرلار.
P.S. كەيبىر سايتتار مەن گازەتتەر "ميرزوياننىڭ ماسەلەسىن" وقتىن-وقتىن كوتەرىپ جاتىر. دۇركىن-دۇركىن كوتەرىلۋى ءتيىس.
ۇلتشىل جىگىتتەردىڭ دالەلدى سوزىنە عالىمداردىڭ قاراعايداي ءمۇيىزىن شايقاپ، شەنەۋنىكتەردىڭ جىمىسقى كۇلكىسى بايقالعان "عىلىم ورداسىنداعى" سول كۇن ەسىمە تۇسسە بولدى ميىما قان شابادى.
