سارسەنبى, 1 ءساۋىر 2020
46 - ءسوز 3553 0 پىكىر 1 ءساۋىر, 2014 ساعات 15:37

دينا تولەكوۆا. ءپۋتيننىڭ ادىمى قورقىنىشتى...

بىرنەشە دۇركىن توڭكەرىس اقىرى ۋكرايندىقتارىڭ تۇبىنە جەتتى. قازىر ەل ەكونوميكاسى مەن الەۋمەتتىك احۋال كۇرت تومەندەدى. ساياسي جاعداي ءالى دە ۋشىعىپ تۇر. ەڭ باستى جەڭىلىسى - قىرىمنان ايىرىلدى. ءدال قازىر قايىرشى كۇيگە تۇسكەن ەلدىڭ وزگەلەرگە "قول جايىپ" وتىرعان جايى بار.

اۋ، كۇنى كەشە عانا رەسەيدى "قۇرتام-جويام" دەگەن باتىسىڭ قايدا؟ اقش بىرنەشە سانكتسيامەن شەكتەلدى دە قويدى. وعان رەسەيدىڭ قىلى قيسايمادى. گەرمانيا ماسكەۋمەن بايلانىسىن بۇزعىسى جوق. فرانتسيا دا مىڭگىرلەپ "جابۋلى قازاندى جابۋلى كۇيىندە" قويا سالدى. ءوز قامدارىنا كەلگەندە، ولاردىڭ ءبارى ارام، شىق بەرمەس شىعايباي، ەسەبىنە تۇگەل. ساتقىسى كەلسە ساتىپ جىبەرەدى دە، سوسىن مىڭقيىپ تۇك بىلمەگەنسىپ وتىرا بەرەدى. "دجي-8-گە قوسپايمىز" دەپ داۋرىعىپ ەدى، ونىسىنان دا تۇك شىقپادى...

بۇكىل الەمنىڭ كوزىن باقىرايتىپ قويىپ، ۋكرايندىقتاردىڭ بۇيىرىنەن قىرىمدى سۋىرىپ العاندا، ورىستارعا كىم نە دەي الدى؟! اراشا تۇسكەندەر بار ما؟ الەمدىك قىزۋ دەباتتان، ايىپتاۋلاردان وزگەرگەن دانەڭە بار ما؟ جوق. ەكى ورتادا ارانداپ، سورلاپ قالعان ۋكرايندىقتاردىڭ بۇگىنگى جايى ءتىپتى ادام ايارلىق.

قولى قانعا بويالعان ءپۋتيننىڭ ادىمى قورقىنىشتى. باتىسىڭ ءوز مۇددەسىنە كەلگەندە، جىمىسقى... وسىندايدا قارا شالدىڭ مىنا ءسوزى ەرىكسىز تىلگە ورالادى: "سەنبە جۇرتقا، تۇرسا دا قانشا ماقتاپ، اۋرە ەتەدى ىشىنە قۋلىق ساقتاپ. وزىڭە سەن، ءوزىڭدى الىپ شىعار، ەڭبەگىڭ مەن اقىلىڭ ەكى جاقتاپ".... ادىلەت ايتۋ بىزدەن، تورەلىك كوپتىڭ قاقى!

facebook.com

0 پىكىر