قىرعىزستان پرەزيدەنتى ەل ۇكىمەتىن وتستاۆكاعا جىبەرۋ تۋرالى جارلىققا قول قويدى
«المازبەك اتامباەۆ ۇكىمەتتى وتستاۆكاعا جىبەرۋ تۋرالى جارلىققا قول قويدى. وسى جارلىققا سايكەس قازىرگى مينيسترلەر كابينەتى ءوز قىزمەتىن جاڭا ۇكىمەت قۇرىلعانعا دەيىن اتقاراتىن بولادى»، – دەلىنگەن قىرعىزستان پرەزيدەنتى ءباسپاسوز قىزمەتىنىڭ مالىمدەمەسىندە.
18 ناۋرىزدا قىرعىزستان پارلامەنتىندەگى كوپشىلىك كواليتسياسى ءوز جۇمىسىن توقتاتتى. وعان «اتا-مەكەن» سوتسياليستىك پارتياسىنىڭ پارلامەنتتەن شىعۋى سەبەپ بولدى. ولار بۇل ارەكەتىن پرەمەر-مينيستر جانتورو ساتىبالديەۆكە سەنىمسىزدىك تانىتاتىندارىمەن ءتۇسىندىردى.
ايدار ورىسباەۆ.
دەرەككوز: Ria.ru
