RATEL.KZ: «ەتو ەست ناش پوسلەدني ي رەشيتەلنىي توي» - (بۇل ءبىزدىڭ سوڭعى ءارى شەشۋشى تويىمىز). تەمىرلان تولەگەنوۆ ءوز ماتەريالىندا مادەنيەت سالاسىنداعى جالپى بۇگىنگى كەسكىن-كەلبەتىنە توقتالا كەلىپ: «ءبىز دە ءتىپتى شوۋ بيزنەس تە جوق. شىعارماشىلىق سالاداعى ادامدار توي بيزنەس جانە مەملەكەتتىك تاپسىرىسپەن كۇن كورىپ وتىر» دەيدى. اۆتور ءتىپتى توي اتاۋلىنىڭ تويحانالاردى قويىپ، وتاندىق تەلەارنالاردىڭ نەگىزگى كونتەنتىنە اينالعانىن جازادى. «تەلەكونتەنتتى توي بيزنەس باسقانى سونشا كورەرمەن تالانتتى جۇلدىزداردى ەفيردەن كورۋدەن، ەستۋدەن قالدى». بۇل ماسەلەگە اۆتور تەلەارنا مەنەدجەرلەرىنىڭ ساۋاتتى ءارى مادەني كونتەنت جاساۋدى قويىپ، كاسىپكەرلىكپەن اينالىسىپ، پايداعا تابۋدى عانا باستى ماقسات ەتىپ قويعاندىعى سەبەپ بولىپ وتىرعانىن ايتادى. ماتەريالدا كينو سالاسى دا ءسوز بولادى. تەمىرلان تولەگەنوۆ ءوز ويىن قورىتا كەلىپ، مادەنيەت سالاسىنداعى قاتىناستاردى رەتتەۋ ءۇشىن ارنايى زاڭ كەرەك ەكەنىن، ويتكەنى، «مەملەكەتتىڭ ۇلتتىق يدەولوگياسىنىڭ نەگىزى مادەنيەت» دەپ جازادى.

MATRITCA.KZ: «نا سكولكو پودوروجالي پرودۋكتى ۆ كازاحستانە پوسلە دەۆالۆاتسي» - (قازاقستاندا دەۆالۆاتسيادان كەيىن ازىق-تۇلىك باعاسى قانشا ءوستى؟). ماتەريالدا وتكەن جىلدىڭ شىلدە ايىمەن سالىستىرعاندا بيىلعى شىلدە ايىنداعى ازىق-تۇلىك باعاسى 15,9% قىمباتتاعانى جازىلادى. سايتتىڭ ستاتيستيكالىق كوميتەتتىڭ اقپاراتىنا سۇيەنە وتىرىپ حابارلاۋىنشا، نان — 27,1%، ماي —  28,6%، ءسۇت ونىمدەرى — نا 8,3%، ۇن — 12,4%، قانت  - 65,4% وسكەن.

TOTAL.KZ: «ماشكەۆيچ وپاساەتسيا زا بۋدۋششەە ۋگلەدوبىچي» - (ماشكەۆيچ كومىر ءوندىرىسىنىڭ بولاشاعىنا الاڭدايدى). ماسەلە ۇكىمەتتىڭ 7 تامىزدان باستاپ، ديزەل وتىنى باعاسىن مەملەكەتتىك رەتتەۋدەن باس تارتىپ، ەركىن نارىققا جىبەرىپ، بوساتۋىندا بولىپ تۇر. وسىعان الاڭداعان ماشكەۆيچ: «بۇل تەمىرجول تاسىمالى مەن تاۋ-كەن سالاسى ونىمدەرى باعاسىنىڭ وسۋىنە الىپ كەلەدى. سوعان تىكەلەي اسەر ەتەدى». سونداي-اۇ، ماشكەۆيچ ديزە وتىنىنىڭ وتاندىق وندىرۋشىلەر تاراپىنان جەتكىلىكتى مولشەردە جەتكىزىلمەي وتىرعانىن ايتىپ، جاعداي وسىلاي جالعاسا بەرسە، جۇمىستى توقتاتۋعا ءماجبۇر بولاتىنىن ايتقان.

NEWSKAZ.RU: «ناسيلنو زامۋج؟ پراۆوزاششيتنيكي پروتيۆ تراديتسي ۆوروۆستۆا نەۆەست» - «كۇشپەن كۇيەۋگە بەرۋ ؟ قۇقىق قورعاۋشىلار قىز الىپ قاشۋ داستۇرىنە قارسى». «قازىرگى كەزدە قىز الىپ قاشۋ قىلمىس بولىپ ەسەپتەلگەنمەن، كۇشپەن الىپ قاشۋ نەمەسە ەكى جاقتىڭ كەلىسىمى بويىنشا الىپ قاشۋ ءداستۇرى ءالى كۇنگە توقتاماي كەلەدى». ماتەريالدا قىز الىپ قاشۋ ماسەلەسىنە قازاقستانىڭ قۇقىق قورعاۋشىلار ۇيىمى وكىلدەرى قارسى ەكەنى جازىلادى. قۇقىق قورعاۋشىلار مۇنداي ءداستۇردى 21 عاسىردا مۇلدەم جويۋ كەرەك دەيدى. پىكىر ايتقان قۇقىق قورعاۋشىلاردىڭ ءبىرى  «مەن ءۇشىن بۇل نەگە ەكەنى بەلگىسىز 21 عاسىرعا ءوتىپ كەتكەن جابايىلىق» دەسە، ەندى ءبىرى «ءوز قالاۋىنان تىس بىرەۋدى كۇشتەپ كۇيەۋگە بەرۋ، ادام قۇقىن بۇزۋ» ەكەنىن ايتقان.

شولۋ جاساعان – نۇرا ماتاي

Abai.kz