بۇگىن وبلىستىق ىشكى ساياسات باسقارماسىنىڭ ۇيىمداستىرۋىمەن وتكەن «وتانسۇيگىشتىك مەملەكەتتىك رامىزدەردى قۇرمەتتەۋدەن باستالادى» تاقىرىبىندا قازاقستان رەسپۋبليكاسىنىڭ مەملەكەتتىك رامىزدەرى تۋرالى بۇقارالىق اقپارات قۇرالدارىنداعى ۇزدىك جاريالانىمدار كونكۋرسىنىڭ قورىتىندىسى شىعارىلدى.

اتالعان كونكۋرسقا 2014 جىلعى 11 ماۋسىم مەن 21 تامىز كۇندەرى ارالىعىندا  20 اۆتوردىڭ  37   ماقالالار مەن سيۋجەتتەرى ۇسىنىلدى. «ۇزدىك اۆتور» نوميناتسياسى بويىنشا 20 اۆتور تاراپىنان   32 ماقالا جانە «ۇزدىك تەلەجۋرناليست» نوميناتسياسى بويىنشا 3 تەلەجۋرناليست تاراپىنان دايىندالعان 5 بەينەماتەريال قۇجاتتارى قابىلداندى. مەملەكەتتىك رامىزدەردى قۇرمەتتەۋگە ارنالعان ۇزدىك ماتەريالدار انىقتالىپ، كونكۋرستىڭ قورىتىندىسى بويىنشا ماراپاتتالىپ وتىر.  بايقاۋدىڭ جەڭىمپازدارىن وبلىستىق ىشكى ساياسات باسقاراماسىنىڭ باسشىسى بەرىك ءۋالي  ارنايى ديپلومدار مەن باعالى سىيلىقتارمەن ماراپاتتادى.

«بىرىنشىدەن، بارلىقتارىڭىزدى قر كونستيتۋتسياسى كۇنىمەن قۇتتىقتايمىن! بۇگىن وبلىستىق ىشكى ساياسات باسقارماسى «وتانسۇيگىشتىك مەملەكەتتىك رامىزدەردى قۇرمەتتەۋدەن باستالادى» تاقىرىبىندا وتكەن بايقاۋىمىزدى قورىتىندىلاپ وتىر. بايقاۋعا تۇسكەن ماتەريالداردىڭ بارلىعىن قارادىق. ارنايى قۇرىلعان كوميسسيا ۇزدىك ماقالالار مەن سيۋجەتتەردى انىقتادى.  مەملەكەتتىك رامىزدەردى قۇرمەتتەپ، قاستەرلەۋ، ناسيحاتتاۋ تەك جۋرناليستەردىڭ مىندەتى عانا ەمەس. مەملەكەتىمىزىدىڭ ءاربىر ازاماتىنىڭ مىندەتى مەن پارىزى. سوندىقتان ەڭبەكتەرىڭىزدى ۇسىنىپ، بايقاۋعا بەلسەندى قاتىسقاندارىڭىز ءۇشىن العىسىمدى بىلدىرەمىن.  بارلىقتارىڭىزدى بايقاۋدىڭ قورىتىندىسى بويىنشا جۇلدەگەر اتانۋلارىڭىزبەن قۇتتىقتايمىن. مەملەكەتتىك رامىزدەردى ناسيحاتتاۋ باعىتىندا اتقارىپ جاتقان جۇمىستارىڭىز جەمىستى بولا بەرسىن» - دەدى، وبلىستىق  ىشكى ساياسات باسقاراماسىنىڭ باسشىسى بەرىك ءۋالي.

«ۇزدىك اۆتور» نوميناتسياسى

I – دارەجەلى ديپلوم «دوڭگەلەنگەن دۇنيە» گازەتىنىڭ ءبولىم مەڭگەرۋشىسى ءشىنادىلوۆا نۇريلا

II – دارەجەلى ديپلوم «يۋجنىي كازاحستان» گازەتىنىڭ ءتىلشىسى ءابدىجاپپاروۆا سالتانات نۇرداۋلەتقىزى

II – دارەجەلى ديپلوم تاۋەلسىز جۋرناليست  نۇرماحانبەت دىلداگۇل بيبولاتقىزى

III – دارەجەلى ديپلوم «قازاقستان جولى» گازەتىنىڭ جاۋاپتى حاتشىسى اقتورە يبراگيمۇلى

III – دارەجەلى ديپلوم م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ 3-كۋرس ستۋدەنتى ۇسەنقۇلوۆا قارلىعاش

III – دارەجەلى ديپلوم «شامشىراق» گازەتىنىڭ ءتىلشىسى سۇندەتوۆا ايگۇل جاندىلداقىزى

«ۇزدىك تەلەجۋرناليست» نوميناتسياسى

I – دارەجەلى ديپلوم «ايعاق» تەلەارناسىنىڭ ءتىلشىسى مادىبەك بوتاگوز قاناتقىزى

II – دارەجەلى ديپلوم «وتىرار» تەلەارناسىنىڭ جاڭالىقتار ءبولىمىنىڭ ءتىلشىسى بەكەەۆا ءمولدىر باۋىرجانقىزى

ءIIى – دارەجەلى ديپلوم «قازاقستان-شىمكەنت» تەلەارناسىنىڭ  جاڭالىقتار ءبولىمىنىڭ رەداكتورى وڭلاسبەكوۆا گۇلميرا ساعاتقىزى