ەلباسىمىزدىڭ  بيىلعى جولداۋىندا مەملەكەتتىك ءتىلدىڭ جارقىن بولاشاعى ايقىن ايتىلعان. سول ءتىلىمىزدىڭ قوعامدىق ورىنداردا ارقيلى قولدانىلىپ جۇرگەنى جاسىرىن ەمەس. تومەندەگى كۇندەلىكتى ومىردەن العان مىسالىمىز سوعان  دالەل بولا الادى.

ماسەلەن، قاراعاندى قالاسىنداعى قالاىشىلىك قوعامدىق اۆتوبۋستاردىڭ كوپشىلىگىندە «مارشرۋتنوە تەلەۆيدەنيە» ارنايى  تەلەباعدارلاماسى ورناتىلعان. وندا ءتۇرلى كومەرتسيالىق ۇيىمداردىن جاراناما روليكتەرى مەن اراسىندا اراكىدىك شەتەلدىك اندەر مەن ورىس تىلىندەگى مۋلتفيلمدەر كورسەتىلىپ جاتادى. وسى تۇستا ءبىر اتتەگەن ايى جارناما قازاقشا جانە ورىسشا ارالاس بەرىلسە دە، بالالارعا ارنالعان  مۋلتفيلمدەر مەن اۋەندى بەينەكليپتەر ازداپ ساناۋلى عانا كورەرمەنگە جول تارتىپ جاتادى.  بۇل دەگەنىمىز زاڭعا قايشى دۇنيە. ويتكەنى قر اتا زاڭىنىڭ 7 بابىندا قازاق ءتىلى - مەملەكەتتىك ءتىل دەپ انىق جازىلعان. ەندەشە سول زاڭ تالابىن ورىنداي الماي جۇرگەن «مارشرۋتنوە تەلەۆيدەنيە»  باسشىلىعى ورىن العان كەمشىلىكتىن ورىنىن تولتىرىپ، قازاقشا اۋەندەر مەن مۋلتفيلمدەر اۆتوبۋستارداعى تەلەديداردان جولاۋشى قاۋىمعا كوپتەپ كورسەتىلسە دەگەن ۇسىنىسىمىزدى جولداعىمىز كەلەدى.

سوڭدا عانا ازاماتتار تاراپىنان مەملەكەتتىك تىلگە دەگەن ەرەكشە قۇرمەت پايدا بولادى!

 دارحان ۋاليەۆ،

 قازاقستان  جۋرناليستەر وداعىنىڭ  مۇشەسى.

قاراعاندى قالاسى.

Abai.kz