وليمپيادا چەمپيونى باقتيار ارتاەۆتان استاناداعى تۇنگى كلۋبترادىڭ بىرىندە «تاياق جەگەن» ايسۇلۋ يبراشوۆانىڭ بۇرىنعى كۇيەۋى اسەت قۇلماعانبەتوۆ  «16/12»  اقپاراتتىق تەلەارناسىنا سۇحبات بەردى. اتالعان اقپاراتتىق تەلەارنانىڭ جۋرناليستىنە بەرگەن سۇحباتىندا  ول ايسۇلۋدىڭ «جابىرلەنۋشى» ءرولىن جاقسى وينايتىندىعىن ايتىپتى.  «سوڭعى جىلدارى عانا ايسۇلۋدىڭ جەكە شوتىنا اليمەنت  رەتىندە 4 ملن تەڭگە  اۋداردىم، - دەيدى اسەت، - بىراق ول اقشانىڭ بالا ءۇشىن جۇمسالعانىنا كۇمانىم بار». بۇل ارادا اسەت ايتىپ وتىرعان قىز بالانىڭ  سوت شەشىمى ارقىلى ايسۇلۋدا كەتكەنىن ەسكەرتىپ قويعانىمىز ءجون شىعار.

اسەت پەن ايسۇلۋدىڭ اجىراسقاندارىنا 5 جىل بولىپتى. ەكەۋىنەن تۋعان قىز اناسىنىڭ قولىندا. وسى جايتتاردى ايتا كەلىپ اسەت قۇلماعانبەتوۆ ايسۇلۋ بالاعا مۇلدەم كوڭىل بولمەيدى دەدى. اسەتتىڭ سوزىنە قاراعاندا، «سامۇرىق-قازىنانىڭ» سەرىكتەس كومپانيالارىنىڭ بىرىندە قىزمەت ىستەيدى دەپ تانىلعان ايسۇلۋ  استاناداعى مودەلدىك اگەنتتىكتىڭ بىرىندە مودەلەرشا كورىنەدى.

ايسۇلۋ يبراشوۆا اقتوبە قالاسىندا تۋعان. قالاداعى №27 مەكتەپتى تامامداعان ول ق. جۇبانوۆ اتىنداعى امۋ-ءدى بىتىرگەن. ماماندىعى زاڭگەر.

Abai.kz