سەيسەنبى, 9 ناۋرىز 2021
جاڭالىقتار 2722 0 پىكىر 8 شىلدە, 2014 ساعات 12:05

ريددەردە جاپون جاۋىنگەرلەرىنىڭ زيراتى تابىلدى

شىعىس قازاقستاننىڭ ريددەر قالاسىندا جاپون جاۋىنگەرلەرىنىڭ مولاسى تابىلدى دەپ حابارلايدى «كتك» تەلەارناسى. قازىرگە ءمالىم بولعانداي مۇنداعى مايىتتەر سوعىس كەزىندە تۇتقىنعا الىنىپ، قازاقستاندا قارا جۇمىسقا جەگىلگەن جاپون ساربازدارىنىڭ ءمايىتى كورىنەدى.

تاريحي دەرەكتەرگە قاراعاندا، ريددەر ىرگەسىندەگى بۇل زيراتتا تۇتقىنعا تۇسكەن جۇزدەگەن اۆستريالىقتاردىڭ، چەحتار مەن نەمىستەردىڭ ءمايىتى جاتىر.جاپونيادان كەلگەن عالىمداردىڭ ايتۋىنشا، ەڭ الدىمەن مايىتتەر ارنايى ساراپتامادان ءوتىپ، جاپون ساربازدارى ەكەنى ناقتىلانادى. سودان سوڭ عانا قازاقستان تاراپىنا  مايىتتەردى جاپون ەلىنە الىپ كەتۋ تۋرالى ءوتىنىش جاسالىپ، ەلدەرىنە جەتكەن سوڭ اسكەريلەردى قايتا جەرلەمەك.

اباي-اقپارات

0 پىكىر