دۇيسەنبى, 1 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5404. قايتىس بولعاندار — 41
قوعام 5862 0 پىكىر 23 ماۋسىم, 2014 ساعات 16:54

بەرىك ءۋالي وقو ىشكى ساياسات باسقارماسىنىڭ باسشىسى بولىپ تاعايىندالدى

بەلگىلى جۋرناليست بەرىك ءۋالي وڭتۇستىك قازاقستان وبلىسى اكىمىنىڭ وكىمىمەن وبلىستىق ىشكى ساياسات باسقارماسىنىڭ باسشىسى بولىپ تاعايىندالدى.

بۇل تاعايىنداۋ-  وڭتۇستىك ايماقتىڭ ىشكى ساياساتىنىڭ جۇيەلەنىپ، تىڭ سەرپىنمەن دامۋىنا جانە وبلىستىڭ اقپاراتتىق-يدەولوگيالىق ماسەلەسىنىڭ تياناقتى ءارى ۇلتتىق-مەملەكەتتىك مۇددەمەن بايلانىستا ورلەي بەرەتىنىنىڭ انىق بەلگىسى. سەبەبى، وڭتۇستىك قازاقستان وبلىسى اكىمىنىڭ ءباسپاسوز قىزمەتىنىڭ جەتەكشىسى ءارى وبلىس اكىمى اپپاراتى باسشىسىنىڭ ورىنباسارى قىزمەتىنە كىرىسكەن ەكى جىلعا جۋىق ۋاقىت ىشىندە بەرىك ءۋاليۇلى  ايماقتىڭ اقپاراتتىق سالاسىن جاڭا دەڭگەيگە كوتەردى. وبلىستىق ءباسپاسوز قىزمەتىنىڭ قالاي جانە قانداي دارەجەدە جۇمىس ىستەۋى كەرەكتىگىنىڭ بۇرىن بولماعان دەڭگەيىن كورسەتتى. ەندىگى جەردە كەز كەلگەن وبلىستىڭ اقپاراتتىق جۇمىسى بەرىك ءۋاليۇلى سالعان شكالامەن ولشەنەتىنىن ەشكىم جوققا شىعارا المايدى. مۇنى ءبىر دەڭىز. ەكىنشىدەن، بەرىك ءۋاليدىڭ وڭتۇستىككە كەلۋى، اتالعان وڭىردەگى يدەولوگيالىق ماسەلەنىڭ مەملەكەتتىڭ نەگىزگى ۇلتتىق تىرەكتەرىمەن ۇشتاسۋىنا جول اشتى. ماسەلەن، ەلدەگى بارشا ايماق قاسيەتتى مەرەكە – تاۋەلسىزدىك كۇنىن كۇتپەستەن جاڭا جىلدىق شىرشا قۇرۋعا كىرىسكەندە وڭتۇستىك قازاقستان وبلىسىندا وبلىس اكىمىنىڭ ارنايى تاپسىرماسىمەن 17-ءنشى جەلتوقسانعا دەيىن جاڭا جىلدى جارنامالاۋعا پارمەن بەرىلدى. ايماق باسشىسىنا ۇسىنىس جاساپ، ونىڭ ورىندالۋىنا مۇرىندىق بولعان دا بەرىك ءۋالي. مۇنى از دەسەڭىز، ناۋرىز مەيرامى تەك وڭتۇستىكتە عانا  9 كۇن قاتارىنان تويلاندى. مىنە، وسىنداي ۇلتتىق يدەولوگيالىق جۇمىستاردىڭ باسى-قاسىندا جۇرگەن بەرىك ءۋاليۇلىنىڭ وڭتۇستىك قازاقستان وبلىسى ىشكى ساياسات باسقارماسىنىڭ باسشىسى بولىپ تاعايىندالۋى وڭتۇستىكتەگى مەملەكەتتىك قىزمەتتىڭ جاڭا ساپاعا، جاڭا دەڭگەيگە كوتەرىلگەندىگىنىڭ كورسەتكىشى. البەتتە، جاڭا ساپا، جاڭا دەڭگەي وڭتۇستىك ايماقتىڭ ىشكى ساياساتىن ىرىلەندىرىپ، ءار ءىسىن العا سۇيرەيتىنى انىق.

وڭتۇستىك قازاقستان وبلىسى ىشكى ساياسات باسقارماسىنىڭ باسشىسى - بەرىك ءۋاليدىڭ العاشقى مەملەكەتتىك قىزمەت باسپالدىعى.  بەرىك ءۋاليدىڭ رەسمي تۇردە قىزمەتكە كىرىسۋى مەملەكەتتىك قىزمەتكەر كۇنى مەرەكەسىنە تۇسپا-تۇس كەلىپ وتىر. بۇل دا جاقسىلىقتىڭ نىشانى.

Abai.kz اقپاراتتىق پورتالىنىڭ ۇجىمى اتىنان بەرىك ءۋاليدى وڭتۇستىك قازاقستان وبلىسى ىشكى ساياسات باسقارماسىنىڭ باسشىسى بولىپ تاعايىندالۋىمەن قۇتتىقتاي وتىرىپ، جۇمىسىنا ساتتىلىك تىلەيمىز!

Abai.kz

 

ءومىربايان

 

قۇرمانعالي بەرىك ءۋاليۇلى

قۇرمانعالي بەرىك ءۋاليۇلى 1977 جىلعى 4 قاڭتاردا شىعىس قازاقستان وبلىسى تارباعاتاي اۋدانى ويشىلىك اۋىلىندا دۇنيەگە كەلگەن. ۇلتى قازاق، ءبىلىمى جوعارى. 1997 جىلى ت.جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن كينوتانۋشى-رەداكتور ماماندىعى بويىنشا اياقتاعان، 2005 جىلى ءال-فارابي اتىنداعى قازاق ۇلتتىق ۋنيۆەرسيتەتىن جۋرناليستيكا ماگيسترى ماماندىعى بويىنشا بىتىرگەن.

         ەڭبەك جولىن 1997 جىلى «تاڭ» تەلەراديوكومپانياسىنىڭ «الماتى جاڭالىقتارى» اقپاراتتىق باعدارلاماسىنىڭ رەپورتەرى، شىعارۋشى رەداكتورى، «اپتا ايناسى» باعدارلاماسىنىڭ جۇرگىزۋشىسى قىزمەتتەرىنەن باستاعان. 1998-1999 جىلدارى نتك تەلەارناسىنىڭ «جاڭالىقتار» اقپاراتتىق باعدارلاماسىنىڭ رەداكتورى، شىعارۋشى رەداكتورى بولىپ قىزمەت ەتتى.

2000-2007 جىلدار ارالىعىندا «31 كانال» تەلەراديوكومپانياسىندا قىزمەت ەتىپ، «ينفورمبيۋرو» اقپاراتتىق باعدارلاماسى قازاق رەداكتسياسىنىڭ رەداكتورى، شىعارۋشى رەداكتورى، جۇرگىزۋشىسى، باس رەداكتورى بولدى، «ەركىن ءسوز» باعدارلاماسىنىڭ اۆتورى ءارى جۇرگىزۋشىسى بولىپ ەڭبەك ەتتى، «دودا» قوعامدىق-ساياسي توك-شوۋىنىڭ باس رەداكتورى، جۇرگىزۋشىسى قىزمەتتەرىن اتقاردى.

2007 جىلدان 2012 جىلعا دەيىن «حابار» اگەنتتىگى» اق-ى «بەتپە-بەت» باعدارلاماسىنىڭ جۇرگىزۋشىسى، «ۇكىمەت پەن الەۋمەت» باعدارلاماسىنىڭ اۆتورى ءارى جۇرگىزۋشىسى، «جاڭالىقتار» اقپاراتتىق باعدارلاماسىنىڭ جۇرگىزۋشىسى بولىپ ەڭبەك ەتتى.

ب.قۇرمانعالي سونىمەن قاتار «ۆۆس» بريتاندىق تەلەراديوكورپوراتسياسى قازاق قىزمەتىنىڭ شتاتتان تىس ءتىلشىسى قىزمەتىن اتقارىپ، اباي اتىنداعى الماتى مەملەكەتتىك پەداگوگيكالىق ۋنيۆەرسيتەتى مەن ت.جۇرگەنوۆ اتىنداعى ونەر اكادەميسياىندا حالىقارالىق جۋرناليستيكا ءپانى بويىنشا ۇستازدىق ەتتى. ال 2009-2012 جىلدار ارالىعىندا «نۇر وتان» حدپ جانىنداعى جەمقورلىققا قارسى كۇرەس مەديا-ورتالىعىنىڭ جەتەكشىسى قىزمەتىندە بولدى.

2012 جىلعى قىركۇيەك ايىنان باستاپ وقو اكىمى اپپاراتى باسشىسىنىڭ ورىنباسارى-ءباسپاسوز قىزمەتىنىڭ باسشىسى قىزمەتىن اتقارىپ كەلەدى.

جەمىستى ەڭبەگى ءۇشىن بەرىك ءۋاليۇلى مەملەكەتتىك «دارىن» جاستار سىيلىعىنىڭ لاۋرەاتى اتاندى. «قازاقستان رەسپۋبليكاسىنىڭ تاۋەلسىزىدىگىنە 20 جىل» مەرەكەلىك مەدالىمەن جانە قر پرەزيدەنتىنىڭ العىس حاتىمەن ماراپاتتالعان. شىعارماشىلىق جۇمىستاعى جەتىستىكتەرى دە وڭ باعالانىپ، «ەركىن ءسوز» باعدارلاماسى ءۇشىن قازاقستان جۋرناليستەر وداعى سىيلىعىنىڭ لاۋرەاتى (2003 ج.), «دودا» توك شوۋى ءۇشىن قازاقستان جۋرناليستەر اكادەمياسى تاعايىنداعان «التىن جۇلدىز» سىيلىعىنىڭ يەگەرى (2006 ج.) اتاندى، «وركەندەۋ، دەموكراتيا جانە ءسوز بوستاندىعى» ۇلتتىق كونكۋرسىندا يۋنەسكو-نىڭ (2004 ج.) جانە مارات بارمانقۇلوۆ اتىنداعى ح حالىقارالىق «شابىت» شىعارماشىل جاستار فەستيۆالىنىڭ (2007 ج.) ديپلومدارىمەن ماراپاتتالعان.  

0 پىكىر