مەملەكەتتىك تىلگە ميى، مەملەكەتتىك مۇددەگە ويى جەتپەيتىن مەملەكەتتىك قىزمەتكەرلەر مەملەكەتكە قاۋىپتى!

قازاقستان ۇكىمەتى مەن پارلامەنتىنە اشىق حات!

ء“وزىنىڭ انا ءتىلىن مەنسىنبەگەندەر ءوزىنىڭ ۇلتىن ءۇش رەت ولتىرگەندەر”
گەگەل

ءبىزدىڭ انا تىلىندە – مەملەكەتتىك تىلدە نان سۇراپ جەي المايتىن، ياعني ءبىر اۋىز ءسوز بىلمەيتىن قاپتاعان مەملەكەتتىك قىزمەتكەرلەردىڭ ءبىرى ەمەس… بىرەگەيى – قر سىرتقى ىستەر ءمينيسترى ەرلان ىدىرىسوۆ مەملەكەت باسشىسىنىڭ وزىنە، ەل الدىندا ايتقان سوزىنە قارسى شىقتى… بيىلعى 6 اقپاندا قر پرەزيدەنتى ن.نازارباەۆتىڭ اتىراۋ وبلىسىنا بارعاندا، حالىقپەن كەزدەسكەندەگى ايتقان: ء“بىزدىڭ ەلىمىزدىڭ اتاۋىندا ورتالىق ازيانىڭ باسقا دا ەلدەرىندەگى سياقتى “ستان” دەگەن جالعاۋ بار. سونىمەن ءبىر مەزگىلدە، شەتەلدىكتەر نەبارى ەكى ميلليوندى قۇرايتىن موڭعولياعا قىزىعۋشىلىق تانىتادى، بىراق ونىڭ اتاۋىندا “ستان” جالعاۋى جوق. ءسىرا، ەلىمىزدىڭ اتاۋىن ۋاقىت وتە كەلە “قازاق ەلى” دەپ وزگەرتۋ ماسەلەسىن قاراستىرۋ كەرەك شىعار، بىراق الدىمەن مىندەتتى تۇردە حالىقتىڭ تالقىسىنا سالعانى ءجون”-, دەگەن ەلباسىنىڭ ەل قۋاندىرعان باستاماسىنىڭ باسىنا سۋ قۇيا سالدى…
ناقتى ايتقاندا، قازاقستاننىڭ سىرتقى ىستەر ءمينيسترى ەرلان ىدىرىسوۆ فرانتسيالىق «La Vanguardia» باسىلىمىنا بەرگەن سۇحباتىندا قازاقستان «ستان» جۇرناعىنان باس تارتپايدى دەپ مالىمدەپ: «بۇل – باق-تىڭ قالجىڭى. ونى شىن دەپ قابىلداۋعا بولمايدى.قازاقستان – قازاقستان بولىپ قالادى»، دەپ ءبىر-اق كەسكەن.
سوندا بۇل قالاي بولعانى؟ مەيلى، جۋرناليستەردىڭ بۇل ماسەلەنى تالقىلاۋى ول ءۇشىن “قالجىڭ” بولا قويسىن، ال مەملەكەتتىك تىلدەن ماقۇرىم بولسا دا، ءوزىن ەكى رەت مينيستر ەتكەن ەلباسىمىزدىڭ ەل الدىنداعى ەلەۋلى ءسوزىن قالاي قالجىڭعا اينالدىرىپ، شەتەلدىك بەدەلدى باسىلىم جۋرناليستەرى الدىندا سويعان تۇلكىدەي ىرجالاڭداپ وتىرا بەرەدى؟
ال ەلباسى باستاماسىنا شىن قۋانىپ، جاپپاي تالقىلاۋعا كوشكەن ەلدىڭ تىلەگى بۇل مينيسترگە جاي “قالجىڭ” عانا ما؟
قالجىڭ بولا ما، مەيلى تىكەلەي اۋدارساق،  ايلا-قۋلىق دەسىن، («ەتو شتۋچكي سمي، يح نە نادو پرينيمات ۆسەرەز. كازاحستان وستانەتسيا كازاحستانوم، پريچەم گود وت گودا – ۆ بولشەي ستەپەني»), ءبارىبىر ءمينيستردىڭ حالىق قالاۋىن ويىنعا اينالدىرۋى ونىڭ اتقارىپ وتىرعان لاۋازىمىنا لايىقسىز، جاۋاپسىز جەڭىلتەكتىگى بولىپ سانالادى…

سوندا ءبىزدىڭ ەلدە كىم پرەزيدەنت؟ ەل اتاۋىنىڭ تاعدىرىن ەلباسى مەن ەل شەشە مە، الدە ءبارىن قالجىڭعا” اينالدىرا سالاتىن، مەملەكەتتىك ءتىلدى ميىن اۋىستىرماسا، ۇيرەنە المايتىنىن پارلامەنت الدىندا مويىنداعان مينيستر شەشە مە؟ (“مەملەكەتتىك تىلگە ميى جەتپەگەندەر قالاي مينيستر بولادى؟..” www.qazaquni.kz )

الەمگە ايگىلى نەمىس عالىمى گەگەل ء“وزىنىڭ انا ءتىلىن مەنسىنبەگەندەر ءوزىنىڭ ۇلتىن ءۇش رەت ولتىرگەندەر”- دەسە، قازاقتىڭ ۇلى جازۋشىسى، الاش ارىسى جۇسىپبەك ايماۋىتوۆ: “بالا ءوز انا تىلىندە تاربيەلەنبەسە، ءوز حالقىنا قىزمەت ەتە المايدى”-دەيدى. ءيا، ء“وز تىلىندە ويلاي المايتىندار – ءوز ەلىنە قاۋىپتى”-دەپ، شارشاماي-اق تالاي ايتىپ كەلەمىز. بۇلار دا شارشاماي-اق، ۇنەمى سونى دالەلدەپ كەلەدى…
   كەشە عانا قول قويعان ەۋرازيالىق ەكونوميكالىق وداقتان سوڭ “ۇلتىق مۇددەلەرىڭ، مەملەكەتتىك ءتىلىڭ جايىنا قالادى، “ماڭگىلىك ەل” ماڭگى ارمان بولىپ، “قازاق ەلىڭ” مازاق ەلىنە اينالادى”-دەگەن ەلدىڭ كۇدىگىن ەڭ الدىمەن شىندىققا اينالدىرۋدى باستاپ، ەزۋىن دە، ايىلىن دا جيماي وتىرعان ەرلان ىدىرىسوۆ كىمگە سەنىپ وتىر؟ بۇل سىرتقى ىستەر ءمينيسترىنىڭ سىرتقا سۇيەنىپ، اقورداعا كرەملدىڭ كوزىمەن قاراپ، پۋتينگە يەك ارتۋدىڭ باسى ەمەس پە؟!.
ءبىز ءبارىبىر ۇلتتىق مۇددەنى، مەملەكەتتىك ءتىلدى، ەلباسىمىز ايتقان “ستاندى” الىپ تاستاۋدى، “ماڭگىلىك ەل” يدەياسىن ماڭگى كۇرەسسەك تە، جەرىنە جەتكىزبەي قويمايمىز، ەرلان ىدىرىسوۆ مىرزا!
مۇنداي مەملەكەتتىك تىلدە ويلانا المايتىن، مەملەكەت مۇددەسىن “قالجىڭعا” اينالدىراتىن “مينيستر” مەملەكەتكە كەرەك پە؟
ۇلتتىق مۇددەمىزدى مازاققا اينالدىراتىن، مەملەكەتتىك تىلگە ميى دا جەتپەيتىن، مەملەكەتتىك مۇددەگە ويى دا جەتپەيتىن مەملەكەتتىك قىزمەتكەرلەردىڭ ءبارى دە مەملەكەتكە قاۋىپتى!
اسىرەسە، بۇنداي قاۋىپتىڭ ۇلتتىق مۇددەلەر مەن ەكونوميكامىز باسەكەگە تۇسەتىن ەۋرازيالىق ەكونوميكالىق وداققا كىرۋىمىزگە بايلانىستى ەسەلەپ ارتا تۇسەتىنى انىق.
سوندىقتان قوعامدىق ۇيىمدار مەن باق-تارداعى جانە الەۋمەتتىك جەلىلەردەگى ەل نارازىلىعىن قولداي وتىرىپ، قازاقستاننىڭ سىرتقى ىستەر ءمينيسترى ەرلان ىدىرىسوۆتىڭ وتستاۆكاعا كەتۋىن تالاپ ەتەمىز!

قول قويۋشىلار:

يسرايل ساپارباەۆ، اقىن، تاۋەلسىز “تارلان-پلاتينا” سىيلىعىنىڭلاۋرەاتى
يبراگيم يساەۆ، اقىن، حالىقارالىق الاش سىيلىعىنىڭ لاۋرەاتى
دوس كوشىم، “ۇلت تاعدىرى” قوعامدىق قوزعالىسى توراعاسى
ءسابيت دوسانوۆ، جازۋشى، مەملەكەتتىك سىيلىقتىڭ لاۋرەاتى، حالىقارالىق شولوحوۆ سىيلىعىنىڭ يەگەرى، قازاقستاننىڭ ەڭبەك سىڭىرگەن قايراتكەرى
ءازىمباي عالي، ساياساتتانۋشى
قازىبەك يسا، “قازاق ءۇنى” گازەتى پرەزيدەنتى، حالىقارالىق الاش سىيلىعىنىڭ لاۋرەاتى
ايدوس سارىم، ساياساتتانۋشى
داۋرەن قۋات، Abai.kz اقپاراتتىق پورتالىنىڭ باس رەداكتورى
بەيسەنعازى ءسادۋۇلى – “جەلتوقسان اقيقاتى”قوعامدىق قورى توراعاسى                        

 رۋزا بەيسەنبايتەگى،  “جەلتوقسان اقيقاتى” قق كەرەكۋ وبلىستىق فيليالى ءتورايىمى                    

   قۋاندىق شاماحايۇلى، قر مادەنيەت قايراتكەرى، حالىقارالىق جۋرناليست                           

گۇلباحرام ءجۇنىس، “جەلتوقسان قىراندارى” قق جەتەكشىسى

دينا تولەكوۆا، “قازاقستان” ترك ءجۋرناليسى

قۇلتولەۋ مۇقاش، “قازاق ءۇنى” گازەتى باس رەداكتورى
گەرويحان قىستاۋباەۆ، ۇلت پاتريوتى
زەينوللا اباجان، “قازاق ءۇنى” گازەتى باس رەداكتورىنىڭ ورىنباسارى
الماس جۇماعالي، زاڭ عىلىمىنىڭ كانديداتى، قوعامدىق ساراپشى
نۇرلان ابدىبەك، “قازاق ءۇنى” گازەتى باس رەداكتورىنىڭ ورىنباسارى
ماقسات جاقاۋ، ساياساتتانۋشى
سەيىلبەك اسان، “قازاق ءۇنى” گازەتى ءبولىم رەداكتورى
ايدوس جۇقانۇلى، جۋرناليست
ماريام ابساتتار، جۋرناليست، ساراپشى
قانات ابىلقايىر، “الاش ايناسى” ينتەرنەت گازەتىنىڭ ءجۋرناليسى
ەركىنبەك سەرىكباي، جازۋشى، رەسپۋبليكالىق «جالىن» جۋرنالى» باس مەنەدجەرى
ازامات تاسقاراۇلى، Qazaquni.kz ۇلتتىق پورتالى رەداكتورى
تۇردىبەك قۇرمەتحان، ق. ساتپاەۆ اتىن. قازۇتۋ، وقىتۋشىسى
جەنىسبەك سابرايىم، “KYNTUKENT كورپوراتسياسى” جشس قۇرىلتايشىسى، كاسىپكەر.
ەرلان احمەدي، قوعامدىق جوبالار جەتەكشىسى
سامات سۇلەي، عىلىمي زەرتتەۋشى
باۋىرجان سەگىزباەۆ، جۋرناليست
ايبەك مولداباي، جۋرناليست
اسىل تالعاتجان، عىلىم ماگيسترى
كاميشا ەسمۇحمەبەتقىزى، جەكە كاسىپكەر، ساراپشى
اينۇر احمەتوۆا، “قازاق ءۇنى” گازەتى جاۋاپتى حاتشىسى

نۇرباەۆ ق.ج.، تاريح عىلىمى دوكتورى، پروفەسسور،

توقتاسىن ا.،  “قازاق ءتىل”ى قوعامى مۇشەسى،

 نۇرسايتوۆ س.، “قازاق ءتىلى” قوعامى مۇشەسى،

بايازيت ق.،  قۇرمەتتى تەمىرجولشى،

قاليەۆ م.،  جسدپ (وسدپ) پارتياسىنىڭ مۇشەسى، 

مىرزاعالي گ.-ستۋدەنت جانە ت.ب.

قول قويۋشىلار جالعاسۋدا. ينتەرنەت ارقىلى قول قويۋعا بولادى.

www.qazaquni.kz