7-ماۋسىمدا تۇركيا پرەمەر-مينيستر رەجەپ تايپ ەردوعان قاتىسقان راسىممەن ستامبۇلعا سالىناتىن الەمنىڭ ەڭ ۇلكەن اۋەجايىنىڭ ىرگەتاسى قالاندى. تۇرىك پرەمەرى ەردوعان ستامبۇلداعى ءۇشىنشى اۋەجايدىڭ 150 ميلليون جولاۋشى قابىلداۋ كۇشىمەن الەمنىڭ الپاۋىتى بولاتىنىن ايتتى.
ەردوعاننىڭ سوزىنشە اتالعان اۋەجاي  تۇركيا رەسپۋبليكاسىنىڭ 91 جىلدىق تاريحىندا ەڭ ماڭىزدى ينۆەستيتسيالارىنىڭ ءبىرى، ء«بىز وسىندا اۋەجاي ەمەس، جەڭىسىمىزدىڭ ەسكەرتكىشىن سالىپ جاتىرمىز»، - دەدى ول ءوز سوزىندە.

اۋەجايدىڭ العاشقى ساتىسى 2017 جىلدىڭ 29 قازان كۇنى اشىلاتىن بولادى.
اتاتۇرىك اۋەجايىنان جەتى ەسە ۇلكەن بولاتىن اۋەجاي قۇرىلىسى 2018 جىلى تولىقتاي اياقتالىپ، پايدالانۋعا بەرىلمەك. ستامبۇلدىڭ ايماقتىق ەرەكشەلىگى سەبەپتى ترانزيت جولاۋشىلاردىڭ ەڭ كوپ تاڭداعان ورتالىقتارىنىڭ بىرىنە اينالادى. 6 تاۋەلسىز قونۋ الاڭى مەن 500 ۇشاق ايالداماسى بار اۋەجايىندا تەرمينالدار اراسىنداعى قاتىناس پويىزدارمەن قامتاماسىز ەتىلەدى. ستامبۇلعا سولتۇستىك مارمارا تراسساسىمەن بايلانىساتىن اۋەجايىنان قالا ورتالىعىنا قاتىناس ءۇشىن تەمىر جولى جۇيەسى قۇرىلادى.

اق پارتيانىڭ سايلاۋ الدى باعدارلاماسىندا ۋادە ەتىلىپ، قۇرىلىسى باستالعان اۋەجاي ارى كەتسە 63 ميلليون جولاۋشى كۇشىنە يە لوندون حيتروۋ مەن 45,5 ميلليون جولاۋشى كۇشى بار فرانكفۋرت اۋەجايىنان الدە قايدا ۇلكەن بولماق. قۇرىلىس جۇمىستارى بويىنشا 100 مىڭ ادامنىڭ جۇمىسپەن قامتاماسىز ەتىلۋى كۇتىلگەن اۋەجايى تەندەرىن 26 ميلليارد ەۆرومەن 5 فيرمادان تۇراتىن ورتاق ينۆەستيتسيالىق توپ جەڭىپ العان ەكەن.

اباي-اقپارات