شىمكەنت جەرگىلىكتى تۇرعىندارى ۋكراينا كۇشتەرىنەن ء«زابىر كورگەن»  دونباسس قالاسىنىڭ تۇرعىندارىنا گۋمانيتارلىق كومەك جاساماق. بۇل تۋرالى «مەگاپوليس» باسىلىمىنا سىلتەمە جاساپ Tengrinews.kz جازدى.

بەلسەندىلەر بىرنەشە سايت ارقىلى قالا تۇرعىندارىنا مىناداي حابارلاما تاراتىپ، كومەككە شاقىرعان:

«كومەككە مۇقتاج قالا تۇرعىندارىنا مورالدىق جانە ماتەريالدىق كومەك ەتەيىك، قارۋلى كۇشتەردىڭ ارەكەتتەرىنەن بەيبىت تۇرعىندار زارداپ شەگۋدە، كىناسىز ادامدار اجال قۇشۋدا. دونباسس قالاسى قازىر سلاۆيانسك جانە دونەتسك قالاسى سياقتى گۋمانيتارلىق اپات استىندا قالىپ وتىر».  سونداي-اق حابارلاما مازمۇنىندا قالاعا اۋىر سوعىس قارۋلارىنان، ءتىپتى اۋەدەن وق جاۋدىرىلعانى جازىلعان. ءارى دونەتسكى مەن لۋگانسك وبلىستارىنىڭ باسقا دا بىرنەشە قالاسىندا جاعداي ءماز ەمەس ەكەنى ايتىلعان. بەلسەندىلەر حابارلاما سوڭىندا قالا تۇرعىندارىن  بۇل حابارلامانى ەش تالقىلاپ جاتپاي-اق كومەك بەرۋگە شاقىرعان.بۇل تۋرالى تيموفەي زايتسەۆ ەسىمدى بەلسەندى: كومەك رەتىندە كەز كەلگەن زاتتىڭ قابىلدانا بەرەتىنىن ايتىپ، «ۋكراينانىڭ بەيبىت تۇرعىندارى بىزدەن بولەك ەمەس، ولاردىڭ اتالارى مەن بىزدەردىڭ اتالارىمىز فاشيستەرمەن بىرگە كۇرەسكەن» دەپ قوسا كەتكەن.

ەسكە سالاتىن بولساق، ءساۋىر ايىنىڭ ورتاسىندا كيەۆ ەلدىڭ شىعىسىنداعى جاعدايدى تۇراقتاندىرۋ ءۇشىن مامانداندىرىلعان اسكەريلەرمەن انتي تەررورلىق وپەراتسيا باستاعان ەدى. جوعارىدا اتالعان وبلىستاردى سەپەراتيستەر تاۋەلسىز مەملەكەت دەپ جاريالاپ، ۋكراينانىڭ تۇتاستىعى تۋرالى زاڭعا قايشى ارەكەتتەرگە بارعان بولاتىن.

اباي-اقپارات