سارسەنبى, 2 جەلتوقسان 2020
COVID-19 قازاقستاندا. جۇقتىرعاندار — 133118. جازىلعاندار — 117362. قايتىس بولعاندار — 1990
جاڭالىقتار 3263 0 پىكىر 28 مامىر, 2014 ساعات 13:24

قىتاي حابار الماسۋدى قاتاڭ باقىلاماق

قىتاي بيلىگى ءموبيلدى حابار الماسۋ باعدارلامالارىن تەرىس باعىتتا پايدالانۋدى بولدىرماۋعا ارەكەتتەر ەتە  باستادى. بۇعان دەيىن قىتايدىڭ باتىسىنداعى شىڭجاڭ ۇيعىر اۆتونومياسىندا حات-حابار الماسۋ قاتاڭ قاداعالانىپ كەلگەن بولسا، ەندى تۇتاس قىتايدىڭ ءموبيلدى حابار الماسۋ باعدارلامالارى مەن حابارلاما مازمۇندارى قاتاڭ سارالانباق.  بۇل تۋرالى اقپاراتتى سين حۋا اگەنتتىنى تاراتتى.

قىتاي بيلىگى ءوزارا ۇقساس باعدارلامالاردى پايدالانۋ ارقىلى  قوعامدىق پىكىرمەن كەلىسىلە بەرمەيتىن زالالدى جانە  تيىم سالىنعان اقپاراتتار تاراۋىنىڭ كەڭەيە تۇسكەنىنە الاڭداپ وتىر. ەلدىڭ جەتەكشىسى جاريا ەتكەندەي  تەررورلىق ارەكەتتەرمەن اينالىستى دەگەن كۇدىكپەن ۇستالعاندار جارىلعىش زاتتاردى دايىنداۋ اقپاراتتارىن ءموبيلدى باعدارلامالار ارقىلى ءبىر-بىرىمەن بولىسكەندەرىن مويىنداعان.

ايتا كەتەتىن بولساق الەمدە ءموبيلدى حابار الماسۋ باعدارلامالارىن ەڭ كوپ قولداناتىن ەل قىتاي بولىپ سانالادى. ءبىر عانا  WeChat باعدارلاماسىنىڭ قىتاي تەرريتورياسىنداعى قولدانۋشىلارى  800 ميلليوننان اسادى. سونداي-اق قىتايدا «Facebook»، «Twitter» سياقتى الەمدىك الەۋمەتتىك جەلىلەرگە قول جەتىمسىز. ءتىپتى ەڭ الپاۋىت ۆيدەوحوستينگ «Youtube»-تى دا قىتايلىقتار پايدالانا المايدى.

اباي-اقپارات

0 پىكىر