ۋكراينا پرەزيدەنتتىگىنە  ۇمىتكەر پەتر پوروشەنكو كيەۆتە ءبىرىنشى ءباسپاسوز كونفەرەنتسياسىن وتكىزىپ، جاڭا سايلانعان مەملەكەت باسشىسىنىڭ العاشقى قادامدارى قانداي بولماق ەكەنىن، ونىڭ رەسەيمەن قالاي قارىم-قاتىناس ورناتاتىنى جانە ن.نازارباەۆپەن بايلانىسى قانداي بولماق دەگەن سۇراقتارعا جاۋاپ بەرگەن. بۇل تۋرالى 24.kz ارناسى حابارلادى.

پوروشەنكو ۋكراينا پرەزيدەنتى بولىپ سايلانسا نەمەن اينالىساتىنى جايلى ايتقان. سونىڭ ىشىندە، ۋكراينانىڭ جاڭا كوشباسشىسى قازاقستانمەن بايلانىستى دامىتۋ كەرەك دەپ سانايدى. پەتر پوروشەنكونىڭ سوزىنە قاراعاندا، نۇرسۇلتان نازارباەۆقا دەگەن قۇرمەتى جوعارى جانە قازاقستانمەن ىنتىماقتاستىقتى نىعايتۋعا نيەتتى. ول ءوز سوزىندە: «مەن قازاقستانعا كەدەن وداققا قاتىسسىز-اق قۋانا كەلەمىن. بىزدە ەكىجاقتى ىنتىماقتاستىقتىڭ شەشۋدى قاجەت ەتەتىن كوپتەگەن ماسەلەلەرى بار. ەكسپورت، ساۋدا، قاۋىپسىزدىكتى قامتاماسىز ەتۋ سالاسىندا قولعا الاتىن ىستەر كوپ. مەنىڭشە، قازاقستانمەن بايلانىس جاساۋ ۋكراينا پرەزيدەنتىنىڭ ءبىرىنشى كەزەكتە قولعا الاتىن باسىمدىقتاردىڭ ءبىرى»، - دەگەن.

ەستەرىڭىزگە سالاتىن بولساق، سوڭعى اقپاراتتارعا ساي ۋكرايناداعى پرەزيدەنت سايلاۋىنا داۋىس بەرۋشىلەردىڭ 60 پايىزى قاتىستى. ءبىرىنشى كەزەڭنىڭ الدىن الا قورتىندىسى بويىنشا پەتر پوروشەنكو 55,9 پايىز داۋىسپەن جەڭىسكە جەتتى. ەكىنشى ورىندى يەلەنگەن يۋليا تيموشەنكو 12,19 پايىز داۋىس جيناعان. 

اباي-اقپارات