شىڭجاڭ ۇيعىر اۆتونوميالى ولكەسى ء(شۇاو) پوليتسياسى 23 ەكسترەميستىك جانە تەرروريستىك باعىتتاعى توپتى قۇرىقتادى. قازاقپاراتتىڭ حابارلاۋىنشا قولعا تۇسكەندەردىڭ ءبارى ەكسترەميستىك ماتەريالداردى زەرتتەپ، جارىلعىش زاتتاردى دايىنداۋ تاجىريبەسىمەن الماسقان. جەدەل شارالار  بارىسىندا 200-دەن استام جارىلعىش زات تاركىلەنگەن. ايتا كەتەتىن بولساق، كەشە، 25 مامىردا رەسمي پەكين  1 جىلدىق مەرزىممەن انتيتەرروريستىك وپەراتسيا باستاعانى تۋرالى جاريالاعان ەدى.  باستى نازاردا باتىس قىتاي ءجىتى قاداعالاناتىن بولادى. قىتاي بيلىگى ەلدە بولىپ جاتقان جاعدايلارعا «شىعىس تۇركىستان» تەرروريستىك توبىنىڭ قاتىسى بار دەپ سانايدى. مالىمەتتەر بويىنشا، ولاردىڭ ء«ال-كايدامەن» بايلانىسى بار بولۋى مۇمكىن.

ەستەرىڭىزگە سالا كەتەيىك، سوڭعى جارتى جىلدا قىتايدا بىرنەشە ءىرى تەراكت ورىن الدى. سوڭعى تەراكت 22 مامىر كۇنى ۇيعىر اۆتونوميالىق ولكەسىنىڭ ءۇرىمجى قالاسىنداعى بازاردا بولىپ، جارىلىستان 39 ادام قازا تاۋىپ، 90-نان استامى جاراقاتتاندى.

اباي-اقپارات