ۋكرايناداعى پرەزيدەنت سايلاۋىنىڭ ءبىرىنشى كەزەڭىنىڭ ناتيجەسى بويىنشا ۋكراينانىڭ بۇرىنعى ساۋدا جانە ەكونوميكالىق دامۋ ءمينيسترى  پەتر پوروشەنكو جەڭىسكە جەتتى. ءتورت تەلەارنانىڭ ەكزيت-پولل مالىمەتتەرى بويىنشا، پوروشەنكوعا سايلاۋشىلاردىڭ 57% داۋىس، ال تيموشەنكوعا - 13% داۋىس بەرگەن. ۋكرايناداعى مەرزىمنەن بۇرىن وتكىزىلگەن پرەزيدەنتتىڭ سايلاۋعا كۇندىز حالىقتىڭ 40 پايىزى كەلدى. بۇل مالىمەتتەردى ەلدىڭ ورتالىق سايلاۋ كوميسسياسىنا سىلتەمە جاساپ قازاقپارات حابارلادى. ەگەر بەرىلگەن داۋىستاردى ساناۋ قورىتىندىسى وسىلاي بولىپ شىقسا، وندا ۋكراينادا سايلاۋدىڭ ەكىنشى كەزەڭى بولماۋى مۇمكىن.

سونداي-اق ۋدار پارتياسىنىڭ كوشباسشىسى ۆيتالي كليچكو ۋكراينا استاناسى كيەۆ قالاسىنىڭ مەرى سايلاۋىندا سايلاۋشىلاردىڭ 57% داۋسىن جيناعان.

سايلاۋ بارىسى كەزىندە ەلدىڭ شىعىسىندا سەپاراتيستىك بۇلىكتەر تىركەلدى. الدىن الا مالىمەتتە كوش باستاپ تۇرعان پورەشەنكو ۋكراينا بيلىگى قىرىمداعى جاعدايدى ەش مويىندامايتىنى تۋرالى مالىمدەمە جاساپ، ۋكرايناداعى ساياسي جاعدايدى تۇراقتاندىرۋ ماقساتىندا رەسەيمەن ەكى جاقتى كەلىسسوزدەر جاساۋعا دايىن ەكەنىن ءبىلدىردى. ءارى وسى جىلدىڭ اياعىنا دەيىن ەلدە پارلامەنت سايلاۋى وتەتىنى تۋرالى دا ايتتى.

اباي-اقپارات