«جاھاندىق ديالوگتاردىڭ توقتاتىلۋى - بۇل قاۋىپتى ۇدەرىس.» بۇگىن استانادا ءوتىپ جاتقان VII استانا ەكونوميكالىق فورۋمى مەن داعدارىسقا قارسى II دۇنيەجۇزىلىك كونفەرەنتسيانىڭ جالپى وتىرىسىندا ءسوز سويلەگەن قر پرەزيدەنتى نۇرسۇلتان نازارباەۆ وسىلاي دەپ ءمالىم ەتكەن. بۇل تۋرالى قازاقپارات جازدى. مەملەكەت باسشىسىنىڭ ايتۋىنشا، «حالىقارالىق قاتىناستار تەڭدىگىنىڭ شايقالۋى، جاھاندىق ديالوگتىڭ دوعارىلۋى - بۇل قاۋىپتى ۇدەرىس».

ء«ححى عاسىردا بارلىق مەملەكەتتەر، بارشا ساياساتكەرلەر "G-global" الەمىندە، ونىڭ ەۆوليۋتسيالىق، سەنىمدىلىك، اشىقتىق، تولەرانتتىلىق پەن ديالوگتىق قاعيداتتارىمەن ءومىر سۇرۋگە ۇيرەنۋلەرى كەرەك. جاھاندانۋ ءسوزسىز بۇكىل الەمدى ءاربىر ادام ءۇشىن بارىنشا جاقىن ءارى بارىنشا قولجەتىمدى ەتىپ وتىر. الايدا، قازىرگى ۋاقىتتا ەڭ كۇردەلى جاھاندىق ەكونوميكالىق داعدارىستى باستان وتكەرىپ وتىرعان الەم قايتا قۇلدىراۋ مەن رەتسەسسيا جاعدايىنا ءتۇسۋى ابدەن مۇمكىن»، - دەپ اتاعان پرەزيدەنت ن. نازارباەۆ. 

اباي-اقپارات