قىتايدىڭ شىڭجاڭ ۇيعىر اۆتونوميالى ايماعى ورتالىعى ءۇرىمجى قالاسى ساياباقتارىنىڭ بىرىندە جارىلىس بولدى. جارىلىس ساياباق ماڭىنداعى بازارعا بەلگىسىز توپتىڭ باعىتتاپ جىبەرگەن اۆتو كولىگى ارقىلى ۇيىمداستىرىلعان. كەلىپ تۇسكەن اقپاراتتار بويىنشا جارىلىس سالدارىنان 31 ادام قازا تاۋىپ، 90-نان استام ادام ءتۇرلى جاراقاتتار العان. سونداي-اق جارىلىس سوڭى ورتكە ۇلاسقان. BBC-دىڭ حابارلاۋىنشا اتالعان اۋداندا قىتايدىڭ كۇش قۇرىلىمدار جەدەل ارەكەت ەتىپ جاتىر.  

شىڭجاڭدا سوڭعى ۋاقىتتاردا بىرنەشە  ۇيعىر سەپاراتيستەر شابۋىلى بولدى. ءساۋىر ايىنىڭ سوڭىندا ءۇرىمجى قالاسىنداعى ۆوكزالدا بولعان جارىلىستان 3 ادام قۇربان بولىپ، 80 ادام ء تۇرلى دارەجەدە  جاراقاتتانعان ەدى. ايتا كەتەتىن بولساق جىل باسىنان بەرگى لاڭكەستىك ارەكەتتەر  قىتاي ەلىنىڭ باتىس ايماعىندا تەكسەرىس پەن باقىلاۋدى كۇشەيتۋىنە سەبەپ بولعان ەدى. شىڭجاڭ وڭىرىندەگى قوعامدىق ورىندار پوليتسيانىڭ قاتاڭ باقىلاۋىندا.

اباي-اقپارات